Pilipai 3:2 - BAṈARA KO VAIRU AMA LEVELEVEO

² Meta tama balauvomo sea ruqe ama maba poso sea siele jari amu seke zuruzuruemelani me tu me moveko meko tupu tu ko mamola pueko ta meta vo Baṉara ko mela kio.

Pilipai 3:2 교차 참조

Matiu 24:10

Ni matu kubo maba madu ta ke vaekou seko oqu, ni keta saiqorikiniou ke ṉavio kude ni keta kanaekiniou.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Matiu 7:6

“Pui ṉamuko ko tabu ama lomaloma ruqe ama maba poso kasi. Soa katimo me elou ta meta me qatika jari nio ko siele tabu ama lomaloma. Ako kota ko titiziovou ni ko nanaemelou sole. Ni soa katimo me elou ta meta me risaeka jari bolo kasi meko jiku. Kota kokai lojolou ni ko niumaekou sole.

Romu 2:28

Sole lala inio voa maba Jiu ala maba, tuvevo ama moveilo sala? Vota pui voa Jiu ala inio vo tupu kale Jiu o evani, vo tupu kale ama moveilo sala.

2 Koriniti 11:13

Sea maba poso ta pui tuvevo ama apositolo madu inio, seta kama lipalipa kama apositolo madu, seke lipalipaitani seko iruruputo kale ni seke edoliani tu vo Karisito ko tuvevo ama nabulu poso jaria melo ke elo.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Qelesia 5:15

Melai meta mebeta ziovou niumaniumaekinio ni periperikinio ta mainio meta mebeta maba ruvurou. Meta piru ama biaṉa ko nanaekinia ni ko niamuniamuekiniako jari meda kava sole!

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

1 Timoti 1:19

ni ṉota ṉo bataitou ṉoko oqu kale nio ṉoko kerukeru ta pui kopa ṉai kuiriziovou ko ruqe. Ako kama maba poso ta pui keka zariani nio viqo seko bulo kale ama kerukeru ko komai kasekako quli, nio seta ruqe ke ika seko oqu.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

2 Pita 2:22

Ako seke erekako kalo ta voa nianiiekato sala bazu kiolani jari, ko eri, “Vo siele ta o kua o ṉaviko sakosako,” ni “Vo bolo o uria siuvani ta mata ota niabea koa niabeniabe kale,” kiolani. So jari nio seko tovama tapata ta kobe kai paloasa koa lulama.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 2:9

Aṉata aqai nianiia meko tapata poso; aṉata a melai nianiia ta meta ozaoza kamela, melai meko noqola kama batiro ta maba matuma! Aṉata aqai nianiia seko zarazaraemelo se ‘Eṉe inio ko Jiu amu ṉela’ kikelani, melai seta pui so, ako seta vo Setani ko qoqono kale amu inio sole.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”

Kelokelozato 22:15

Melai koa matu peuru ko kupekupe ta inisiana se siele jari ke kavani ruqe ama kalo ke luluekani, ni se kakokakoto ke erekani, ni se ruqe ama iruruputo ke pauvekani, ni seke vouvatani, ni seke ilusikani ko beku, ni seke lipalipatani seko pesio poso kale ni seko iruruputo poso kale.

Kelokelozato 3:9

Keatini! Ako sea Setani ko vaki se ‘Eṉe inio ko Jiu amu ṉela,’ kikelani, melai seko tuveano ta pui Jiu amu, se inio aṉa a mati kilo amu mekasi ni seta ke loqunou meko kiti kasi. Nio sea kiadamu ta kelai nianiiovou ko aṉata a roquemela me kio.