Pilipai 2:12 - BAṈARA KO VAIRU AMA LEVELEVEO

¹² A baerebaere poso, meta kiada keru zoripato ko maba poso mela, ni meta me zorive vo Baṉara so keru aṉa me sate a eve keru. Ni matuma quli erisaṉa ta so jaria zoripato ta meta mebeta elou aṉa puliala abe elou mekasi melai. So sole meta beta olamo tava panao vo Baṉara ni beta olamo taka ṉalo ko sarueko, tu erekomo koko malezikako me Baṉara lula o pakiemelani mela.

Pilipai 2:12 교차 참조

Matiu 11:12

“Ko tanitanila kale Jone o bazubazute keru ti kobeta baroa vairutu ta koa nianiiekato vo Baṉara ko lekasa puo ko ta ke kanaekake ni keka zariake niumaeko.

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Iruruputo 16:29

Nio koa pirito pade o kati vailani ta o bazuevake kala tu o kati kilo ko juke, ni taukavole ota amaqeake, ni tipetaipe ota evake ni ota piake Paula ni Sailasi ko kiti kasi.

Iruruputo 9:6

Ṉota zolai ni ola peuru kale ni sai nio kala ta oṉai bazuekou ṉo ṉoṉo ereko ama quli,” kikolake.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

1 Koriniti 2:3

Ni so keru aṉa a quevi keru mekasi, aṉata lekulekua lala ṉalo ni dedero kale,

1 Koriniti 4:14

Aṉata a rikieka komi mekasi, pui aṉako quratimelo me ko kio kale, melai a qatimelo kama tauvezato sama bazu a ṉisa meqora poso jaria mela a roquemelani mela.

2 Koriniti 7:15

So inio voko roquemelo me ta kobeta pizata, ako vota o kerukerueka mea kiada mela ko dikidauputole lulueko voko bazu, ni meko baroekivo vo meko paṉao ni zarazarailo kale.

Epesasi 6:5

Me mabaku poso mela meta zorimomo meko miduku kale ama lekasa poso meko ṉalo ni paṉao kale. Ni meta erekomo ko quli meko tuvevo ama bulo kale omadeuvo meta me zoriva jari vo Baṉara.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Pilipai 1:5

Aṉata a qaseka aṉako uriavo vo Baṉara kasi meko tauvelo kale avo, so keru aṉa aqai bazubazute keru ko Uri ama Bazu koko tanitanila keru azo, ti kobeta baroa vairutu.

Pilipai 1:6

Ni aṉata a uria kai nianiia, vo Baṉara vo o taniekeni ereko koa uri ama quli mekasi ta obeta ziovou ereko ko ti kota kobeta okotou vo Jisu o vaitou keru.

Pilipai 2:19

Ni vo Lekasa Jisu ko vatolo ko elou ta, mainio aba soroevou vo Timoti mekasi, ni aṉata ada matu zoleilou tu a melai nianiiovou me voko bazu kale.

Pilipai 4:1

A visi poso, aṉata a roquemela me ni a melai zaria mela lelo me, ako me inio me matu zolela aṉa ni aṉata a melai rauraiva me sole. So sole meta beta olamo luluevo vo Lekasa Jisu ko aṉa a melai bazuekevo jari.

Pilipai 4:15

Me Pilipai mu mela ta mebe kai uria nianiia so keru aṉa a vaeke keru Masedonia ni kulekuleto aqai bazubazute keru ko Uri ama Bazu mekasi, ta puliama mata ka pado lotu qoqono ikio kopa tauvele aṉa, melai meme qiada inio me dauvele.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

2 Timoti 2:10

so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Hiburu 4:1

Baṉara ta lula leveleveo okai vaeka kama pado zae tu animeta me amaqeovou sai vo o evakoi tu me mamazou vokasi. So sole animeta me vailou, tu puliala anime azo kala ta nieu okai elou kelo ni kovo koa mamazo ko vo lula o mela inainaekema.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

1 Pita 2:11

A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.