Matiu 6:30 - BAṈARA KO VAIRU AMA LEVELEVEO

³⁰ Ni koa sisusisu poso ta ko eva seulele valuvalu matu puju ama taku kale, ni koko tova maba poso ta ke saqaeka ni ke risaeka uza kale. Melai vo Baṉara ta matu ileilea zaloniko o eve koa seulele sisusisu kale. Meta pui me duvevo puekou ta vo Baṉara inio o saboemelou me sabosabo kale, omadeuvo vo o zalonika jari ko seulele sisusisu kale, ta meko oqu ta matu silo ama ikio.

Matiu 6:30 교차 참조

Matiu 14:31

Ni vo Jisu ta ova rauqazake ni o zolaevake ni eri va kiolake, “Noi tinia matu silo ikio ṉoko oqu! Ṉota pui ṉo duvevo puta kio?” kiolake.

Matiu 16:8

Melai vo Jisu ta obe kai nianiiake se kikelani, so sole vota eri ma kiolake, “Noi sole inio meta meqai pesipesita me ṉavio kude meko pui boriko ko bereti, me silo ama oqu samela?

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Matiu 8:26

Ni vo Jisu ta eri ma kiolake se, “Noi sole inio meta meda ṉava? Meko oqu ta matu silo!” kiolake. Ni vota o lojoake ni o kaqarikake ko ururu ni boguzu ni kota kota jamaoke; ni manilo kota evake.

Maka 4:40

Ni Jisu ta eri kiolake voko disaipeli madu kasi, “Noi sole inio meda ṉava? Meko oqu ta matu silo!” kiolake.

Maka 9:19

Nio Jisu ta eri kiolake, “Mea maba poso mela komia taku kalea mela ta puliama oqu samela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!” kiolake.

Luke 12:28

Ni koa sisusisu poso ta ko eva seulele valuvalu matu puju ama taku kale, ni koko tova inio maba poso ta ke saqaeka ni ke risaeka uza kale. Melai vo Baṉara ta matu ileilea zaloniko o eve koa seulele sisusisu kale. Meta pui me duvevo puekou ta vo Baṉara ta o saboemelou me sabosabo kale, omadeuvo vota o zalonika jari ko seulele sisusisu kale, ta meko oqu ta matu silo ama ikio!

Luke 9:41

Ni vo Jisu ta o vati tiorikake vo, ni eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio a elou mekasi? Aṉata aqai aquria meko bulo ko zokele sole!” So sole vota eri kiolake voa maba kasi, “Vati kua ṉovo meqora koi,” kiolake.

Jone 20:27

Sai nio vota eri kiolake Tomasi kasi, “Tomasi, ṉota kua tu kea aṉako omuqa ṉase, ni sukueka ṉoko seseu koi, ni rauqaze ni ika ṉoko ṉase aṉako ropa kale. Epeze niuniala elo, melai ṉota tuvevo pute!” kiolake.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

1 Pita 1:24

Ako ko Tabu ama Riki kikovevo ta eri nio sole, “Kiadama maba madu ta seulele jari, ni kiadama seko pizato ta lea kale ama sisusisu jari. Ni koa seulele ko vouva ti koa sisusisu ta kobeta pia inio,