Pilipai 3:5 - BAṈARA KO VAIRU AMA LEVELEVEO

⁵ Ako aṉata a movei siotolu ṉaniu ko tova a alila Saita, ni aṉata Izireli qoqono kalea lala vo Benijimane ko toutou kalea lala sole. Ni aṉata Hiburu pesioa lala ni kiadama aṉako taite poso melai Hiburu pesio mu. Ni aṉata Paresea lala sole vo Mosese ko Bazu ta matu qulepo ama aṉa kasi.

Pilipai 3:5 교차 참조

Luke 1:59

Ni siotolu ama ṉaniu kale voa salua ko alilo ko tova inio seta ke olake movevole vo, ni seta kevai nokaekou Zekaraia ṉi, o mama ko ṉi, kikelake.

Luke 2:21

Ni siotolu ama ṉaniu kale inio voa salua ta ke movevake ni seta kevai nokaekake voko ṉi ta Jisu, koa ṉi vo mateana o kativema vo puliako vo siapa kale elo.

Luke 5:38

Kota pui so ko kalou! Ko vairu ama vaini ko ju ta ko raibiziovou uria vairu ama teamuteamu kale!

Iruruputo 22:3

“Aṉata kala Jiua lala, Silisia ma Tasisi a alileni lala melai a rapukeni lala koi Jerusalema ni Qamelieli inio o nianiiekileni aṉa. Aṉata a qoe animeko taite poso ko Bazu ko nianiiekato ni aṉata lula matu mumuasa puilo aqai eva vo Baṉara va nabuluputo omadeuvo koi me jari komia ṉaniu.

Iruruputo 23:6

Ni Paula ta o meake koa poqala maba poso kake ta Sadiusi madu se mata saevo voukale azo pui ke tuvevo puekani, ni kake ta Parese madu, seke tuvevo puekani ko, so sole vota omai velavelaoke se Kauniseli madu ni eri kiolake, “A baerebaere poso mela! Aṉata kala pado Parese lala inio, ni kala Parese vo meqora lala inio. Aṉata a lojoa koi vairutu titizikinio kale ako aṉata a ṉeamukani lala sole ko mata saevo voukale azo ama!” kiolake.

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

Romu 11:1

Noi nio, vo Baṉara ta o ṉamume ni o edolime o ṉaviko maba madu kio? Maba pui! Ako aṉa inio kala pado lala Izirelia lala sole, ni aṉa inio kala pado vo Ebarahami ko vikuvikula kalea lala, ni kala pado vo Benijimane ko toutou kalea lala sole.

2 Koriniti 11:22

Hiburu amu inio ko se kio? Aṉa melai so. Izireli amu inio ko se kio? Aṉa melai sai zalala inio. Ebarahami ko vikuvikula kale amu nio ko se kio? Aṉa melai so pado.