Pilipai 3:18 - BAṈARA KO VAIRU AMA LEVELEVEO

¹⁸ Ako matu kubo taku inio aṉata a melai bazueka eri ama quli, ni vairutu aṉata a melai bazueka mata aṉako deumu sate: ako matu kubo maba madu ta lula kana ke ika sole vo Karisito ko korosi ko bazu.

Pilipai 3:18 교차 참조

Luke 19:41

Ni vota o baroake Jerusalema matu peuru ko ketaketa, ni so keru vo o keve keru ko, vota oka ziake ko,

Iruruputo 20:19

Kiadama aṉako zarazarailo ni kubo aṉako deumu sate aṉata a erekake aṉako iruruputo aṉako va nabuluputo kale vo Baṉara koa tapata kama taku poso kale koko baroima aṉa kasi se Jiu amu ko la abamato kale sole.

Romu 9:2

Aṉako upotuqu ta matu ti matuma ni aṉako bulo kale ama tola ta paito pide ama

1 Koriniti 1:18

Ako vo Karisito ko vou korosi topi ama ko Bazu ta utube ama quli noqola tolailo kale ke ziovo amu kasi, melai anime me bakiziani mela ta koa Bazu ikio ko kaseka vo Baṉara ko pizato anime kasi.

1 Koriniti 6:9

Meta pui nio meqai nianiia se ruqe amu ta pui kepa amaqeovou vo Baṉara ko lekasa puo kale? Meta me uria paqumukou komi; pui se olavo amu, ni pui seke ilusikani ko beku ni pui seke zavematani ni pui se lasive amu ke ṉavio kude ke pauvekani ruqe ama iruruputo,

2 Koriniti 11:13

Sea maba poso ta pui tuvevo ama apositolo madu inio, seta kama lipalipa kama apositolo madu, seke lipalipaitani seko iruruputo kale ni seke edoliani tu vo Karisito ko tuvevo ama nabulu poso jaria melo ke elo.

2 Koriniti 11:29

So keru kala maba lekuleku o eva keru, aṉata duki aqai eva voko soama lekuleku, ni so keru kala maba ko sipativa keru ko sarueko, aṉata matu upotuqu ada eva.

2 Koriniti 2:4

Aṉako matuma tapata ni upotuqu ni kubo deumu sate aṉata a rikiekake koa leta mekasi, tu pui aṉako duki imelo kaqe me, melai meko paqumuko kaqe ko aṉako matuma roquemelo me kio kale avo.

Qelesia 1:7

Melai tuvevo avole puliama ikio edoloma Uri ama Bazu. Melai kake maba poso ta niuniala ke imela me ni kekai zaria besieko vo Karisito ko Uri ama Bazu.

Qelesia 2:14

Ni aṉata a qeake seke erekako quli. Seta pui ke luluekake Uri ama Bazu ko tuveano, so sole aṉata eri va kialake vo Pita sea kiadamu ko tanama kale, “Pita, ṉota Jiu ala ṉa inio, melai ṉota pui Jiu amu jaria saevo ṉo eva. So sole noni kaqe inio ṉo zuruzuruema se pui Jiu amu tu Jiu mu jari ke kalo? Ako ṉo ṉavi melai pui Jiu amu ko saevo jaria saevo ṉobeta eva sole.

Qelesia 2:21

Aṉata pui aba zaraekou koa roquano sama iruruputo vo Baṉara ko, ako koa lulama Bazu Mosese o katimelema ta pizato sama tu sidopu ko imelo anime vo Baṉara ko kelokelozato kale tea, vo Karisito ta puliako kaqe inio opa vou.”

Qelesia 5:21

sebisebito, piza kama ju doilili kai elo ni ruqe ama ṉojolao, ni ereko mata kama soama quli. Melai aṉata a balauvimela me erisaṉa, omadeuvo aṉata a balauvimele ko paloasako taku kale jari, ako seke erekani komi quli ta pui kepa kovou vo Baṉara ko lekasa puo kale ama mauruto sole.

Qelesia 6:12

Sea maba madu seke matu madoekani zolizoliemelo me tu meta me moveilo ta ke ereka ko quli tu se Jiu amu ta kemai zoleilo se, tu seta kekai aikailo kupekupe ama quli. Ni seta so ke kava tu seta keta ka lapasou koa koqotailo seke kovo ama Jiu mu kasi, seta kekai bazubazuta tea Jisu ko vou korosi topi ama ko kiada.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Pilipai 1:4

ni kiadama taku aṉata a melati vararaita mea kiada mela a zoleilo sate.

1 Tesalonaika 4:6

Puliala maba ta otao o ivo vovo lotu kale ala lolo voko reko tava kamako kale. Eṉeta lula ṉe melai bazueka me komi, ni ṉe matu balauvimele me, ako vo Baṉara ta o koqotaemou nio sole seke ereko amu soama quli.

2 Tesalonaika 3:11

Eṉeta so kiṉela erisana, ako eṉeta ṉe viqa sole ta kake me azo ta lupalupa saevo elo kebeta eva ni edolomu ko iruruputo keta ma botebotea pueka.

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.

Jiudi 1:13

Seta omadeuvo ko ivere kale ama tovoko poso jari, ni seko qurato sama kalo ta ko purata koko supalala jari. Seta omadeuvo koa suti poso ko pui ko luluekako ko ṉaviko keve jari, se inio vo Baṉara lula oma inainaekani kama pado matu kutumana kama zae tu seta noqola elo ke elou sai.