Pilipai 2:17 - BAṈARA KO VAIRU AMA LEVELEVEO

¹⁷ Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Pilipai 2:17 교차 참조

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Romu 12:1

So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

2 Koriniti 12:15

Ni aṉata aqai zoleilou tu ṉamuko kiadama aṉako lomaloma ni aṉako pado ama saevo meko tauvemelo kale. Noi nio? Ko meko roquelo aṉa ta saratata ko elou ako aṉata a matu roquemela me sole kio?

2 Koriniti 4:12

So sole eṉe apositolo ṉela ta ko vou ko tapata kale, melai Sokale avo inio Baṉara o puarikako saevo ta ko eva me tona.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

2 Koriniti 7:4

Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

Pilipai 2:18

Ni me melai matu zoleimo aṉa sate.

Pilipai 2:30

ako vota sipole oka vouva sole vo Karisito ko iruruputo. Ni vota o toraekake koa tapata tu o tauvelo aṉa so keru me pui meba roveovi keru tauvelo aṉa.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

1 Tesalonaika 2:8

Ako eṉeta ṉe matu roquemele me, so sole eṉeta ṉeqai zariake melati bazueko me ko Uri ama Bazu, ni eṉeta mata ṉeqai zariake melati koidipo me eṉeko pado ama saevo kale. Ako eṉeta soa matu roquemelo inio ṉe evake me sole.

2 Timoti 4:6

Aṉa kale avo, ta ko taku ta lula kota baroa tu aṉata kala siqasiqa a elo; komi kio koa taku tu aṉata a vaeko komia miduku kale ama saevo.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.