Matiu 7:21 - BAṈARA KO VAIRU AMA LEVELEVEO

²¹ “Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Matiu 7:21 교차 참조

Matiu 12:50

Vo o ereko ala aṉavo aukale ala Mama okai zariako quli tu o ereko, vo inio aṉavo lasive ala visi ni reko ama visi ni aṉako niania,” kiolake vo Jisu.

Matiu 16:17

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.

Matiu 18:10

Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Matiu 18:19

“Aṉata mata a bazuemela me, kainioqa ta omadeu vatolo qo elou ni qo pasekou kama quli ta aṉavo aukale ala Mama ta o kati tiorikou ko quli ko nioqa qo pasekako quli.

Matiu 18:3

ni eri kiolake, “Meta kerukeruekomo komi! Meta pui me besiekou meko saevo tu meqora poso jari me elou ta pui meba amaqeovou vo Baṉara ko lekasa puo kale.

Matiu 18:35

“Omadeuvo so jaria koqotaemelo inio o elou aṉavo aukale ala Mama so keru me pui me mati odouvikiniou keru meko lolo poso meko pado ama bulo kale,” kiolake vo Jisu, nio o paikake voko bazubazuto.

Matiu 19:24

Ni mata eri kiala mekasi, koko tapata tu vo batiro ala maba ta o amaqeo Baṉara ko lekasa puo kale ta kokai paloasa koko tapata tu kala kameli ta o amaqeo nila ko purapura kale,” kiolake.

Matiu 25:10

Nio sea sarube ama sinaqu rusu poso ke olake tatabaraekole ko oela, se savasi maqa inio vo obe vairua rorotani maba ta ota baroake. Nio sea sike sinaqu rusu ke inainaovini ta keta amaqeake vo sate rorotato ko bau vuato kale, ni ke tibulikake ko veutu.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 26:39

Ni vota o sasa vatutake sekasi azo, ni ota iqeiqeake miduku kale ni ota vararaitake ni eri kiolake, “A Mama ṉa, ko rovea tea, tala vatutika komia upotuqu ko kapa aṉa kasi azo! Melai pui ṉo erekou aṉako zario kikolani melai vaeka tu ko ereilo ṉo ṉaviko vatolo kikolani jari.”

Matiu 26:42

Nio omuqama taku Jisu ta mata o vaitake vararaitole ni eri kiolake, “A Mama ṉa, ṉota pui ṉoda la vatutikou kiṉovou komia upotuqu aṉa kasi azo melai uri. Tu vaeka tu ṉoko vatolo ta ko ereilo,” kiolake.

Maka 3:35

Ni kala vo o ereko ala vo Baṉara oka zariani tu vota o ereko, vo inio aṉavo lasive ala visi, ni aṉako reko ama visi, ni aṉako niania,” kiolake vo Jisu.

Luke 11:28

Melai Jisu ta o opatake ni eri kiolake, “Uri, melai sea maba poso ke maba maurumauruivani ta sea poso seke viqani ni ke zorikani vo Baṉara ko bazubazu!” kiolake.

Luke 13:25

Ako vo pade sala maba ta o tibulikou koa pade ko veutu nio meta me lojou pade kupekupe ni meta me dubitubiekou ko tibulu ni eri kimevou, ‘Lekasa, ṉela veuka ko veutu,’ kimevou, melai vota eri mela kiovou me, ‘Aṉata pui a melai nianiia me ni pui aqai nianiia sai meme quevakoi kazo!’

Luke 18:25

Koko tapata tu vo batiro ala maba ta o amaqeo Baṉara ko lekasa puo kale ta kokai paloasa koko tapata tu kala kameli ta o amaqeo nila ko purapura kale,” kiolake.

Luke 6:46

Ni vo Jisu ta obeta olake bazubazuto ni eri kiolake, “Noi sole inio meta ‘Lekasa,’ la kimela kiada keru, melai meta pui me ereka aṉa a melai bazuekako quli me?

Jone 14:7

Erisaṉa meta lula melai nianiia aṉa, so sole meta mevai nianiiovou mata vo aṉavo Mama, ni erisaṉa azo meta mevai nianiia vo ni meta me vea vo,” kiolake.

Jone 15:23

Tuvevo avole, vo olai kideipani aṉa ta mata ovai kideipa aṉavo Mama.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

Jone 5:17

Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Romu 2:13

Ako sidopu elo vo Baṉara ko kelokelozato kale ta pui maba madu ko viqo kale ko Bazu inio, melai ereko kale ko Bazu kikolani.

Epesasi 6:6

Ni meta pui me vilua nabuluputou so keru seke mela lea keru me pala. Melai meta tuvevo avole me zorimou se omadeuvo meta me zoriva jari vo Karisito. Ni meko pado ama bulo kale meta erekomo ko quli vo Baṉara oka zariako quli.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Tesalonaika 4:3

Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

1 Tesalonaika 5:18

ni meta kasekomo meko uriavo vo Baṉara kasi kiada keru me mebeta saeva keru, olu ama saevo ko taku keru melai, tapata kama saevo ko taku keru melai. Ako so inio vo Baṉara ota melai zariani me tu meta me elou meko saevo kale omadeu saevo meqai evako vo Jisu Karisito sase.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

Hiburu 4:6

Se lulavo kuleto ke viqeni ko Uri ama Bazu ta pui kepa koe koa mamazo, ako seta pui kepa tuvevo pute sole. Melai erisana ta kama volei maba madu ta koma zarizia tu seta ke kovo ko.

Jemisi 1:22

Meta pui me jaruilou voko bazu ko viqo pala kale, pui kai uria iruruputo kale.

1 Pita 2:15

So sole meta uri me erekou, ni so inio se sarube ama maba poso ta pui ke melai kuirikou ruqe ama quli seko kalo pide ama pesio kale. Ako so inio vo Baṉara oka zariani sole.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.

Kelokelozato 3:5

Seke koqotaeko amu ko ruqe inio soa tapo sabosabo ke elo amu, nio aṉata pui aba tama vouvaekou seko ṉi poso ko noqola kama saevo samu ko ṉi ko buka topi azo. Aṉavo Mama ni voko mateana madu ko tanama kale inio aṉata a uria zakaremu puekou ko seta aṉa kale amu inio ko se kio.