Matiu 9:13 - BAṈARA KO VAIRU AMA LEVELEVEO

¹³ So sole meta olamo ni pa kai nianiimo Baṉara kiovevo ko Tabu ama Riki kale, ko eri kikelako, ‘Aṉata pui aqa zaria biaṉa kale ama siqasiqa melai aṉata aqa zaria ko tauvezato sama roquano,’ kikovema. Ako aṉata pui a queva nokaemole se sidopu amu, melai aṉata a queva tu nokaemole se ruqe ama maba poso,” kiolake.

Matiu 9:13 교차 참조

Matiu 12:3

Nio vo Jisu ta o mati tiorikake se ni eri ma kiolake, “Meta pui me baqumukako ikio ko Tabu ama Riki kikolani, vo Devita o kaevo so keru vo ni voko vaki ke luape keru?

Matiu 12:5

Ni noi nio meta me ataekani mela inio vo Mosese ko Bazu, melai pui meda ka paqumuka, ko eri kikovema, kiada keru se Jelepade ko siama madu ta ke pazoka inio Sabati ko kati vailo ko bazu seko iruruputo kale Sabati ṉaniu kale, melai seta pui ke saruiva, ako seta ke ereka Baṉara oka zariani sole Jelepade kale.

Matiu 12:7

Nio vo Baṉara kiolani ko Tabu ama Riki kale ta eri, ‘Aṉata aqa zaria ko zarazarailo sama roquano, melai pui biaṉabiaṉa ko siqasiqa’. Tuvevo avole me baqumuka komia riki kikolani tea, meta pui nio meba mai kuirikou inio sea maba poso se puliama kuiripato samu.

Matiu 19:4

Nio Jisu ta o mati tiorikake ni eri ma kiolake se, “Meta pui me ataekako ikio ko Tabu ama Riki kikovevo, kio? Ko eri kikovema, koko tanitanila kale inio vo Baṉara ta o ereke ko maba lasive ala ni reko ama kikovema.

Matiu 21:42

Nio Jisu ta mata eri kiolake sekasi, “Sole meta pui me ataeka ko ikio ko Tabu ama Riki kikovevo? Ko eri kikelako, ‘Koa lado se pade ke erekani kekai keduima pui uri ama ka kikevema, ko ikio erisanama qulepo ama pade ko lado kiadama lado poso azo. Kota vo Baṉara inio soa ereko o eve ni matu aqasiele koko uria kelo,’ kikelako.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Maka 12:26

Melai meta pui me duvevo puekou se voumu ko mata saevo, ta meta maba pui me baqumukani mela inio vo Mosese ko buka ko kasekako koa urusana ko bainema sasa ore topi sai o eve keru ama bazu. Ako sai nio ko rikiziovikoi sole vo Baṉara ko eri vati kio vo Mosese, ‘Aṉa inio vo Ebarahami vo Baṉara lala ni vo Aisake vo Baṉara lala ni Jekopi vo Baṉara lala,’ kikovekoi.

Maka 12:33

So sole vo maba ta o roquevou vo Baṉara kiadama voko bulo kale ni kiadama voko kerukeru kale ni kiadama voko pizato kale, ni vota o roquemou edolomu o ṉavi o roquiva jari. Ni komia omuqa bazu ta matu qulepo ama bazu tu me zorikou kobe kai paloasa ko biaṉa ko siqasiqa.”

Maka 2:17

Nio vo Jisu ta ota ma viqake se kikelani ni eri ma kiolake, “Se uria saevomu ta pui kevai zaria vo dokita, melai seke verepani nio kevai zariani vo. So jari nio aṉata pui a queva nokaemole se sidopu amu, melai aṉata a queva nokaemole se ruqe ama maba poso,” kiolake.

Luke 10:26

Ni vo Jisu ta o vati tiorikake vo ni eri kiolake vokasi, “Noi nio ko Tabu ama Riki kikolani? Ni loma ikio ṉoṉo diromikako sai?” kiolake.

Luke 19:10

Ako aṉa maba a eveni lala ta a quevi vailimole ni pakiemole seke mumaivani,” kiolake.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Luke 5:31

Nio Jisu ta o mati tiorikake se, ni eri kiolake, “Se uria saevomu ta pui kevai zaria vo dokita, melai seke verepani nio kevai zariani vo.

Luke 5:32

Aṉata pui a queva tu lilimole se sidopu amu, melai lilimole se ruqe amu,” kiolake.

Jone 10:34

Nio Jisu ta o mati tiorikake ni eri kiolake, “Kota lula ko rikiziovi meko Bazu kale ko Baṉara eri ka kiovema, ‘Meta baṉara poso mela.’

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

2 Pita 3:9

Sole pui kerukerueko ko vo Baṉara ta o ubaitani ereko voko leveleveo, kake kikelani jari. Ako pui so inio o kavani melai vota o vanonoriemela me, ako vota pui okai zaria tu kala ta o mumailou sole, melai vota okai zaria kiada mela ta me liliziovou meko ruqe kale azo sole.