Matiu 7:22 - BAṈARA KO VAIRU AMA LEVELEVEO

²² Ni titizato ko ṉaniu ko barolou keru inio kubo madu se kekai lipalipaitani ko sidopu ta eri kikevou aṉa kasi, ‘Ṉota eṉevo Lekasa ṉa! Ṉoko ṉikale eṉeta ṉe bazubazute, ni ṉoko ṉikale eṉeta ṉe rerike ko ziolo poso ni ṉe erekake kubo aqasiele ama iruruputo!’ kikevou.

Matiu 7:22 교차 참조

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Matiu 24:36

Nio vo Jisu ta mata eri kiolake sekasi; “Puliala maba ta okai nianiia koa ṉaniu ni taku aṉa maba a eveni lala a vaitou keru; se aukale ama mateana madu melai pui kekai nianiia, ni a ṉavi melai pui aqai nianiia, melai aṉavo Mama Baṉara o kiada inio okai nianiia koa taku.

Matiu 25:11

“Koko tova inio sea sike sinaqu rusu poso ta ke baroake, ni eri kikelake, ‘Lekasa! Lekasa! Ṉela veuka!’ kikelake.

Matiu 7:21

“Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Luke 10:12

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo peuru kale amu ke kovo ama koqotato!” kiolake.

Jone 11:51

Vota pui so kiolake o ṉaviko vatolo kale, melai kota vo inio vo Ṉisa Siama koa sabere keru ala kio, so sole voko pesio ta ko pidokikake ta vo Jisu inio oma vouvo ala se Jiu ama maba poso,

1 Tesalonaika 5:4

Melai me, visi ni kaka poso mela, meta pui kutumana kamela, so sole koa taku ta pui kopa vuzemelou vo kuilokuilo ala maba okai kuevako jari.

2 Tesalonaika 1:10

Ni vo Baṉara ta o erekou koa sidopu ama titizato so keru vo Lekasa Jisu o vaitou keru ni vota ṉaṉaidara o elou kiadama voko maba poso ko sidopu ama saevo kale, ni o raurailou seke tuvevo putani ko saevo kale. Me melai me zomanou se sate, ako meta me duvevo pueka sole koa bazu ko eṉe ṉe qasekema mekasi.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

2 Timoti 1:18

Ni ṉota ṉoqai uria nianiia voko matuma tauvezato vo o erekema aṉa kasi sai Epesasi peuru kale. Sole vo Lekasa ko odouvo sama roquano ta ko elou vo tona koa Titizato ko Ṉaniu kale!

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.