Matiu 9:8 - BAṈARA KO VAIRU AMA LEVELEVEO

⁸ Nio so keru sea maba poso ke kea keru ko quli ko ereivako quli, seta keta ṉake ni ke ilusivake vo Baṉara voko kativo kale ko urikato ni akoekato ko pizato ke ṉavi jari ala va kikelani.

Matiu 9:8 교차 참조

Matiu 12:23

Ni sea padopadoilo ta aqasiele kekai evake Jisu o erekako iruruputo. Ni seta eri kikelake, “Esa nei nio vo Devita ko vikuvikula kale ala, voa Pakio vo Baṉara mai opa soroevo ala?” kikelake.

Matiu 15:31

Nio sea maba poso ta keta vuzeike so keru ke mea keru se poka kamu ta keta pesiake ni se raiqo amu ta keta urikake ni se lepu amu ta keta taliake ni se leqa kamu ta keta keazakeazatake sole, ni seta ke ilusivake vo Izireli mu vo Baṉara.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Matiu 9:7

So sole voa maba ta ota lojoake ni ota vaitake o ṉaviko pade kasi.

Maka 2:12

Nio so keru se kebe vea keru, inio voa maba ta ota lojoake, ni o lokiekake o kobo, ni ota olake. Nio sea kiadamu ta aqasiele keta evake ni ke ilusivake vo Baṉara, ni eri kikelake, “Lulavo azo ti pui me qeani eri jari ama quli,” kikelake.

Maka 7:37

Ni so keru sea maba poso keta va viqa keru Jisu ko bazu, seta keta matu vuzeike, ni eri kikelake, “Noni ala maba inio vo nei, ako kiadama quli ti vota o rovea uria ereko, se pui ke viqaviqazatani ni pui ke pesiani melai vota o urikima,” kikelake.

Luke 13:13

Ni vota okai ivikake ko voko omuqa ṉase, ni koa taku kale kota kota sidopua lojoake ni ko ilusivake vo Baṉara.

Luke 17:15

Nio kala pado se azo vo o kea keru voko uriko, vota o ilusivake vo Baṉara voko matuma kora kale ni vota o vaitake.

Luke 17:18

Noi sole inio nea pakepakeo maba o kiada inio o vaita ni o ilusiva vo Baṉara?”

Luke 18:43

Ni maba koa taku kale inio vota o roveake kelokelozato, ni vota o luluevake vo Jisu, ni o ilusivake vo Baṉara. Nio koa matuma vaki ta ke keake ko, ni sea kiadamu ta ke ilusivake vo Baṉara.

Luke 2:20

Ni se sipi ke kati vailani ta keta vaitake ke sipi poso kasi, ni kera kale ke ilusivake vo Baṉara kiadama quli seke viqema ni ke kevema quli kale avo, vo mateana omai bazuekema quli.

Luke 23:47

Ni se solodia madu vo kuleto ala ta o keake koko ereima quli, ni vota o ilusivake vo Baṉara ni eri kiolake, “Koe, tuvevo avole nea maba ta sidopu ala!” kiolake.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 21:20

So keta va viqa keru vo nio sea kiadamu ta ke ilusivake vo Baṉara. Ni seta eri kikelake, “Baerebaere Paula, ṉota no rovea melo matu kubo vuro Jiu amu ta lula ke tuvevo puta, ni sea kiadamu ti kekai pataita zoriko vo Mosese ko Bazu.

Iruruputo 4:21

Sole se Kauniseli madu ta matu piza kama balauvato ko bazu ke katikake nioqa ni ke rupasikake. Ako seta ke keake ta puliama keve tu ke koqotaeko nioqa sole, ni sea kiadama maba poso ta ke ilusivake vo Baṉara, koko ereima quli kale avo.

2 Koriniti 9:13

Ako komia iruruputo ko meme erekako ta koma puratika meko roquano ko tuveano, so inio sea kubo madu ta ke ṉaṉaidara puevou vo Baṉara meko uria lulueko kale vo Karisito ko Uri ama Bazu meko iruruputo kale ni pui meko pesio kale pala. Ni seta keva ilusikou vo meko puaropuaro elo sekasi ni so jari edolomu kasi.

Qelesia 1:24

So sole aṉako bazu kale avo inio seta ke ilusivake vo Baṉara.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.