Matiu 7:6 - BAṈARA KO VAIRU AMA LEVELEVEO

⁶ “Pui ṉamuko ko tabu ama lomaloma ruqe ama maba poso kasi. Soa katimo me elou ta meta me qatika jari nio ko siele tabu ama lomaloma. Ako kota ko titiziovou ni ko nanaemelou sole. Ni soa katimo me elou ta meta me risaeka jari bolo kasi meko jiku. Kota kokai lojolou ni ko niumaekou sole.

Matiu 7:6 교차 참조

Matiu 15:26

Ni vo Jisu ta o kati tiorikake ko, ni Jiu amu ta meqora o mati podetikake, ni eri kiolake kokasi, “Kuleto animeta me niaemo se meqora poso Saita. Ako pui ko male tu animeta me qovou meqora poso ko sailao ni me risaekou siele poso kasi tu ko kuovou,” kiolake.

Matiu 24:10

Ni matu kubo maba madu ta ke vaekou seko oqu, ni keta saiqorikiniou ke ṉavio kude ni keta kanaekiniou.

Matiu 7:5

Ṉoa lipalipa kalaṉa! Kazieka kuleto ṉo ṉaviko vilu kale ama kobukobu, saita inio ṉota ṉo qelou ni ṉo qaziekou ṉovo lolo ko vilu kale ama vuruvuru.

2 Koriniti 11:26

Kubo aṉako talio kale aṉata a doraeke ko nioqololo ko tapata ni se kuilokuilo amu ke erekema tapata, ni a doraeke ko tapata se aṉako mabamu se Jiu amu ke erekema ni se pui Jiu amu ke katilema, ni aṉata a doraeke ko tapata koa matuma peuru poso kale ama, ni ivulu ama zaekale ama tapata, ni ko matu okate ama ololobagea kale ama tapata, ni se lipalipa kama baerebaere poso kasi ama tapata.

Pilipai 3:2

Meta tama balauvomo sea ruqe ama maba poso sea siele jari amu seke zuruzuruemelani me tu me moveko meko tupu tu ko mamola pueko ta meta vo Baṉara ko mela kio.

Hiburu 10:29

Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

Hiburu 6:6

Seta lula kebe kai nianiiake kiadama ko quli poso, melai keta epezake vai oqu vo Baṉara! So sole seta pui ke rovea tova lilizio, ako seta ke tova vouvaeva jari vo Baṉara vo Meqora ni kevai kedua vo ubutiana sole.

2 Pita 2:22

Ako seke erekako kalo ta voa nianiiekato sala bazu kiolani jari, ko eri, “Vo siele ta o kua o ṉaviko sakosako,” ni “Vo bolo o uria siuvani ta mata ota niabea koa niabeniabe kale,” kiolani. So jari nio seko tovama tapata ta kobe kai paloasa koa lulama.

Kelokelozato 22:15

Melai koa matu peuru ko kupekupe ta inisiana se siele jari ke kavani ruqe ama kalo ke luluekani, ni se kakokakoto ke erekani, ni se ruqe ama iruruputo ke pauvekani, ni seke vouvatani, ni seke ilusikani ko beku, ni seke lipalipatani seko pesio poso kale ni seko iruruputo poso kale.