Matiu 8:2 - BAṈARA KO VAIRU AMA LEVELEVEO

² Ni kala pokupoku ala maba ta o olake Jisu kasi ni o iqeiqeake voko tanama kale, ni eri kiolake vokasi, “Tanala, ṉota ṉo zariovou ta, ṉo roveovou urikilo aṉa!” kiolake.

Matiu 8:2 교차 참조

Matiu 10:8

So sole meta me urikimou seke verepani ni me jaevimou se voumu, ni me urikimou se pokupoku amu ni meta mema rerikou ko ziolo poso. Ni meta me ṉeamukani mela koa tauvezato utuakoi, so sole meta mata katimomo se koa tauvezato utuakoi.

Matiu 13:58

So sole vota pui o erekake kubo aqasiele ama iruruputo sai Nazareti peuru kale, ako seta pui tuvevo ke ivake vo sole.

Matiu 14:33

Ni sea disaipeli madu koa vaka topi ke eveni ta ke ilusivake vo Jisu ni seta eri kikelake, “Tuvevo ṉota vo Baṉara vo meqora ṉa tisoiko!” kikelake.

Matiu 15:25

Nio so keru inio koa rekoreko ta ko olake ni ko iqeiqeake Jisu kasi ni eri va kikolake, “Tanala, ṉota tauvela aṉa,” kikolake.

Matiu 18:26

Melai voa nabulu ta ota iqeiqeake vovo lekasa ko tanama kale, ni ota ziake ni eri kiolake, ‘Lekasa ṉota roquela aṉa, tu katila mata kama taku tu aṉata aṉa besiekou ṉoko takula!’ kiolake.

Matiu 2:11

Nio seta ke amaqeake koa pade ko poro kale ni so keru seke vea keru voa meqora voko niania Mere sase nio seta ke iqeiqeake ni ke ilusivake vo. Nio seta ke rupasikake seko vesa ni ke saqorikake seko katizato poso nio ke kativake vo. Koa katizato poso ta qolo, ni uria tui kama pari, ore ko nui kale ke erekako, ko paraqinisenisi ka kikelako, ni tabarioma ore ko nui, uria tui kama, ko moa ka kikelako.

Matiu 20:20

Ni vo Zebeti ko reko ni koko meqora kidi Jemisi ni Jone ta ke olake Jisu kasi, ni koa reko ta ko iqeiqeake Jisu ko tanama kale, ni kovai zaivotake vo.

Matiu 26:6

Ni vo Jisu ta ota olake Betani peuru kale vo Saimone lulavo pokupoku ala o eveni ko pade kasi.

Matiu 28:17

Ni so keru ke vea keru vo, seta ke ilusivake vo, melai kake ta niuniala kebe va evake.

Matiu 28:9

Ni ota podoloa koi nio Jisu ta o toraekake nioqa keve tona ni eri kiolake, “Bule ta qe tona.” Ni nioqata qova vatutake ni qota va noqoekake voko kiti, ni qo ilusivake.

Matiu 4:9

Nio vo Setani ta eri kiolake Jisu kasi, “Ṉota ṉola loqunou aṉa, ni ṉo ilusilou aṉa, inio aṉata a qatiṉou koa kiadama quli ko ṉoṉo qeako.”

Matiu 8:1

Nio vo Jisu ta o saqorake sopu kale azo ni matuma vaki ta ko luluevake vo.

Matiu 8:25

Nio voko disaipeli madu ta ke olake Jisu kasi ni ke toirativake vo, ni eri kikelake, “Lekasa, pakieṉela eṉe: ako eṉeta sipole ṉeda vouva sole,” kikelake.

Matiu 9:18

Nio vo Jisu obeta bazubazuta keru inio kala Jiu amu vo tanala ta o kuevake Jisu kasi, ni o iqeiqeake voko tanama kale, ni eri kiolake vokasi, “Aṉako meqora ta kota la voula, sole kua tu pa kai ivika ṉoko ṉase tu kota kola saevo.”

Luke 4:27

Ni kubo pokupoku amu ta inisiana Izireli poropita Ilaisa ko taku keru, melai puliala se azo inio opa urikive, melai Neamani vo Siria ala o kiada inio o urikive,” kiolake.

Jone 9:38

“Aṉata a duvevo pueṉa, Lekasa!” kiolake, ni vota o iqeiqeake Jisu ko kuleto.

Iruruputo 10:14

Melai Pita ta eri kiolake, “Koe maba pui, Lekasa! Aṉata maba pui a quako quli kio ko quli ako matu tabu tu kuo sole,” kiolake.

Iruruputo 10:25

Ni so keru vo Pita obe amaqeo kiola keru inio vo Koniliasi ta o toraevake vo ni vota o loqunake voko kiti raki kasi.

1 Koriniti 14:25

ni voko mutamuta kama kerukeru ruqe ama ta kasa kota elou, ni vota o zukaidou ni o ilusivou vo Baṉara, ni vota o kasekou ko eri, “Tuvevo vo Baṉara ta o zomana meko tiania!”

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.