Matiu 6:1 - BAṈARA KO VAIRU AMA LEVELEVEO

¹ Nio vo Jisu ta obeta olake bazubazuto ni eri kiolake sekasi, “Meta balauvomo tu pui me erekou meko uri ama iruruputo ubutiania tu maba poso ta ke mela lelo me. Ako meta me erekou ko quli ubutiania ta meta pui meba ṉeamukou ko reketekete mevo aukale ala Mama kasi azo sole.

Matiu 6:1 교차 참조

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 16:6

Ni Jisu ta eri ma kiolake se, “Meta vaitomo ni taka balauvomo se Parese madu ni Sadiusi madu ko isiti,” kiolake.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

Matiu 23:5

“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi.

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Matiu 5:46

So sole meta me roquemou pala seke roquemelani me, ta pui ko male tu vo Baṉara ta reketekete saṉa o imelo me, ako se ruqe amu se takisi ke koani melai keta rovea ereko sole so jari.

Matiu 5:48

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:9

So sole meme vararaitou keru meta eri jari nio kimevou, ‘Eṉevo aukale ala Mama ṉa, ṉoko tabu ama ṉi ta ko raurailou,

Maka 8:15

Ni Jisu ta o balauvimake se ni eri kiolake, “Taka balauvomo se Parese madu ni Herodi ko isiti,” kiolake.

Luke 11:35

Balauve nio ṉoko zakaremu ta pui kutumana ko elou.

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Luke 12:15

Ni vota eri kiolake sea kiadamu kasi, “Kati vailomo tu pui viluloqu elo, ako vo maba ko tuvevo ama saevo ta pui kubo kama ma kama vo o ṉeamukako kale inio ko eva sole.”

Luke 16:15

Nio Jisu ta eri ma kiolake se, “Me inio ko me, me sidopu meqai rairiziani mela me ṉavi se maba poso ko vilu kasa, melai Baṉara ta obe paqumuka meko bulo poso kale ama ruqe. Ako koko matuma kio ni kalo sama ka kikelako se maba poso ta kuvaruvaru ama quli ikio vo Baṉara ko kelokelozato kale.

Jone 12:43

Ako seta keka zariake maba ko rauraemo ni pui vo Baṉara ko rauraemo sole.

Jone 5:44

Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?

Iruruputo 3:12

Nio Pita ta o meake sea maba poso, ni eri ma kiolake, “Me Izireli amu mela, noi sole inio meta aqasiele meqai eva komi quli, ni noi sole inio meta me doiritoiriqela eqe? Me qerukeruta ta qe ṉavi eqeko pizato ni tabu kale inio eqeta qe taliekiva nea maba kimela kio?

Qelesia 6:12

Sea maba madu seke matu madoekani zolizoliemelo me tu meta me moveilo ta ke ereka ko quli tu se Jiu amu ta kemai zoleilo se, tu seta kekai aikailo kupekupe ama quli. Ni seta so ke kava tu seta keta ka lapasou koa koqotailo seke kovo ama Jiu mu kasi, seta kekai bazubazuta tea Jisu ko vou korosi topi ama ko kiada.

Hiburu 11:26

Vota o kerukerutake ta voa Pakio vo Baṉara o soroevo ala komia peuru ma peuru kale vai toraeko ko qurato ta kokai paloasa ko Ijipi ama batiro, ako vota okai zuatake ko reketekete vo Baṉara o kativo ama vo sole.

Hiburu 2:1

Sokale avo inio animeta me uria didieko ni varoko ko tuvevo ama quli ko lula anime me viqako vo Baṉara vo Meqora kale avo, tu animeta pui me epeilou.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

2 Jone 1:8

So sole meta balauvomo! So inio meta pui meqai suatou koa reketekete ko eṉe lula ṉe melai bazuekema me eṉeko iruruputo kale, melai meta me qovou koa kiadama.