Matiu 6:10 - BAṈARA KO VAIRU AMA LEVELEVEO

¹⁰ ṉoko lekasa puo ko kilo, ṉoko vatolo ta ko luluilou miduku kale omadeuvo kota ko luluiva aukale jari.

Matiu 6:10 교차 참조

Matiu 12:50

Vo o ereko ala aṉavo aukale ala Mama okai zariako quli tu o ereko, vo inio aṉavo lasive ala visi ni reko ama visi ni aṉako niania,” kiolake vo Jisu.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 26:42

Nio omuqama taku Jisu ta mata o vaitake vararaitole ni eri kiolake, “A Mama ṉa, ṉota pui ṉoda la vatutikou kiṉovou komia upotuqu aṉa kasi azo melai uri. Tu vaeka tu ṉoko vatolo ta ko ereilo,” kiolake.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 7:21

“Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Maka 11:10

Baṉara ta mauru o ikou koko kuevako lekasa puo animevo taite Devita ko jari ama! Ilusivomo vo Baṉara!”

Maka 3:35

Ni kala vo o ereko ala vo Baṉara oka zariani tu vota o ereko, vo inio aṉavo lasive ala visi, ni aṉako reko ama visi, ni aṉako niania,” kiolake vo Jisu.

Luke 19:11

Nio so keru se maba poso ke viqe keru koa pesio poso vo o rukuekema, Jisu ta obeta olake vai bazuto kala pado podepodeti sekasi. Koa taku ta vota lula Jerusalema ko sipole ota baroake, ni seko kerukeru kale ta vo Baṉara ko lekasa puo ta taukavole kota barolou kikelake.

Luke 19:38

“Baṉara ta mauru o ivou vo Lekasa vo o kuevani voko ṉikale! Bule ta ko elou aukale ala Baṉara ni maba ko tiania! Ilusivomo vo Baṉara!”

Luke 22:42

Ni eri kiolake, “Mama, ṉo zariekou ta, ṉota vatutika komia upotuqu ko kapa aṉa kasi azo. Melai pui aṉako vatolo, kota ṉoko vatolo kale inio ko ereilou.”

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Iruruputo 13:22

Ni vo Baṉara ta o saqorivake vo, ni vota aikovakova oma ivake vo Devita. Ni eri nio Baṉara kiovevo vokale avo: ‘Aṉata a vea vo Devita Jese vo meqora, soala maba jari ala inio aṉa ava zariani, voa maba vo o ereko ala kiadama quli aṉa a vati sorueko ama quli vo tu vota o erekou,’ kiolake.

Iruruputo 21:14

Ni eṉeta pui ṉe roveake lopaevo vo, so sole niaba ṉeda evake ni eri kiṉelake, “Vo Baṉara ko vatolo ta ko ereilou,” kiṉelake.

Iruruputo 22:14

Ni vota eri la kiolake, ‘Se animeko taite poso vo Baṉara ta lula o pitoeṉe ṉo tu ṉota ṉoqai nianiiovou voko vatolo, nio ṉo veala vovo Sidopu ala Nabulu, ni ṉoda va viqala voko pesio.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Epesasi 6:6

Ni meta pui me vilua nabuluputou so keru seke mela lea keru me pala. Melai meta tuvevo avole me zorimou se omadeuvo meta me zoriva jari vo Karisito. Ni meko pado ama bulo kale meta erekomo ko quli vo Baṉara oka zariako quli.

Kolosi 1:13

Baṉara ta o pakiemele anime kutumana ko pizato kale azo ni o amaqimele anime vo o matu roquevani Meqora ko lekasa puo kale,

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

1 Tesalonaika 4:3

Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

1 Tesalonaika 5:18

ni meta kasekomo meko uriavo vo Baṉara kasi kiada keru me mebeta saeva keru, olu ama saevo ko taku keru melai, tapata kama saevo ko taku keru melai. Ako so inio vo Baṉara ota melai zariani me tu meta me elou meko saevo kale omadeu saevo meqai evako vo Jisu Karisito sase.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

Hiburu 10:7

Nio aṉata eri kialake, ‘Aṉata koi, a Baṉara, tu aṉata a ereko ṉoko vatolo omadeuvo aṉa aqai rikiziovivo jari sai Mosese ko Bazu ko buka kale,’” kiolake.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

1 Pita 2:15

So sole meta uri me erekou, ni so inio se sarube ama maba poso ta pui ke melai kuirikou ruqe ama quli seko kalo pide ama pesio kale. Ako so inio vo Baṉara oka zariani sole.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

Kelokelozato 11:15

Ni mata sikeurala mateana ta o puzekake voko kuvili, so keru inio matuma kora poso ta ko kuevake aukale azo, ko eri kikolako, “Peuru ma peuru kai lekasa puilo ko pizato ta erisaṉa ta animevo Lekasa Baṉara ko, ni vo o pitoeveni Pakio ko, ni koa lekasa puo ta ko elou latau ṉaniu ni ka ṉaniu!”

Kelokelozato 12:10

Ni aṉata a viqake kama pado matuma kora mateana ko aukale vasi, eri kikolako, “Erisaṉa vo Baṉara ko pakiezato ta lula kota barola! Erisaṉa vo Baṉara ta lula kasa o ika voko pizato voko lekasa puilo kale! Erisaṉa vo o pitoeveni Pakio ta lula kasa o ika vo Baṉara o kativema pizato! Ako vo o lojeni animevo Baṉara ko kuleto ni kuiripato saṉa o imeni ipu ni ṉaniu animeko lolo poso seke tuvevo putani ta lula o ṉamui aukale azo sole.

Kelokelozato 19:6

Ni aṉata a viqake matuma vaki ko kora jari ama kora, omadeuvo ko matuma tovoko zara kale ama ko qurumo jaria qurumo ama, ni au kalea paka ko seqelo jaria kelato ama. Ni aṉata ada ma viqake seko eri kio, “Ilusivomo vo Baṉara! Ako vo Baṉara, vota animevo piza kala Lekasa ni noqola lekasa puola sole!

Kelokelozato 20:4

Sai nio aṉata a qeake kama lekasa ko papupapu poso, ni sea maba poso sai ke papuani; seta ke koake ko titizato ko pizato tu seta ke ereko ko titizato. Ni aṉata mata a qeake seke lezuemeni maba poso ko auvana se kekai bazubazuteni koa tuveano vo Jisu o puratikema ni vo Baṉara ko bazu. Se pui kepa ilusiveni vo biaṉa ni voko beku, ni se pui kepa koeni vo biaṉa ko mamola seko kape poso topi ni seko ṉase poso topi. Se inio ke saeve ni aikovakova poso ke eve ni ke lekasa puake vo Karisito sate omadeu vuro sabere ko tiania.