Matiu 6:14 - BAṈARA KO VAIRU AMA LEVELEVEO

¹⁴ Sole meta meda ma akoekou seko sarueko seke saruekani mekasi, nio mevo aukale ala Mama ta ota mela akoekou meko sarueko.

Matiu 6:14 교차 참조

Matiu 5:7

“Keta zoleiva tisoiko se keta ma akoekani edolomu ko sarueko, ako vo Baṉara ta ota ma akoekou seko sarueko sole.

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Matiu 7:2

ako vo Baṉara ta o titizimelou me koa omadeuma keve kale meme ditizimani jari kake edolomu. Ni koa omadeuma podepodeti kale ko me memai titizikako kale edolomu inio mata vo Baṉara ta o titizimelou me. Meta me matu titizimou edolomu inio vo Baṉara ta o matu titizimelou me. Melai meta baise ama titizato me erekou edolomu kasi nio vo Baṉara ta baisea titizimelo o elou me.

Maka 11:25

Ni so keru me vararaito kimevou keru meta meda ma akoekou saita seko sarueko seke saruekani mekasi. So inio mevo aukale ala Mama ta ota mela akoekou ko meme erekako sarueko,” kiolake vo Jisu.

Luke 6:37

Ni vo Jisu ta obeta olake bazubazuto ni eri kiolake sekasi, “Meta pui me ditizimou edolomu, nio mata Baṉara ta pui o titizimelou me. Ni meta pui kuiripato saṉa me imou edolomu inio Baṉara ta pui kuiripato saṉa o imelou me. Ni meta meda ma akoekou seko sarueko seke saruekani mekasi inio Baṉara ta ota mela akoekou meko sarueko.

Epesasi 4:32

Melai meta bairumuomo ni roquekiniomo, ni odouvikiniomo me ṉavio kude, omadeuvo vo Baṉara ta o melati odouvikinie me vo Jisu Karisito kale jari.

Kolosi 3:13

Meta tauvekiniomo, ni odouvikiniomo me ṉavio kude so keru kala me azo o ketuketuevou keru kala edolola. Meta odouvikiniomo me ṉavio kude omadeuvo vo Lekasa Jisu ta lula o melati odouvikinie me jari.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.