Matiu 6:16 - BAṈARA KO VAIRU AMA LEVELEVEO

¹⁶ Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:16 교차 참조

Matiu 6:1

Nio vo Jisu ta obeta olake bazubazuto ni eri kiolake sekasi, “Meta balauvomo tu pui me erekou meko uri ama iruruputo ubutiania tu maba poso ta ke mela lelo me. Ako meta me erekou ko quli ubutiania ta meta pui meba ṉeamukou ko reketekete mevo aukale ala Mama kasi azo sole.

Matiu 6:2

“So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 6:5

Nio vo Jisu ta obeta olake bazubazuto ni eri kiolake sekasi, “So keru meme vararaitou keru meta pui se kekai lipalipaitani ko sidopu jari me qalou, se keka matu zariani tu vararaito ilusato ko pade kale ni matu keve tona tu kiadama maba poso ta ke melo se. Aṉata a bazuemela me, seta puliama reketekete samu vo Baṉara kasi, ako seta lula ke koa seko reketekete maba poso kasi sole.

Maka 2:18

Ni omadeu taku inio vo Jone ko disaipeli madu ni se Parese madu ta ke tabutabuake seko pui vuato kale. Nio kake maba madu ta ke kuevake Jisu kasi ni ke kuimaevake vo ni eri kikelake, “Noi sole inio vo Jone ko disaipeli madu ni se Parese madu ta keta tabutabua seko pui vuato kale, melai ṉoko disaipeli madu ta pui soa tabutabuo ke eva?” kikelake.

Luke 18:12

Aṉata a dabutabua omuqa ṉaniu omadeu vuiki kale ni aṉata a qatiṉani lala ṉo aṉako toni ama kiadama aṉako koazato kale ama,’ kiolake.

Luke 2:37

Kota roroto ama ko eve sikeura sabere ni kovo lasive ta o vouvake ni naboko ko evake, ni koa taku ta kota siotolu toni ariku sabere ama. Kota kiada keru ko olake Jelepade kale, ipu ni ṉaniu ni ko ilusivake vo Baṉara, ni ko tabutabuake ni ko vararaitake.

Iruruputo 10:30

Nio Koniliasi ta eri kiolake, “Zoukelimana inio aṉata a vararaitala eri ama taku kale zouke koloko kale raisiraisi vasia rana. Ni ota podoloa koi kala maba tapo simanamana kama sabosabo sala ta o lojola aṉako kuleto vasi

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

1 Koriniti 7:5

Lasivea laṉa ta pui taka lupao ṉoko reko, ni so jari ṉoa reko ṉa ṉovo lasive kasi. Melai pitopito ama taku kale uri ama vatolo kale qe vaekou vararaito kaqe saita, inio mata tova padoekinio qe elou. Komia keve kale kude inio qeta qe pakiziovou vo Setani ko zolizolito kale azo. Ako lekulekua qela qeko kaitizio kale sole.

2 Koriniti 11:27

Jairojairoki ama iruruputo aqai eva, ni puliama maroṉo mati; aṉata lula kubo taku ada luapa ni ada rokauva; ni lisulasu ada eva puliama aṉako sailao, ma ono, ma suma.

2 Koriniti 6:5

Eṉeta lula ke pazoṉela, ni ṉe eva pirito pade kale, ke ṉelai kasakea lula, eṉeta duki ama iruruputo ni olaqua dudeo saevo ni luapo ṉe eva.