Pilipai 2:26 - BAṈARA KO VAIRU AMA LEVELEVEO

²⁶ Ako vota oka matu zaria tu o mela lelo sole mea kiada mela. Ni vota tiṉoliṉoli ota eva ako meta me viqe ta vota ota verepe sole.

Pilipai 2:26 교차 참조

Matiu 11:28

Kuemo mea kiada mela aṉa kasi, meme jairokani mela meko boriko meko duki ama bouro poso, tu aṉata a qatimelo ko mamazo.

Matiu 26:37

Ni vota o mati olake sea toni omuqa kale azo Pita, ni Jemisi ni Jone, Zebeti ko meqora kidi, ke kiadakoi. Ni Jisu ta matu upotuqu ota evake,

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Romu 1:11

Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me.

Romu 12:15

Mati zomanomo zoleilo seke zoleivani, ni zomanomo zialo seke ziani sase.

Romu 9:2

Aṉako upotuqu ta matu ti matuma ni aṉako bulo kale ama tola ta paito pide ama

1 Koriniti 12:26

So inio kala pado tupu ko kata ta o tolailou, nio kiadama koa tupu ko kata poso ti ko lainikou muli koa tola. Kala lotu maba ta o raurailou, nio koa pado ama lotu qoqono ta keta zoleilou muli.

2 Koriniti 9:14

Nio seko roquano sama bulo sate seta ke tauvemelou me seko vararaito kale, ako vo Baṉara ko naiza kama ni baiseo sama roquano ta kasa ko eva mekale sole.

Qelesia 6:2

Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

Epesasi 3:13

So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Pilipai 1:3

Kiada keru aṉa a qerukeruemela keru me, aṉata a qaseka aṉako uriavo Baṉara kasi mekale avo,

Pilipai 1:8

Ni vo Baṉara melai okai nianiia koko tuveano ta aṉata aqai matu zaria tu a mela lelo me. Ako aṉata a matu roquemela me sole vo Jisu Karisito ko roquano kale.

Pilipai 2:25

Vo Epaparoditasi ta aṉavo visi Karisito kale. Vota o iruruputani ni o nabuluputani aṉa sase tu eqeta qeva pazokinio vo Karisito. Ni aṉata avai zariovi nio meta me joroeve tauvelole aṉa sole aṉata mata a vaitoeva mekasi.

Pilipai 2:27

Ni matu tuvevo vota ota verepe ni sipole ota vovi. Melai vo Baṉara ta o tauveve vo ni o tauvele aṉa, tu aṉata pui matu duki a elo.

Pilipai 4:1

A visi poso, aṉata a roquemela me ni a melai zaria mela lelo me, ako me inio me matu zolela aṉa ni aṉata a melai rauraiva me sole. So sole meta beta olamo luluevo vo Lekasa Jisu ko aṉa a melai bazuekevo jari.

1 Pita 1:6

Ni ko ikio ko matu zolemelako me. Esa puju ama taku kale erisaṉa inio azaazama tapata poso ta duki ko imela me, melai mebe kai zoleiva meko pakio.