Ni Jisu ta mata eri kiolake, “Aṉata a bazuemela me, vo o bazubazuemo ala se maba madu ko vota aṉavo inio, aṉa melai a bazuevou aṉavo aukale ala Mama ta vota aṉavo inio.
Melai kubo se Jiu ama tanatanamu ta ke tuvevo pueve vo Jisu, melai seta pui kepa kai erierite ubutiana ako seta keta ma ṉake se Parese madu sole, tu pui ke tizaemou se zio ilusato ko pade kale.
Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi.
Ni Jisu mati pesio voko disaipeli madu ko tova inio vota o tadatake aukale vasi ni eri kiolake, “Mama, taku ta kota baroa, tu kasa pueka ṉovo Meqora lala ko ṉaṉaidara se maba poso kasi, tu aṉata a roveovou kasa pueko ṉoko ṉaṉaidara.
so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.
Voko mama ni niania ta so kiqolake, ako nioqata qota ma ṉake se Jiu ama tanatanamu sole. Ako se inio lula ke nakatikani vo Jisu ta vo Baṉara o soroevani Pakio kio okai eraeraovo ala ta keta va kaitikou voko zomano ilusato ko pade kale kio sole.
Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.
“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.
Ako Tabu ama Riki ta eri nio kikolani sole, “Tuvevo aṉata saevola Baṉara lala, kiola vo Baṉara, Kiadamu ta ke iqeiqeovou aṉako kuleto, ni kiadamu ta kelai bazutou aṉa, ta aṉata vo Baṉara lala inio kio, kiola.”
tu se pui Jiu amu melai ke roveo ilusivo vo Baṉara voko akoekato sama roquano kale. Ko Tabu ama Riki kikolani jari, “So sole aṉata a ilusiṉou ṉo pui Jiu amu sase, Aṉata a ilusiṉou ṉo a qera kale,” kikolako.
Sokale aṉata a mela zaria me tu paqumukomo ko puliala vo o pesiani Tabu ala Auvana kale ta eri pa kiovou, “O leveziovou vo Jisu!” ni puliala ta eri pa kiovou, “Jisu ta Lekasa inio,” vo pui Tabu ala Auvana kale o pesiani.
so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.
Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.
Ni eria kai nianiio nio me elou vo Baṉara vo Auvana inio o erekani koa bazu. Vo Jisu Karisito ta o saqore komia peuru ma peuru kale ni maba ota eve kio tuvevo o ivo ala auvana inio vo Baṉara vo Auvana.
Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.
Seke koqotaeko amu ko ruqe inio soa tapo sabosabo ke elo amu, nio aṉata pui aba tama vouvaekou seko ṉi poso ko noqola kama saevo samu ko ṉi ko buka topi azo. Aṉavo Mama ni voko mateana madu ko tanama kale inio aṉata a uria zakaremu puekou ko seta aṉa kale amu inio ko se kio.
