Matiu 6:5 - BAṈARA KO VAIRU AMA LEVELEVEO

⁵ Nio vo Jisu ta obeta olake bazubazuto ni eri kiolake sekasi, “So keru meme vararaitou keru meta pui se kekai lipalipaitani ko sidopu jari me qalou, se keka matu zariani tu vararaito ilusato ko pade kale ni matu keve tona tu kiadama maba poso ta ke melo se. Aṉata a bazuemela me, seta puliama reketekete samu vo Baṉara kasi, ako seta lula ke koa seko reketekete maba poso kasi sole.

Matiu 6:5 교차 참조

Matiu 21:22

So sole meta me duvevo putou nio meta me qovou ko quli meme basekako quli meko vararaito kale,” kiolake vo Jisu.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

Matiu 23:5

“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi.

Matiu 23:6

Ni seta kekai zariani papu raura kama papupapu ṉojola kale ni so jari kekai zariani kai papu raura kama papupapu ilusato ko pade kale.

Matiu 6:1

Nio vo Jisu ta obeta olake bazubazuto ni eri kiolake sekasi, “Meta balauvomo tu pui me erekou meko uri ama iruruputo ubutiania tu maba poso ta ke mela lelo me. Ako meta me erekou ko quli ubutiania ta meta pui meba ṉeamukou ko reketekete mevo aukale ala Mama kasi azo sole.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:2

“So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 9:38

So sole vararaitomo vo epa ko Lekasa kasi, tu vota o soroemo voko iruruputo ko maba poso tu ke kajoriko voko epa,” kiolake.

Maka 11:25

Ni so keru me vararaito kimevou keru meta meda ma akoekou saita seko sarueko seke saruekani mekasi. So inio mevo aukale ala Mama ta ota mela akoekou ko meme erekako sarueko,” kiolake vo Jisu.

Maka 12:38

Ni so keru vo o nianiiekima keru sea vaki, vota eri kiolake, “Tama balauvomo se Mosese ko Bazu kekai nianiiekatani, seke lipiani seko rosia sabosabo sate tu maba poso ta ke rauraemo se tatabarao ko zaekale sai maba poso ke padoivakoi.

Luke 11:43

“Matu ruqe ama quli kio ko melai barolou me, mea Parese poso mela! Ako meta meqa zaria kai papu ko raura kama papupapu ilusato ko pade kale ama ni meta meqa zaria tu ke rauraemelo se maba poso meme ola keru tatabarao ko zaekale.

Luke 18:1

Jisu ta omai bazuekake voko disaipeli madu kama pado podepodeti tu o nianiiekimo tu seta ke vararaito kiada keru, ni pui niaba ke elou.

Luke 18:13

Melai vo takisi o koani maba ta o lojoake sasa vaṉa buti ni ota paṉaoke tadatiko voko loilo aukasi, melai vota o pazokake voko dumidumi voko duki kai elo kale voko sarueko poso ni eri kiolake, ‘Baṉara, ṉota akoela aṉa, aṉata ruqea lala sole!’ kiolake.”

Luke 20:47

Se inio keta ma bibizikani naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!” kiolake.

Luke 6:24

“Melai ruqe ama quli kio ko melai barolou me erisaṉa batiro me evani mela, ako meta lula me qoa meko patukato sole, ti kota kota korota inio, puliama mata kama meba kovou!

Jone 16:24

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

1 Tesalonaika 5:17

vararaitomo kiadama taku poso kale,

Jemisi 4:6

Melai ko tauvezato sama roquano vo Baṉara o puarikako ta kobe kai paloasa koa ṉaloṉalo ama vatolo, Tabu ama Riki kikolani jari, “Baṉara ta seke aikaivani vo kana, melai seke zarazaraivani ta o katima ko tauvezato sama roquano.”