Matiu 5:44 - BAṈARA KO VAIRU AMA LEVELEVEO

⁴⁴ Melai aṉata a bazuemela me, meta me roquevou mevo kana ni me mati vararaitou seke naquemelani me.

Matiu 5:44 교차 참조

Luke 23:34

Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.

Jone 13:34

Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli.

Iruruputo 16:28

Melai Paula ta o velavelaoke matuma kora kale ni eri kiolake, “Ṉota pui niumailo ṉo ṉavi! Eṉea kiada ṉela ta ṉebeta eva muli koi sole!” kiolake.

Iruruputo 7:60

Nio vota o iqeiqeake ni matuma kora sama pesio o erekake ni eri kiolake, “Lekasa! Ṉota pui tama kerukerueko komia sarueko tu ṉota ṉomai besiekou ko!” Vota so kiolake ni ota vouvake.

Romu 12:14

Pasevomo vo Baṉara tu vota mauru o imo seke niumaemelani me, pasevomo vo tu mauru o imo se, ni pui mati levezo.

1 Tesalonaika 5:15

Balauvomo tu meta pui me besiekou ko ruqe ruqe kale, melai meta madoekomo tu erekomo ko uri kiada keru me ṉavio kude ni so jari kiadama maba poso kasi.

1 Pita 2:23

Ni se maba poso ta ke ruqe kasevake vo melai vota pui oma besiekake tu mata o ruqe kasemou se; ni so keru maba poso ke tolaeve keru vota pui opa ma korakorai, melai vota ovai kerui vo Baṉara, vo inio vo sidopu ala titizato ko maba.

1 Pita 3:9

Ni kala ta o saruekou mekasi, ta meta pui me besiekou ko sarueko vokasi, ni kala ta o ruqe kasemelou me, melai meta pui mevai besiekou tu me ruqe kasevou vo. Melai meta uri ama pesio kale me mati pesiovou soama maba poso, ako me inio me nokaivani mela sole tu koa kalo kale me qovou vo Baṉara ko mauruto.