Pilipai 1:11 - BAṈARA KO VAIRU AMA LEVELEVEO

¹¹ ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 1:11 교차 참조

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Romu 15:28

So keru aṉa a baikou keru koa koidi ni aṉa a vaekou keru kiadama koa takula seko ṉase topi, aṉata a dadaovou tu a zio Sipeini peuru kale ni aṉata a joipimelou me sai Romu peuru kale alokatole.

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

2 Koriniti 9:10

Ni vo Baṉara, vo o puarikani ko rui tu ko papailo ni sailao tu ko vuazailo, vo inio o mela puarikou meko batiro ko rui ni vota o qotupikou ko ni o variekou ni o velokikou meko matuma puaropuaro sama iruruputo kale.

Epesasi 1:12

Ni eṉea kulekuleto ama maba poso ṉela ṉe duvevo pueveni ṉela vo Karisito ta ṉe bitoi tu ṉevai ilusiko vo Baṉara ko ṉaṉaidara.

Epesasi 1:14

So sole voa Tabu ala Auvana ta leveleveo ko mamola anime kasi. Vo inio kasa o mela ikani ta animeta me qovou vo Baṉara leveleveo o ikema o ṉaviko mabamu kasi. Ni komi kale inio tuvevo me ikou vo Baṉara ta o maba rupasimou o ṉaviko maba madu. So sole animeta mevai ilusiko voko ṉaṉaidara!

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Pilipai 4:17

Ni tuvevo avole aṉako so kio ta pui aqai zariako ikio kovo kama puaro. Melai aṉata aqai zaria tu meta uri ama ṉi saṉa me elou ko quli meme erekako quli kale.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

2 Tesalonaika 1:12

Eṉeta soa vararaito ṉe eva tu animevo Lekasa Jisu ko ṉi ta ko raurailou mekasi, ni me melai o rauraemelou. Ni vo animevo Baṉara ni vo Lekasa Jisu Karisito ko roquano kale avo inio kota so ko kalou.

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Hiburu 12:11

So keru anime me qoa keru ko sidopu puilo ko keve, ta kama pado tola kama quli anime kasi, kota pui zurao lomaloma. Melai animeko sidopu puilo ta ko tova puratika ko uri ama kalo anime kasi anime me qoani mela ko tauvezato kokale azo. Kota sidopu ko imela ni animeta bulea elo me eva.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.