Pilimone 1:16 - BAṈARA KO VAIRU AMA LEVELEVEO

¹⁶ Ako erisaṉa ta vota pui kala mabaku ala pala inio sole, melai ikoana vokasi ko kokai qulepako voko mabaku elo: vota anime Karisito ko tamania mela kale ala. Vota matu qulepo ala aṉa kasi, ni maba matu ti matu qulepo ala ṉokasi, voko mabaku elo kale melai, voko Lekasa ko tamania kale elo kale melai.

Pilimone 1:16 교차 참조

Matiu 23:8

“Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole.

Iruruputo 9:17

So sole vo Ananaiasi ta o olake ni o amaqeake sai Saula o evakoi, ni vota ovai ivikake voko ṉase vo tona ni eri kiolake, “Baerebaere Saula, vo Lekasa ta o soroelala aṉa, vo Jisu, vo oṉai puratalani ṉo keve tona so keru ṉoṉo quela keru koi. Vo inio vo o soroelalani aṉa tu ṉota mata ṉo qeazatou ni oṉai sukatou vo Tabu ala Auvana,” kiolake.

1 Koriniti 7:22

Ako kala mabaku vo Lekasa Jisu lula o nokaevani ta kala ruparupasi ala vo Lekasa vo maba, ni so jari nio vo ruparupasi ala maba vo Karisito lula o nokaevani ta vovo mabaku.

Kolosi 3:22

Ni me mabaku poso mela, meta zorimomo meko miduku kale ama lekasa poso kiadama quli kale, erekomo ko, pui so keru seke melati vaila keru me pala, omadeuvo sea maba poso se kekai zariani tu seko lekasa poso ta ke melo jari, tu seta ke rauraemo. Melai meta erekomo koa koidi meko pado ama bulo sate kiada keru, ako meta me rauraeva mevo Lekasa Jisu sole.

1 Timoti 6:2

Sea mabaku poso se lotu maba tanamu samu ta pui ke kaikuapo zorimo seko tanamu eri kio sama kerukeru kale, “Animevo tanala ta animea lotu tamania kale ala pala.” Melai seta kema uria nabuluputo se, ako sea tanamu seke koani ko tauvezato sea mabaku poso ko iruruputo kale ta tuvevo puto ko maba madu sole ni sea mabaku poso ta ke roquema seko tanamu sole. Ṉota kai nianiiekate ni kai bazubazute komi quli poso.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.