Matiu 5:46 - BAṈARA KO VAIRU AMA LEVELEVEO

⁴⁶ So sole meta me roquemou pala seke roquemelani me, ta pui ko male tu vo Baṉara ta reketekete saṉa o imelo me, ako se ruqe amu se takisi ke koani melai keta rovea ereko sole so jari.

Matiu 5:46 교차 참조

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Matiu 18:17

Melai voa maba ta obeta pikipikinio putou ni pui o didiekou se kikelani ta so keru inio ṉoqai bazutou lotu maba poso kasi, ni sai melai pui o zoripatou so keru inio vota omadeuvo kala ruqe ala ni kutumana kale ala jari o elou ṉoko kerukeru kale.

Matiu 5:47

Ni meta me mati baeremuilou meko baerebaere poso ke kiada kimevou, melai kota pulia quli jari, ako se kutumana kamu melai keta rovea ereko sole so jari.

Matiu 6:1

Nio vo Jisu ta obeta olake bazubazuto ni eri kiolake sekasi, “Meta balauvomo tu pui me erekou meko uri ama iruruputo ubutiania tu maba poso ta ke mela lelo me. Ako meta me erekou ko quli ubutiania ta meta pui meba ṉeamukou ko reketekete mevo aukale ala Mama kasi azo sole.

Maka 2:15

Ni koko tova inio Jisu ta ota vuatake Livai ko pade kasi. Melai matu kubo takisi ko maba poso, ni matu kubo madu se Jiu ama lotu tanatanamu ruqe amu ma kikelani ta ke luluevake vo Jisu, so sole kake sekale amu ni o disaipeli madu ta ke zomanake vuato Jisu sase.

Maka 2:16

Ni kake vo Mosese ko Bazu kekai nianiiekatani, Parese madu ta ke veake vo Jisu ko mati vuato se Jiu ama lotu tanatanamu se ruqe amu ma kikelani, ni se takisi ke koani, ni eri kikelake, “Noi sole inio nea maba ta ota vuata nia maba poso se takisi ke koani ni se ruqe amu sate?” kikelake.

Luke 15:1

Omadeu taku so keru kubo maba madu se takisi ke koani ni mata kake ruqe ama maba madu ke kuevi keru Jisu kasi tu didievole vo kikelake,

Luke 18:13

Melai vo takisi o koani maba ta o lojoake sasa vaṉa buti ni ota paṉaoke tadatiko voko loilo aukasi, melai vota o pazokake voko dumidumi voko duki kai elo kale voko sarueko poso ni eri kiolake, ‘Baṉara, ṉota akoela aṉa, aṉata ruqea lala sole!’ kiolake.”

Luke 19:2

Sai ta inevoana kala matula maba vo takisi o koani, o ṉi ta Zakiasi, ni vota kala batiro ala maba.

Luke 19:7

Nio kiadama maba poso ke keve keru koa kalo, seta ke taniekake ṉuruṉuruo, ni eri kikelake, “Nea maba ta ota ola ni ota eva vo ruqe ala maba ko pade kale!” kikelake.

Luke 3:12

Ni kake se takisi ke koani ta ke kuevake tu ke bapitaiso puilo kikelake, nio seta ke kuimaevake vo ni eri kikelake, “Tanala, loma ikio ṉe erekou eṉe, tu kasa ṉe ikou eṉeko lilizio eṉeko sarueko kale azo?” kikelake.

Luke 5:29

Nio Livai ta o erekake ka pado matuma sailao Jisu kaqe o ṉavi Livai ko pade kasi, ni matu kubo madu se takisi ke koani ni mata matu kubo maba poso ta ke zomanake sai se sate tevolo kasi.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Luke 7:29

Ni kiadama maba poso ni takisi ke koani ta keta va viqake vo, se lula ke zorikeni vo Baṉara ko sidopu kikolani, ni se lula bapitaiso keta eveni Jone ko bapitaiso kale.

Luke 7:34

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio meta eri la kimela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kimela.