Matiu 6:34 - BAṈARA KO VAIRU AMA LEVELEVEO

³⁴ So sole meta pui matu kerukerueko ko lea ko ereilo ama quli tu upotuqu ko imelo. Lea ko ereilo ama ta ko ṉavi leama, kiadama ṉaniu ta ko kati kueva ko ṉaviṉavi ko tapata ṉaniu ko sole.”

Matiu 6:34 교차 참조

Matiu 6:11

Katiṉela eṉe komia ṉaniu ko maleziko ama sailao,

Matiu 6:25

“So inio aṉata a bazuemela me tu meta pui tiṉoliṉoli kai elo ko quli meme quovo ama ni me nozueko ama quli ko meko tupu ko saevikako, ma ko quli meme qiako ama quli. Ako saevo ta kobe qulepa sailao azo ni tupu ta kobe qulepa sabosabo azo sole.

Matiu 6:27

Keatini; kala me azo ta o rovea rosikiko voko saevo tiṉoliṉoli elo kale kio? Maba pui!

Luke 10:41

Nio vo Lekasa Jisu ta o kati tiorikake ko ni eri kiolake, “Mata, Mata! Ṉota tiṉoliṉoli ṉoqai eva matu kubo quli,

Luke 11:3

Katiṉela eṉe kiadama ṉaniu koko malezikako sailao,

Luke 12:11

Ni vo Jisu ta mata eri kiolake voko disaipeli madu kasi, “Ni so keru seke melati ziovou keru titizikinio kale seko ilusato pade poso kale, ni se qavuna poso ni se lekasa poso ko tanama kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi.

Luke 12:22

Nio Jisu ta eri kiolake voko disaipeli madu kasi, “So inio aṉata a bazuemela me tu meta pui tiṉoliṉoli kai elo ko quli meme quovo ama quli ko meko tupu ko saevikako, ma ko quli meme qiako ama quli.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Pilipai 4:6

Ni meta pui tiṉoliṉoli ka elo kama quli, melai kiadama meko vararaito kale meta pasekomo vo Baṉara kasi ko quli me meqai zariovo ama quli meko uriavo sama bulo sate.

1 Pita 5:7

Kativomo kiadama meko tiṉoliṉoli, ako vo inio o melati vailani me sole.