17 So sole a visi poso, omadeu vatolo kale meta madoekomo lulueko aṉa a qavani. Ni didiemomo seke luluekani koa sidopu ama kalo, ako eṉeta kasa ṉe ika ko tuvevo ama keve ko meme lulueko ama sole.
Ni meta kai saevomo ko quli meqai nianiima ni me qoema aṉa kasi azo. Ni erekomo ko quli aṉa a melai bazuekema, ni meta kamo aṉa a qaevo jari. Ni vo bule ko Baṉara ta o elou me tona.
Ni meta pui mema rauraraurailou sea lotu maba madu kasi se me mati vailani, omadeuvo ruqe ama lekasa poso jari, melai meta uri ama kalo erekomo sekasi, tu seta ke luluekou meko uri ama kalo.
Eṉeta ṉeda roveo nio paseko ko tauvezato mekasi, melai meko lulupato ko tauveko kale avo eṉeta soa matu iruruputo ṉe eve tu meta me luluekou koa eṉeko kalo.
Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.
Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.
Me ṉavi ta meqai uria nianiia ta kota ko male tu me qalou eṉe ṉe qaevo jari. Ako eṉeta pui ṉeba kaikuape iruruputo sole so keru eṉe sai mekasi ṉe eve keru.
Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.
Esa kala maba sai ta pui opa zorikou ko bazu ko eṉe ṉe joroekako mekasi komia riki kale. So tea, meta mevai nianiiovou pala inio voa maba, ni pui me vati lolopareovou, so inio vota o quratou.
Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.
Aṉata a basemela me a visi poso mela: tu tama balauvomo se pitasato ko maba poso ni seke niumaekani maba ko oqu ni se ruqea kaseko ke evani koa nianiiekato ko me lula me qoema. Meta tama papariomo se!
