Pilipai 1:19 - BAṈARA KO VAIRU AMA LEVELEVEO

¹⁹ ako aṉata aqai nianiia sole meko lati vararaito aṉa tu vo Jisu Karisito vo Auvana ta o tauvelou aṉa tu aṉata a rupasiovou aṉako pirizio kale azo.

Pilipai 1:19 교차 참조

Iruruputo 16:7

Ni so keru se kekai baroi keru ko Maisia rana ko vado, seta ke madoekake tu seta ke zio Bitinia rana, melai Jisu vo Tabu ala Auvana ta pui o zariemake se.

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

2 Koriniti 1:11

Me melai tauveṉelomo eṉe meko vararaito kale. So inio koa kubo vararaito koko kaseṉelako eṉe ta ko puratikou vo Baṉara ko mauru iṉelo eṉe, ni kubo maba madu ta ke kativou ko uriavo voko mauru iṉelo eṉe kale avo.

Qelesia 3:5

Meta paqumukomo ko vo Baṉara ko katimelo vo Tabu ala Auvana ni voko mela ereko aqasiele ama quli ta pui meko lulueko kale Mosese ko Bazu! Melai voko katimelo voa Auvana ni voko mela ereko koa aqasiele ama iruruputo ta meko viqo ni kai oqu ko Uri ama Bazu ko kio kale inio.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Pilipai 1:18

Melai aṉata pui tapata kerukerueko a eva seko zaraelo aṉa. Ako ko qulepo ama quli ta seta kevai bazubazutou sole vo Karisito. Melai seta ke erekou uri ama vatolo kale ma ke erekou ruqe ama vatolo kale melai aṉata aqai zoleiva. Ni aṉata abeta zoleilou,

1 Pita 1:11

Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.