Pilipai 1:13 - BAṈARA KO VAIRU AMA LEVELEVEO

¹³ Ako aṉako tuvevo puevo vo Karisito kale avo inio aṉata a biriziake ni sea kiadamu vo Romu ala Matu Aikovakova ko matu pade ke kati vailani ni mata kake ta kelai nianiia aṉako pirizio ta Sokale avo inio.

Pilipai 1:13 교차 참조

Iruruputo 26:29

Ni Paula ta o opatake ni eri kiolake, “Rosi ama taku kale ma puju ama taku kale, aṉako vararaito kale vo Baṉara kasi ama ta ṉo ni mea kiada mela me meda la viqani mela aṉako pesio vairutu ta aṉa jari me elou, melai pui komia piri kale,” kiolake.

Iruruputo 26:31

Ni seke saqora keru seta keta pesipesitake ke ṉavio kude ni eri kikelake, “Nea maba ta pulia quli o ereka tu vota o vou ma vaevo pirito pade kale,” kikelake.

Iruruputo 28:17

Ni zouke ṉaniu ko tova inio Paula ta o nokaemake sai ke evani Jiu ama tanatanamu vatovatoito ko pesipesito kale, sai nio vota eri kiolake sekasi, “A baerebaere poso mela, aṉata pui aba ereke ruqe ama kalo animeko maba madu kasi ni so jari pui aba bikoirike animeko vikuvikula bazu. Melai seta ke vaelake Jerusalema pirito pade kale ni ke lati sorotake aṉa se Romu amu ko ṉase topi.

Iruruputo 28:20

Sokale avo inio aṉata a odiemelala me tu aqai pesio komi mekasi. Ako koko tuveano ko aṉa eria pirizio aqai evako komia seini kale ta vo Izireli amu keta vai keruani voko kilo ko kio kale avo inio,” kiolake.

Iruruputo 28:30

Ni Paula ta omuqa sabere o evake o ṉavi o tabarikema pade kale, sai vo o baroekimekoi kiadamu seke kuevini velole vo.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Epesasi 6:20

Ako aṉata iruruputo salala tu aqai pesiovou ko Uri ama Bazu sole. Ni komia pirito pade kale melai ko ikio abe ereka erisaṉa. So sole meta me lati vararaitou aṉa so keru aṉa aqai bazubazutou keru ko Uri ama Bazu tu aṉata parani putole a qasekou, koko male avo.

Pilipai 1:30

Ako meta aṉa sate meda eva pazokinio kale ni koa pazokinio ta koa omadeuma ko me mebe kevema aṉa a qati pazokinieni koko paloasako taku kale, ni koa omadeuma pazokinio ko mebe viqako ikio aṉa abe kati pazokiniako erisaṉa.

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

Pilipai 4:22

Ni so jari kiadama vo Baṉara ko maba madu koi ke evani melai kebe kerukeruemela me, ni matuvole seke kerukeruemelani ta seke iruruputani vo Romu ala Matu Aikovakova ko pade kale.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,