So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me.
Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.
Eṉeko so kio ta pui ṉe madoeka tu rauraraurailo ṉe ṉavi mekasi melai eṉeta ṉe qatimela me koko raki tu ṉela zoleimo eṉe, so inio meta me roveovou opatimo se maba poso se keka zoleivani ko maba ko topia uri pala, se pui ke kerukeruekani ko maba ko saevo ni kalo.
Aṉata lula a bazueve aṉako melai raurailo me, ni meko sidopu ama kalo ta kasa ko ike ko aṉa a qasekema mekale avo ta tuvevo kota eva! Eṉeta ṉe qaseka ko tuveano mekasi kiada keru, ni so jari inio koa aṉako melai raurailo me Taitasi kasi ta tuvevo kota eva.
A visi poso, komi ta aṉako tovatovama pesio mekasi; meta matu zoleimo vo Baṉara kale. Ni pui tapata ikio aṉa kasi tu aṉata a rikieko koa omadeuma quli mata mekasi tu ko tauvemelo me meko pakio kale.
Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.
Aṉata ada matu zoleiva, ni a ilusiva animevo Lekasa Jisu ako meta mata me dauvela aṉa sole ni meta pui me epezani mela inio lati vailo aṉa, melai puliama uri ama taku lula nio pui meba ereke.
