Pilipai 2:15 - BAṈARA KO VAIRU AMA LEVELEVEO

¹⁵ so inio meta kuiripato pidea mela ni bulebulea mela vo Baṉara ko korokoroti ama meqora poso mela meda elou meko saevo kale se kaido ama maba madu ni boutare samu ko valuvalu. So inio seko tiania meta talolomo suti jari.

Pilipai 2:15 교차 참조

Matiu 10:16

“Meta didielomo! Aṉata a joroemela me omadeuvo sipi jaria mela piru ama ni kade ama biaṉabiaṉa ko tiania. So sole meta balauvomo ni ibuibumu emo meko saevo kale sekasi.

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Matiu 5:45

Koa kalo ikio ko kasa puemelou ta meta mevo aukale ala Mama ko meqora poso mela, ako vo Baṉara ta omadeu taloekiko omai eva voko ṉaniu ko zakaremu se uri amu ni se ruqe ama maba poso, ni vota omadeu katimo o eva ko nioro ko mauruto se sidopu ke erekani ni se ruqe ke erekani.

Matiu 5:48

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

Luke 1:6

Nioqata sidopua elo qo evake Baṉara ko vilu kasa, ni qo matu uria zorikake vo Baṉara ko bazu poso ni lojolojo poso.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Jone 5:35

Jone ta kala juke jari o eve, ni vota o taloekiko ko zakaremu, ni meta meqa zariovi tu ko zolemelo voko zakaremu puju ama taku kale.

Iruruputo 2:40

Ni Pita ta o balauvimake se komi kale ni mata kubo voko piza kama pesio kale, ni eri ma kiolake, “Meta pakiemo koa koqotato kasi azo vo Baṉara o soroeko ama se erisaṉama ruqe ama maba poso kasi se kevai keduini sevo Pakio!” ma kiolake.

Iruruputo 20:30

Ni kake mekale ama maba poso ta ke puratou ni ke lipalipaemou seke tuvevo putani tu ke luluemo se.

Romu 16:19

Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

2 Koriniti 6:17

Sokale avo inio vo Baṉara ta o balauvimake se Izireli amu ni so kiolake, “Erisaṉa meta vaemomo se ni meta pitasiomo sekasi azo. Meta taka papariomo ko kuna kama quli, Sokale kude inio aṉata a mela lilitou me.

Epesasi 5:27

Ako vo Karisito ta o vovi tu vota o kovo koa lotu qoqono omadeuvo vo maba o koani voko roroto kale koa sinaqu rusu ko bulebule ama ni ileile ama jari. Ni vota o vovi tu ko lotu qoqono ta bulebule ama ni kuiripato pide ama ni puliama ruqe sama ni puliama boutare sama ni puliama mata kama sarueko sama ko elou.

Pilipai 1:10

So inio meta meqai nianiiovou ko uri ni ruqe ni meta me bitoekou ko uri; so inio meta bulebule ni sarueko pide me elou vo Karisito ko vaito keru,

Pilipai 3:6

Ni aṉata a qati matu parani puteni lala Jiu mu ṉela ko lotu, so inio aṉata a naquemake seke tuvevo puevani vo Jisu. Ni puliala ta ota la kea aṉako saruilo vo Mosese ko Bazu ko lulueko kale.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

1 Timoti 3:10

Seta ke madoilo kuleto, ni puliama kuiripato saṉa ke elo amu inio ke kovou koa iruruputo.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Timoti 5:14

So sole aṉata aqa zaria tu se vairu ama naboko poso ta ke roroto, tu seta meqora saṉa ke elo, ni ke uria ereko seko pade kale ama iruruputo, tu animeko kana poso ta ke tizailou ni pui ke roveovou ruqe kasemelo anime.

1 Timoti 5:20

Melai ṉota riqaema se lotu tanatanamu vaki ale seke erekani ko sarueko, tu sea kiadamu ta ke balauvo.

1 Timoti 5:7

Ṉota mai bazueka saizama lotu qoqono komia bazu poso tu puliala se azo ta kuiripato saṉa o elou.

Taitasi 1:6

Vo lotu tanala ta kuiripato pide o elou; vota o ṉeamukou omadeu pado reko, ni voko meqora poso ta kerula kamu ke elo, tu maba poso ta pui kemai kuirikou seta piru amu ni zoripato pide amu.

Taitasi 2:10

ni pui keta ma kuilikou seko quli. Melai seta kiada keru ta kasa ke ikou seko uri ni kerula elo, tu seta olaupo saṉa ke ikou animevo Pakio Baṉara ko nianiiekato seke erekako quli kale.

Taitasi 2:15

Kai nianiiekate komi quli poso ṉoko zuvarimo ni riqaemo kale se ṉo ke didieṉani. Ṉota kai nianiiekate ṉoko pado ama pizato Baṉara vo nabulu ṉa ko, ni pui zariemo kake tu ke zarazaraeṉo.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

Kelokelozato 2:5

Kerukeruekomo meko roquelo koko okate sai me lula me biavekoi kazo! Liliziomo koa meko sarueko kale azo, ni meta kamo kuleto me qaevo jari. Ako meta pui me liliziovou meko sarueko kale azo inio aṉata a melai kilou nio me tamela kovole meko juke ko papupapu sai koko zaekale azo.

Kelokelozato 3:9

Keatini! Ako sea Setani ko vaki se ‘Eṉe inio ko Jiu amu ṉela,’ kikelani, melai seko tuveano ta pui Jiu amu, se inio aṉa a mati kilo amu mekasi ni seta ke loqunou meko kiti kasi. Nio sea kiadamu ta kelai nianiiovou ko aṉata a roquemela me kio.