Matiu 9:18 - BAṈARA KO VAIRU AMA LEVELEVEO

¹⁸ Nio vo Jisu obeta bazubazuta keru inio kala Jiu amu vo tanala ta o kuevake Jisu kasi, ni o iqeiqeake voko tanama kale, ni eri kiolake vokasi, “Aṉako meqora ta kota la voula, sole kua tu pa kai ivika ṉoko ṉase tu kota kola saevo.”

Matiu 9:18 교차 참조

Matiu 14:33

Ni sea disaipeli madu koa vaka topi ke eveni ta ke ilusivake vo Jisu ni seta eri kikelake, “Tuvevo ṉota vo Baṉara vo meqora ṉa tisoiko!” kikelake.

Matiu 15:25

Nio so keru inio koa rekoreko ta ko olake ni ko iqeiqeake Jisu kasi ni eri va kikolake, “Tanala, ṉota tauvela aṉa,” kikolake.

Matiu 17:14

Nio so keru Jisu ni voko disaipeli madu ke baroa keru sea vaki kasi, kala maba ta o olake Jisu kasi ni ota iqeiqeake voko tanama kale ni eri kiolake,

Matiu 20:20

Ni vo Zebeti ko reko ni koko meqora kidi Jemisi ni Jone ta ke olake Jisu kasi, ni koa reko ta ko iqeiqeake Jisu ko tanama kale, ni kovai zaivotake vo.

Matiu 28:17

Ni so keru ke vea keru vo, seta ke ilusivake vo, melai kake ta niuniala kebe va evake.

Matiu 8:2

Ni kala pokupoku ala maba ta o olake Jisu kasi ni o iqeiqeake voko tanama kale, ni eri kiolake vokasi, “Tanala, ṉota ṉo zariovou ta, ṉo roveovou urikilo aṉa!” kiolake.

Matiu 8:25

Nio voko disaipeli madu ta ke olake Jisu kasi ni ke toirativake vo, ni eri kikelake, “Lekasa, pakieṉela eṉe: ako eṉeta sipole ṉeda vouva sole,” kikelake.

Matiu 9:17

Ni puliala maba inio o teamuka vairu ama vaini ko ju tana kama teamuteamu kale, ako vairu ama vaini ko ju ta ko pisaekou tana kama teamuteamu ni koa vaini ko ju ta kota raibiziovou ni koa teamuteamu ta kota niaqariovou. So sole meta raibikomo vairu ama vaini ko ju vairu ama teamuteamu kale tu koa omuqa quli ta pui ko niumailou. So jari nio koa vairu ama bazu aṉa a melai bazuekako ta pui me qati valuvaluekou tana kama bazu.”

Matiu 9:19

So sole vo Jisu ni voko disaipeli madu ta ke zolaike ni ke luluevake voa tanala.

Matiu 9:24

Nio vota eri ma kiolake se, “Mea kiada mela ta saqoromo! Koa meqora ta pui ko vouva, melai kota kota maroṉa inio!” kiolake. Nio seta kevai niureake vo Jisu.

Luke 13:14

Nio koa Jiu amu ko ilusato ko pade ko vilua pikopiko ta ota korakoraivake ako Jisu ta ota urikatake Sabati ṉaniu kale sole, so sole voko matuma kora sate vota eri kiolake sea maba poso kasi, “Varimuja ṉaniu ta ikoana ko anime meqai iruruputo ama, so sole uri tu kilo koa ṉaniu poso kale tu uriko, melai pui Sabati ṉaniu kale!” kiolake.

Luke 18:18

Ni kala Jiu ala lekasa ta o kuimaevake vo Jisu ni eri kiolake, “Uri ala Tanala ṉa, loma uri ama iruruputo a erekou nio aṉata a qovou ko noqola kama saevo?”

Luke 7:2

Ni koa peuru kale ta inevoana kala Romu ala sirula vo nabulu vo o matu roquevani, ni vota ota verepake ni sipole ota vou kiolani.

Jone 11:25

Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Jone 11:32

Ni so keru Mere ko baroi keru sai Jisu o evakoi, ni ko vea keru vo, inio kota ko iqeiqeake voko kiti raki kasi ni eri kikolake, “Lekasa, ṉo lula koi tea aṉavo saqi Lazarasi ta pui nio opa vou!” kikolake.

Iruruputo 13:15

Ni kala ta o tiromikake Mosese ko Bazu ni se poropita madu ko riki kale ama tiromo saita inio koa ilusato ko pade ko vilua pikopiko madu ta kekai soroekake nioqa ko bazu eri kikovema, “Baerebaere kidi, eṉeta ṉe baseqela qe tu qeta qe pesiovou se maba poso kasi, zuvarato ko bazubazu qe borikani qela tea, tu ko zuvarimo se,” kikelake.

Iruruputo 28:8

Ni Pabiliasi vo mama, vo tataṉo ni dara suru ko voani, ta obeta tekuake kobo topi. Nio Paula ta o amaqeake voko lose kale, ni o vararaitake, ni ovai ivikake voko ṉase, ni o urikivake vo.