Pilipai 1:20 - BAṈARA KO VAIRU AMA LEVELEVEO

²⁰ Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

Pilipai 1:20 교차 참조

Jone 21:19

Jisu vo vai bazueko kale ko ta noni ama voukale inio Pita ta ṉaṉaidara o ivo avo vo Baṉara. Nio sai kazo Jisu ta eri kiolake vokasi, “Luluela aṉa!” kiolake.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Romu 12:1

So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 6:19

(Aṉata aqai pesia koa olu ama pesio meme uria paqumukake, ako meko paqumato ta lekuleku sole.) Kuleto meta me uria katiziovi tu pauvezato ni ruqe ko mabaku me eve tu ruqe ama iruruputo kaqe. Ni so jaria uria katizio emo erisaṉa sidopu ko mabaku elo kaqe tu Baṉara ko tabu ama iruruputo kaqe.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

Romu 9:33

Ko ikio ko Tabu ama Riki eri ka kikovema, “Keatini, aṉata a vaeva kala lado Jerusalema, Vo kevai tupariovo ala se maba madu, Voa lado vo o pimo ala se. Melai se kevai keruani vo ta pui kepa quratou.”

1 Koriniti 15:31

Koe, a qaka ni visi poso, aṉako elo vou ko ededeu kale kiadama ṉaniu kale ta tuvevo, omadeuvo aṉako mela zoleilo me ta tuvevo jari, ko animeko omadeu vati elo vo animevo Lekasa Jisu Karisito ko katilako aṉa.

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

1 Koriniti 7:34

nio vota kovai tataekinia omuqa quli. Ko pui roroto ama reko ma sinaqu rusu ta ko kerukerueka vo Baṉara ko iruruputo, ako kota koka zaria tu kota Baṉara ko maba ko elo koko pado ama saevo kale sole. Melai ko roroto ama reko ta ko kerukerueka ko miduku kale ama quli, tu kota ko zolevo kovo lasive.

2 Koriniti 10:8

Ako aṉata pui a qurata tu aqai abaro sole koa pizato vo Lekasa o katilema aṉa, ako komia pizato ta meko oqu tauveko kaqe, pui meko oqu niumaeko kaqe sole.

2 Koriniti 3:12

Ko ikio eṉe ṉeqai keruako leveleveo, ni Sokale avole inio eṉeta matu parani putole ṉeqai bazuta.

2 Koriniti 4:10

Ni kiada keru eṉeta ṉe eva vo Jisu okai vovima jari ama tapata kale; melai so inio eṉeko beta saevo ta mata ko kasa pueka voko mata saevo.

2 Koriniti 5:15

Vota o vovi kiadamu kaqe tu kiadamu seke koani ko saevo vo o puarikako ta ke epezou saevo ke ṉaviko zario kaqe, melai vo kaqe inio seta ke saevou, vo lula oma vovini ni mata oma tova saevani voukale azo.

2 Koriniti 7:14

Aṉata lula a bazueve aṉako melai raurailo me, ni meko sidopu ama kalo ta kasa ko ike ko aṉa a qasekema mekale avo ta tuvevo kota eva! Eṉeta ṉe qaseka ko tuveano mekasi kiada keru, ni so jari inio koa aṉako melai raurailo me Taitasi kasi ta tuvevo kota eva.

2 Koriniti 7:4

Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

Pilipai 1:14

Ni aṉako pirito pade kale elo ta kobe pizatima kubo madu seke tuvevo putani seko tuvevo puto kale sole seta pui ke ṉava kai bazubazuto vo Karisito ko Uri ama Bazu.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

1 Pita 4:16

Melai meta me ditiziovou ni me dolailou meko Karisito ko lotu maba elo ko kio kale ta, meta pui qurato melai meta vai ilusikomo vo Baṉara meko melai nokailo vo Karisito ko ṉi.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.