Matiu 5:9 - BAṈARA KO VAIRU AMA LEVELEVEO

⁹ “Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

Matiu 5:9 교차 참조

Matiu 5:45

Koa kalo ikio ko kasa puemelou ta meta mevo aukale ala Mama ko meqora poso mela, ako vo Baṉara ta omadeu taloekiko omai eva voko ṉaniu ko zakaremu se uri amu ni se ruqe ama maba poso, ni vota omadeu katimo o eva ko nioro ko mauruto se sidopu ke erekani ni se ruqe ke erekani.

Matiu 5:48

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

Luke 20:36

Seta omadeuvo se mateana madu jari inio keta elou ni seta pui kepa roveovou vou. Seta vo Baṉara ko meqora poso inio, ako seta mata keta saevou voukale azo.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Iruruputo 7:26

Ni koko raneo kale inio omuqa maba Izirelia nioqa ta qopeta pazokiniako ni vota o madoekake bule ereko nioqa kasi sole eri kiolake, ‘Qeva, tala viqoko aṉa, qeta omadeu Izirelia qela inio melai qeta eri ama pazokinio qe ereka?’ kiolake.

Romu 12:18

Meta matu madoekomo tu meta bule kale me elou kiadamu kasi.

Romu 8:14

Seke odiziani vo Baṉara ko Auvana kale se inio vo Baṉara ko meqora poso.

Romu 8:16

O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

1 Koriniti 6:6

So inio lotu maba ta o boriva vovo lotu tamania kale ala titizikinio kale tu se pui ke tuvevo putani inio ke ereko ko titizato!

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

2 Koriniti 5:20

So inio eṉeta vo Karisito o soroeṉeleni ṉela, eṉe ṉevai bazutani ṉela vo, omadeuvo eṉeko bauta kale inio obe pasepasemela vo Baṉara eṉe kale kude. So sole eṉeta ṉe mela titia me vo Karisito ko ṉikale, tu meta vo Baṉara ko baerebaere poso emo voko kanaekivo kale azo!

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Pilipai 4:2

Ni qea omuqa rekoreko qela Iodia ni Sinitikei qela melai a qelai zaria tu qeta qe odouvikiniou ako qeta qe zoriva sole animevo Lekasa Jisu.

Kolosi 3:13

Meta tauvekiniomo, ni odouvikiniomo me ṉavio kude so keru kala me azo o ketuketuevou keru kala edolola. Meta odouvikiniomo me ṉavio kude omadeuvo vo Lekasa Jisu ta lula o melati odouvikinie me jari.

Hiburu 12:14

Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.