Matiu 9:15 - BAṈARA KO VAIRU AMA LEVELEVEO

¹⁵ Nio vo Jisu ta o mati tiorikake se ni eri kiolake sekasi, “Vo o rorotani ko baerebaere poso ni o ṉavi vo o rorotani ta omadeukoi kebeta elou ta seta pui duki kepa elou. Melai ko barolou keru koa taku, so keru aṉa voa vairua rorotoa lala jaria lala ko vou ko taku keru inio seta pui ke vuatou.

Matiu 9:15 교차 참조

Matiu 9:14

Ni vo Jone ko disaipeli madu ta ke kuevake Jisu kasi ni ke kuimaevake vo, ni eri kikelake, “Noi sole inio eṉe ni se Parese madu ta kubo taku ṉe dabutabua eṉeko pui vuato kale, melai ṉoko disaipeli madu ta keta vuata?” kikelake.

Matiu 9:16

“Pui ko mabua tu animeta me qati turutou vairu ama suma tana kama suma kale ko lula ko rotiziako, ako koa vairu ama suma ta ko matu rotiekou sole koa tana kama suma me busaekou keru.

Maka 2:19

Nio vo Jisu ta o mati tiorikake se ni eri kiolake sekasi, “Vo o rorotani ko baerebaere poso ni o ṉavi vo o rorotani ta omadeukoi kebeta elou ta seta pui kepa tabutabuovou.

Maka 2:20

Melai ko barolou keru koa taku, so keru aṉa voa vairua rorotoa lala jaria lala ko vou ko taku keru inio seta pui ke vuatou.

Luke 17:22

Nio vota eri kiolake voko disaipeli madu kasi, “Kama pado taku ta ko kilou so keru me meqai matu zariovou keru kelo kama pado ṉaniu aṉa maba a eveni lala ko tova vaito keru ama, melai meta pui meba kelou ko.

Luke 5:34

Nio Jisu ta eri kiolake sekasi, “Uri kio ko sea poso ke baerebaereovani vo o vairua rorotani ko bau vuato kale ta ke tabutabuo sekasi obeta eva keru vo, kio? Maba pui!

Luke 5:35

Melai ko barolou keru koa taku, aṉa voa vairua rorotoa lala jaria lala ko vou ko taku keru, inio seta pui ke vuatou,” kiolake.

Jone 16:6

Ni so inio aṉako melai bazueko komi quli ta duki kota mela ika meko bulo poso.

Jone 3:29

Ako eri nio sole: vo lasive rusu vo o raekani ko sinaqu rusu inio koa reko vo tanala, ni voa vairua roroto ala maba vo baerebaere ta o lojoake ni o didievake vo tu ota va viqo voko kilo, ni vota ota zoleike so keru vo o viqa keru voa vairua roroto ala maba ko kora. So jari nio aṉa kasi ni ko ikio aṉa ko zolelako.

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

1 Koriniti 7:5

Lasivea laṉa ta pui taka lupao ṉoko reko, ni so jari ṉoa reko ṉa ṉovo lasive kasi. Melai pitopito ama taku kale uri ama vatolo kale qe vaekou vararaito kaqe saita, inio mata tova padoekinio qe elou. Komia keve kale kude inio qeta qe pakiziovou vo Setani ko zolizolito kale azo. Ako lekulekua qela qeko kaitizio kale sole.

2 Koriniti 11:27

Jairojairoki ama iruruputo aqai eva, ni puliama maroṉo mati; aṉata lula kubo taku ada luapa ni ada rokauva; ni lisulasu ada eva puliama aṉako sailao, ma ono, ma suma.

Kelokelozato 19:9

Ni vo mateana ta eri kiolake aṉa kasi, “Rikieka ko eri kio: Maurumauru amu se lula ke taipaziani vo Sipi Meqora ko bau vuato kale,” kio. Ni vo mateana ta o paqulikake koa pesio, ni eri kiolake, “Komi poso ikio vo Baṉara ko tuvevo ama pesio poso,” kiolake.

Kelokelozato 21:2

Ni aṉata mata a qeake koa Tabu ama Peuru Baṉara ko, ko vairu ama Jerusalema ko saqorako aukale azo Baṉara kasi azo, ko lula ko inainaivako, omadeuvo kama sinaqu rusu ko lula ko uria saboivako tu ko zio raevole kovo lasive kikolako jari.