Pilipai 3:19 - BAṈARA KO VAIRU AMA LEVELEVEO

¹⁹ Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

Pilipai 3:19 교차 참조

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Luke 12:19

Nio aṉata eri kiavou a ṉaviko saevo kasi, Qulepo ala maba ṉa! Ṉota ṉo ṉeamuka kiadama uri ama lomaloma ko ṉoko saevo ko maleziko ama kubo sabere poso. So sole rurukaovi, vuate, nozute ni zolei!’

Luke 16:19

Ni Jisu ta obeta olake pesio ni eri kiolake, “Kala batiro ala maba ta obeta evake vo okai saboivani ko matu ileile ama sabosabo matu tatabara kama ni kiadama ṉaniu o matu uria vuatani.

Luke 18:4

Ni kuleto voa titizato ko maba ta ota lupaoke ereko ko titizato, melai koko tova inio eri kiolake, ‘Tuvevo aṉata pui ada va paṉaovani lala inio vo Baṉara ni so jari maba,

Romu 16:18

Ako seke erekani soama quli ta pui keva nabuluputa animevo Lekasa Karisito sole, melai kota tupu ko zario ikio kebe ka nabuluputa. Seko uria viqo ama ni oluoluto sama pesio kale seta ke lipalipata tu ke lipalipaemo ni otao ke imo se pui malaṉaja kama maba madu.

Romu 6:21

Loma ikio meme qoema meko ereko kale koa iruruputo, ko erisaṉa ko quratimelako me? Koa iruruputo ko reketekete ta vou sole!

1 Koriniti 3:3

Ako meta mebeta eva saevo omadeuvo komia ruqe ama peuru ma peuru ko maba poso jari sole. Ako konoilo ni me ṉavio kude aiveaivekinio ta ikoana kobeta eva me tona, ni komi quli ta kasa ko ika ko meta komia ruqe ama peuru ma peuru ko mela inio kio, me mebeta saevani mela koko saevo kale.

1 Koriniti 5:2

Koa matuma boutare ta kobeta ereiva mekasi, melai inio meta meda raurarauraivani mela! Meta me male tu komia kalo ta duki ko imelo, ni voa maba vo o erekani ko quli ta saqorivomo meko lotu qoqono kale azo.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

2 Koriniti 11:12

Aṉata abeta ziovou pui tamela kovo kama tabara koko kilo ama taku kale omadeuvo vairutu jari. So inio aṉata ada ma kovou koko raki seko aikailo sea “apositolo” madu ma kimelani, se kekai raurarauraivani ko seta aṉa jaria iruruputo ke eva kio sama lipalipato.

2 Koriniti 11:15

So sole kota pui kama matuma quli kio tu vo Setani ko nabulu poso ta ke edolio tu sidopu ama maba poso jaria melo ke elo. Koko paitopaito kale ta keta ka kovou seko iruruputo ko male ama reketekete.

Qelesia 6:13

Ni seke luluekani moveilo ko bazu melai pui ke lulueka koa pado ama Mosese ko Bazu, melai seta kekai zaria tu meta me moveilo tu meta me luluekou se kikelani ni ke melai raurailou me meko tupu ko moveilo kale avo.

Pilipai 2:21

Ako kake maba poso ta ke ṉaviko zario pala ikio ke kerukerueka sole melai pui ke kerukerueka vo Jisu Karisito oka zariani.

Kolosi 3:2

Meta kerukeruekomo koa keve aukale ama kiada keru. Ni meta epezomo kerukerueko pala koa keve poso komia peuru ma peuru kale ama.

2 Tesalonaika 1:9

Seko koqotailo ta noqola kama tolailo ni pitasio animevo Lekasa ko tanama kale azo, ni voko pizato sama ṉaṉaidara kale azo.

2 Tesalonaika 2:12

So inio se pui ke tuvevo puekani Baṉara ko tuveano ni lula kekai zoleivani seko boutare ta ke titiziovou muli.

2 Tesalonaika 2:8

So keru inio voa matu ruqe ala maba ta o puratou ni animevo Lekasa Jisu ta o vouvaevou vo voko suto kale azo ama kozakoza kale ni vota o niumaevou vo koa ṉaṉaidara vo o kati kilo ama kale.

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

Jemisi 4:16

Melai erisaṉa meta meqai zoleiva meko nakanakati kai rauraraurailo ni aikailo. Koa rauraraurailo poso ta ruqe ama.

2 Pita 2:1

Lulavo se lipalipa kama poropita madu ta ke purate vo Baṉara ko maba madu ko tiania. Ni so jari nio se lipalipa kama nianiiekato ko maba poso ta ke puratou meko tiania, ni seta ke kati kilou moizavole kubo lipalipa kama bazubazu koko niumaemelo ama me. Ni seta keta vai zoliovou melai vo Jisu vo o tabarikeni seko rupasio seko sarueko ko piri kale azo, ni so inio seta ke oruṉikou seko tapata ni vo Baṉara ta kapiavole o niumaemou se.

2 Pita 2:13

Ako se inio ke tolaemeni matu kubo maba madu, sole ke ṉavi melai ke tolailou ni ko ikio koko reketekete seke erekako kalo ko. Ako seta kekai zoleiva ereko ruqe ama quli ubutiania, ni seta kaqa ke imela me ṉavi Baṉara ko vilu kasa so keru padoilo vuato me eva keru se sase.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Jiudi 1:10

Melai sea ruqe ama maba madu ta ke ruqe kaseka ko quli se pui ke paqumukako quli, melai ko quli ke paqumukako quli tu ke ereko kerukeruto pide biaṉa poso jari, ko quli kio ko maba niumaemako se.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 18:7

Katikomo ko matuma tapata ni upotuqu tu ko besieko koa raurailo ni olavo ko kalo ko ṉaviko erekako kale. Ako kota ko raurarauraiva ko ṉavi, ni eri kikola, Aṉata matu sinaqu a bapuani lala aṉako lekasa puo ko papupapu topi! Aṉata pui nabokoa lala, aṉata pui aba buniubuniuovou!

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”

Kelokelozato 22:15

Melai koa matu peuru ko kupekupe ta inisiana se siele jari ke kavani ruqe ama kalo ke luluekani, ni se kakokakoto ke erekani, ni se ruqe ama iruruputo ke pauvekani, ni seke vouvatani, ni seke ilusikani ko beku, ni seke lipalipatani seko pesio poso kale ni seko iruruputo poso kale.