Matiu 5:37 - BAṈARA KO VAIRU AMA LEVELEVEO

³⁷ ‘Uri’ kimevou ti ‘Uri’ pala kiomo, ‘Pui’ kimevou ti ‘Pui’ pala kiomo, melai meta pui me qasekou mata kama quli, ako kama quli maulu meqai pikou, ta kota vo Setani kasi azo ko kuevako ikio sole.”

Matiu 5:37 교차 참조

Matiu 13:19

Koa sisu koko piako keve tona ta ko mamola puema sea maba poso seke viqani ko bazu vo Baṉara ko lekasa puo ko, melai pui ke paqumukani. Nio vo Setani ta o kueva ni ota ma ṉamuka koa bazu koko piako seko bulo kale.

Matiu 13:38

Ni ko kiaro ta ko mamola pueka komia peuru ma peuru, ni ko uri ama rui ta sea maba poso vo Baṉara ko lekasa puo kale amu, ni ko rabu ta ko mamola puema se maba poso seke luluekani vo Setani ko vatolo.

Matiu 15:19

Ako vo maba ko bulo kale azo inio ko saqora voko ruqe ama vatolo tu vota o vouvato ni o zavemato ni o pauvezato ni o kuilo, ni o lipalipato, ni o sekeseketato sole.

Matiu 5:36

Ni meta pui maulu kai piko meko lezu, ako meta pui meba roveovou vozo ni sibi iko meko tou poso sole. Ako vo Baṉara o kiada inio o podetikani meko saevo sole.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Jone 17:15

Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Epesasi 4:25

So sole meta pui me lipalipatou, melai me qasekou ko tuveano mevo lolo vo o tuvevo putani kasi ako animea kiada mela ta omadeu tupu kalea mela sole vo Karisito kale.

Epesasi 6:16

Ni so jari kai iruruputomo meko vai oqu vo Karisito tu meko bako kaqe, ako kokale inio me jililikou kiadama vo Setani ko uza sama teqe sole.

Kolosi 3:9

Meta pui lipalipaekinio me ṉavio kude, ako meta lula me vaeka meko lulama saevo ni kalo sole,

Kolosi 4:6

Meko pesio poso ta bule ama ni korokoroti ama ko elo, ni meta paqumukomo katimo se maba madu meko korotoma opato.

2 Tesalonaika 3:3

Melai animevo Lekasa Jisu ta me roveani vai keru sole vo inio o pizatimelou me ni o pakiemelou me vo Setani, voa Ruqe ala kasi azo.

Jemisi 5:12

Matuma quli a melai bazuekou ta komi kio, a lolo poso mela, meta pui me erekou ko kejo so keru meme qasekou keru meko tuveano. Pui kejo kai ereko ko au ni miduku ni mata kama lomaloma. Melai meta “Zio” pala kiomo ni “Pui” pala kiomo meko tuveano kaseko kale, ako meta tuveano ko maba poso mela sole. So inio meta pui me qovou vo Baṉara ko titizato.

1 Jone 2:13

Ni aṉata a mela rikita me mama ni niania kamela, ako me inio mevai nianiiani mela sole vo o eveni koko tanitanila kale sole. Ni aṉata a mela rikita me vairu ama maba poso mela, ako me inio koqo me iveni mela sole vo Setani.

1 Jone 3:12

Melai animeta pui Keini jari me qalou, vota Setani vo meqora ni o vouvaeve vovo visi. O ṉavi Keini ta o erekake ruqe ama kalo, ni vovo visi Ebolo ta o erekake uri ama kalo, ni Sokale avo inio vo Keini ta o vouvaevake vovo visi.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.