Matiu 7:15 - BAṈARA KO VAIRU AMA LEVELEVEO

¹⁵ Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Matiu 7:15 교차 참조

Matiu 10:17

So inio meta me balauvou, ako kake maba poso ta ke melati ziovou sole me titizikinio kale, ni ke pazomelou seko ilusato ko pade kale.

Matiu 16:11

So inio meta pui meqai nianiia ta aṉata pui aqai pesipesita ko bereti, melai aṉata eri nio kiala mekasi, taka balauvomo se Parese madu ni Sadiusi madu ko isiti!”

Matiu 16:6

Ni Jisu ta eri ma kiolake se, “Meta vaitomo ni taka balauvomo se Parese madu ni Sadiusi madu ko isiti,” kiolake.

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 7:14

Melai koa veutu saevo kasi ko amaqimako ta riro ama, ni koa keve sai ko olako ta tapata tu lulueko ni pui kubo madu nio kepa kai barolou koa saevo.”

Luke 12:15

Ni vota eri kiolake sea kiadamu kasi, “Kati vailomo tu pui viluloqu elo, ako vo maba ko tuvevo ama saevo ta pui kubo kama ma kama vo o ṉeamukako kale inio ko eva sole.”

Luke 6:26

Ruqe ama quli kio ko melai barolou me, kiadama maba raura kasemelo ke elou keru, ako so jaria raurarauraemo inio ke evevo seko taite poso se lipalipa kama poropita madu,” kiolake.

Jone 10:12

Vo o tabariani maba ta o vaema ni ota ma soqoiva sea sipi vo o vea keru kala kade ala biana ko kilo, ako vota pui vailo ko maba ni sea sipi poso melai pui voko madu sole. So sole voa kade ala biaṉa ta ota kueva ni o qiqaruma ni o birebirema sea sipi poso.

Iruruputo 13:40

So sole meta balauvomo, so inio se poropita madu ke kasekema quli ta pui ko elou me tona, ko eri kikevema:

Iruruputo 13:6

Ni seta keta roraoke koa udu kale ni ke baroake Paposi peuru kale, sai nio seta ke toraevake kala kakokakoto ko maba Ba-Jisu va kikelani, vota kala Jiu ala vo okai rairiziani ko poropita.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Epesasi 5:6

Ni meta pui zariemo kake tu ke saruemelo me lipalipa kama bazu kale. Ako koa boutare poso aṉa abe kasekako kale avo inio vo Baṉara ko korakorailo ta komai barolou sole se pui ke zoripatani.

Pilipai 3:2

Meta tama balauvomo sea ruqe ama maba poso sea siele jari amu seke zuruzuruemelani me tu me moveko meko tupu tu ko mamola pueko ta meta vo Baṉara ko mela kio.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

2 Timoti 3:13

ni se ruqe ama maba madu ni se lipalipa kamu ta matu ti matu ruqe avo ke kalou, ni seta ke lipaemou se edolomu ni ke lipailou ke ṉavi.

2 Timoti 4:3

Ako koa taku ta kota baroa so keru se maba madu ke kaikuapou keru viqo ko tuvevo ama bazubazu sole, ni so keru seke luluekou keru ke ṉaviko vatolo poso, ni so keru seke vailimou keru kubo titisa madu tu sea titisa madu ta kemai bazueko se ko quli seko zolemako seko viqaviqazata kale.

2 Pita 3:17

Melai me, a lolo poso mela, ta lula meqai nianiiani mela komi quli sole meta balauvomo. Ni pui zariemo se ruqe ama maba madu tu ke odiemelo me tu meqai zomano seke erekako ruqe ama kalo. Ni vailomo nio meta pui lekuleku me elou meko piza kama oqu kale azo.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 16:13

Ni aṉata a qeake zouke ziolo, bakarau jaria melo amu, ke saqorani matu dole ko suto kude, ni biaṉa ko suto kude ni lipalipa kala poropita ko suto kale.

Kelokelozato 17:6

Ni aṉata a qeake koa rekoreko koko mamola puekako koa matu peuru Babiloni amu, seke vouvaemeni Jisu kevai oquani. Ni koa rekoreko ta kokai zoleivake seko vou omadeuvo kala maba doilili okai evani ko piza kama vaini ko ju jari. Ni so keru aṉa a qeve keru koa rekoreko ta ada matu vuzeike.

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.

Kelokelozato 20:10

Nio vo Setani, vo o lipalipaemani se, ta ke risaevou nai sama uza ko urusana ko tiania, sai vo biaṉa ni vo lipalipa kala poropita lula ke risaekakoi. Sai nio sea zouke ke kovoa koi ko noqola kama tola ipu ni ṉaniu, latau ṉaniu ni ka ṉaniu.