Matiu 6:13 - BAṈARA KO VAIRU AMA LEVELEVEO

¹³ Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Matiu 6:13 교차 참조

Matiu 26:41

Meta vailomo ni vararaitomo nio pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Matiu 5:37

‘Uri’ kimevou ti ‘Uri’ pala kiomo, ‘Pui’ kimevou ti ‘Pui’ pala kiomo, melai meta pui me qasekou mata kama quli, ako kama quli maulu meqai pikou, ta kota vo Setani kasi azo ko kuevako ikio sole.”

Matiu 6:10

ṉoko lekasa puo ko kilo, ṉoko vatolo ta ko luluilou miduku kale omadeuvo kota ko luluiva aukale jari.

Jone 17:15

Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

1 Koriniti 10:13

Kiadama madolo ko meme doraekako ta kiada keru ko kuevako ikio maba poso kasi. Melai meta me rovea vai keru vo Baṉara ta pui opa zariekou tu meta me madoilo meko pizato ko topi tiniama madolo kale. So inio meme doraekou keru ko madolo, vota o katimelou me kama pizato tu meta meqai pataitou, ni vota o katimelou kama rora tu meda ka pakiovou.

1 Koriniti 14:16

So keru ṉoṉo rauraeva keru vo Baṉara Tabu ala Auvana ko pesio kale, ta nonia zomano inio o elou kala maba tu vota so kiovo “Emeni” koa ṉoko uriavo ko vararaito kale, vo vairua kilo o evani meko padoilo kale? Ako vota pui okai nianiia ko quli ṉoṉo qasekako sole.

2 Koriniti 1:20

Ako vo Jisu inio tuvevo o mela erekani anime vo Baṉara o vati soruekema tu o mela ereko. So inio vo Jisu Karisito ko ṉikale inio me qaseka animeko “Emeni” edolomu kevai ilusika keru vo Baṉara ko quli vo o mela erekako anime.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

1 Tesalonaika 1:10

tu tareko vovo Meqora ko vaito aukale azo. Vo inio vovo Meqora Jisu, vo lula o saeviveni voukale azo tu o pakiemelou anime vo Baṉara ko korakorailo koko kilo ama kale azo.

2 Tesalonaika 3:3

Melai animevo Lekasa Jisu ta me roveani vai keru sole vo inio o pizatimelou me ni o pakiemelou me vo Setani, voa Ruqe ala kasi azo.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Hiburu 11:36

Kake ta kemai balebaleitake ni ke pazomake ni kake ta ke piriemake seini kale ni ke vaemake pirito pade kale.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

Kelokelozato 1:18

Aṉata noqola saevo a evani lala! Aṉata lula ada vovini lala inio melai erisaṉa ta a jaeva tu noqola saevo a elou latau ṉaniu ni ka ṉaniu. Aṉata pizato salala tu aṉata mata a jaevimou se voumu, ni aṉata pizato salala tu aṉata a jaqorimou se voumu seke piriziakoi kale azo.

Kelokelozato 19:1

Ni koko tova inio aṉata a viqake kama kora matuma vaki ko upaupato jari ama aukale vasi, ko eri kikolako, “Ilusivomo vo Baṉara! Vai ilusikomo animevo Baṉara ko pakiezato, ni voko ṉaṉaidara, ni voko pizato!

Kelokelozato 19:4

Nio sea karabete ariku lekasa ni ariku biaṉa saevoma ta ke loqunake ni ke ilusivake vo Baṉara vo obeta papuani o lekasa ko papupapu topi, ni eri kikelake, “Emeni! Ilusivomo vo Baṉara!” kikelake.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 21:4

Vota ota ma zautekou kiadama seko deumu seko vilu kale ama. Puliama vou ta kopa elou, ni puliama upotuqu, ni zialo ni tola kopa elou. Ako lulama quli ta lula kota paraka sole,” kikolako.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.

Kelokelozato 3:14

“Ṉota eria rikito eve sai Leodisia lotu qoqono ko mateana kasi: Eri nio koa bazu vo Emeni kasi azo ko kuevako, vo kerula kala ni tuvevo ala bazubazuto ko maba, ni koko raki ota ka evani kiadama quli vo Baṉara o erekema.

Kelokelozato 5:13

Ni aṉata ada ka viqake koko kora kiadama saevoma quli vo Baṉara o erekema quli aukale ama, ni miduku kale ama, ni se voumu ke piriziakoi ko evako quli, ni ivere kale ama quli, koa kiadama saevoma quli peuru ma peuru ko evako. Sea kiadamu ta ke keraovake ni eri kikelake, “Vo okai papuani koa papupapu, ni voa Sipi Meqora ta meqai rauraeka qo aikato, ni ṉaṉaidara ni pizato latau ṉaniu ni ka ṉaniu!” kikelake.