Pilipai 2:19 - BAṈARA KO VAIRU AMA LEVELEVEO

¹⁹ Ni vo Lekasa Jisu ko vatolo ko elou ta, mainio aba soroevou vo Timoti mekasi, ni aṉata ada matu zoleilou tu a melai nianiiovou me voko bazu kale.

Pilipai 2:19 교차 참조

Matiu 12:21

Ni kiadama komia peuru ma peuru kale ama maba madu ta kevai keruvou vo.”

Iruruputo 16:1

Ni Paula ni Sailasi ta qo olake Debi ni sai kazo Lisitara peuru kale sai kala lotu maba o evakoi o ṉi ta Timoti va kikelani. Voko niania melai kama pado lotu maba, kota Jiu ama, melai vovo mama ta Quriki ala.

Romu 15:12

Ni mata, Aisea ta eri kiolake, “Kala pado vo Jese ko vikuvikula kale ala ta o puratou, ni vota Lekasa oma elou se peuru ma peuru kale ama qoqono poso, ni seta kevai keruvou vo,” kikolako.

Romu 16:21

Vo Timoti aṉa sate o iruruputani, ta o soroeka voko roquano mekasi; ni so jari Lusiasi, Jesoni ni Sosipata, se aṉako mabamu Jiu amu.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

Epesasi 1:13

Ni so jari meta vo Baṉara ko meqora poso mela me eveni mela so keru me viqe keru ko tuvevo ama nianiiekato, koa meko pakiezato sama bazu. Ni me tuvevo me ive keru vo Karisito inio vo Baṉara ta o mamola puemele me tu o ṉavi kaqe voko katimelo kale voa Tabu ala Auvana vo leveleveo o iveni.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Pilipai 2:18

Ni me melai matu zoleimo aṉa sate.

Pilipai 2:28

So inio aṉata ava matu zaria tu a vaitoevo me ṉavi kasi tu meta me velou ni me zoleilou ni aṉako duki ta saratata ko elou.

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

1 Tesalonaika 3:5

Sokale avo inio aṉata a joroeve vo Timoti. Aṉata maba pui a rovea ibu aṉako pui kai nianiio kale meko ziozio, so inio aṉata a joroeve vo tu vota okai nianiio meko oqu ko kavani. Ako aṉako matuma ṉalo ta esa tuvevo avole lula inio o zolizoliemela me vo Setani tu meta me vaeko meko oqu ni kiadama eṉeko iruruputo ta kota utu ṉamuiva kiala inio!

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

Jemisi 4:15

Melai ko me kimevo avo ta eri, “Vo Baṉara o zarieṉelou, ta eṉeta ṉe jaevou ni ṉe erekou eṉeko zario.”

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.