Pilipai 1:6 - BAṈARA KO VAIRU AMA LEVELEVEO

⁶ Ni aṉata a uria kai nianiia, vo Baṉara vo o taniekeni ereko koa uri ama quli mekasi ta obeta ziovou ereko ko ti kota kobeta okotou vo Jisu o vaitou keru.

Pilipai 1:6 교차 참조

Jone 6:29

Nio Jisu ta o mati tiorikake, “Vo Baṉara okai zariako iruruputo tu me ereko ta eri. Meta tuvevo puelomo aṉa vo o soroelani lala,” kiolake.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 16:14

Ni kama pado se azo koko taṉela viqema eṉe ta Lidia. Kota Taiataira ama rekoreko, ko kokai tatabaraovima ko soqu domu ama suma. Ni kota kama pado rekoreko koko ilusivema vo Baṉara, ni vo Baṉara ota ka veukeni koko kerukeru tu ko didieko vo Paula o kasekema quli.

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

2 Koriniti 1:15

Aṉata a uria paqumumelake meko lai zoleilo aṉa ni so inio aṉako kuleto ama kerukeru ta aṉa aqa zariovi kilo soipimelole me tu meta omuqa taku me qovou aṉako kilo ko mauruto.

2 Koriniti 2:3

Sokale avole inio aṉata soa rikieko a eve koa leta mekasi. Aṉata pui aba ka zariovini lala inio tu kilo tu duki a melai elo me, ako meta me male tu zolelo aṉa ni pui duki ilo sole. Ako aṉata aqai nianiia ta aṉa a zoleilou keru ta me melai me zoleilou.

2 Koriniti 7:16

So sole aṉata ada matu zoleiva, ako erisaṉa ta aṉata ada rovea melai keru me kiadama quli kale sole!

2 Koriniti 9:4

Ako kake Masedonia azo aṉa ke luluelo amu ta ke mela lelou me ta pui inaina kamela ta, eṉeta ṉeda quratou inio, ni meko qurato ta palopaloasi ama ikio kota elo, ako lula ṉe matu tuvevo puemela ni ṉe rauraemela me sole!

Qelesia 5:10

Melai aṉata avai kerua vo Baṉara ta meta pui mata kama edoloma kerukeru meba luluekou. Ni vo Baṉara ta o koqotaevou voa maba vo niuniala o imelani me, kala obe elou ta.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Pilipai 1:10

So inio meta meqai nianiiovou ko uri ni ruqe ni meta me bitoekou ko uri; so inio meta bulebule ni sarueko pide me elou vo Karisito ko vaito keru,

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Pilipai 2:12

A baerebaere poso, meta kiada keru zoripato ko maba poso mela, ni meta me zorive vo Baṉara so keru aṉa me sate a eve keru. Ni matuma quli erisaṉa ta so jaria zoripato ta meta mebeta elou aṉa puliala abe elou mekasi melai. So sole meta beta olamo tava panao vo Baṉara ni beta olamo taka ṉalo ko sarueko, tu erekomo koko malezikako me Baṉara lula o pakiemelani mela.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Pilipai 2:16

Ni meta mai bazuekomo ko tuvevo ama saevo ko bazu. Ni meta me erekou ko inio aṉata ada matu zoleilou so keru vo Karisito o vaitou keru ako aṉako matuma iruruputo mekasi a erekema ta pui utu ama ko eva sole.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

2 Tesalonaika 1:11

Sokale avo inio eṉeta ṉe melati vararaita me kiada keru. Eṉeta ṉe baseva vo animevo Baṉara tu meta me malezikou koa reketekete vo o melati nokaekema, ni vota o katimelou ko pizato tu uri ama kalo saṉa me elou ni uri ama iruruputo me erekou omadeuvo me meqa zariani jari. Meko tuvevo puevo animevo Lekasa Jisu kale avo inio meta meqa zariani mela koa uri ama kalo ni iruruputo.

2 Tesalonaika 3:4

Ni eṉeta ṉeqai zoleiva meko zukaido animevo Lekasa tona, ako eṉeta ṉe duvevo pueka ta meta mebeta ereka ko eṉe ṉe melai bazuekema quli tu me ereko sole, ni mata meta mebeta ziovou ereko ko.

Pilimone 1:21

Aṉako ṉai keru kale inio aṉata a rikieka komi, ako aṉata aqai nianiia ta ṉota ṉo erekou ko quli aṉa a basekako quli, ni mata koko topi tiniavo ṉota ṉo erekou ko aṉa pui a basekako uri ama quli.

Hiburu 10:35

So sole meta pui lekuleku elo, ako piza kamela meko tuvevo puto kale ta me qovou ko matuma reketekete sole.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

2 Pita 3:10

Melai vo Baṉara ko ṉaniu vo Lekasa Jisu oka vaito ama ta kala maba o kuilani ko kilo jari nio ko elou. Ni koa ṉaniu kale inio ko au ta kota parakou matuma tibaraputo kale, ni kiadama quli aukale ama ta ko niaqariovou uza kale. Ni miduku ni kiadama quli saizama ta kota siqailou.