Matiu 5:29 - BAṈARA KO VAIRU AMA LEVELEVEO

^29-30 Ni kama quli ṉoko saevo kale ama ta sarueko saṉa ko iṉou ṉo, ta ṉota ṉo ṉamukou ko. Kota tapata tu ṉamuko ko, melai uri tu ṉamuka, ako matu tapata kio tu ṉoko pado ama saevo ta ko ṉamuilou heli kale sole. Omadeuvo ṉota ṉo ṉamuka jari ṉoko palo rana vilu, ko ruqe ama zario saṉa ko iṉako ṉo, ma ṉota ṉo ṉamuka jari ṉoko palo rana ṉase ko ruqe ama kalo saṉa ko iṉako ṉo. Ako pui uri tu kiadama ṉoko saevo ta ko ṉamuilou heli kale omadeu pado ṉoko ruqe ama kalo ko saruilo kale.”

Matiu 5:29 교차 참조

Matiu 10:28

Meta pui meda ma ṉalou seke vouvaeko amu meko tupu, ako seta pui kepa roveovou vouvaeko sole meko auvana. Melai meta meda va ṉalou vo Baṉara vo o bokaovani vouvaeko koa omuqa quli, tupu ni auvana heli kale.

Matiu 11:6

Ni qeta qe bazuevou vo Jone, voa maba vo pui niuniala olai evani aṉa ta maurumauru ala!” kiolake.

Matiu 16:26

Noi nio? Kala maba o ṉeamukani komia pado ama peuru ma peuru kale ama batiro melai okai suatani ko noqola kama saevo ta obe tauveziovo ala inio komia peuru ma peuru ama quli kale kio? Maba pui! Pulia quli ta opa katikou tu o kovo ko noqola kama saevo.

Matiu 17:27

So jari nio aniqeta Baṉara ko ṉisa peuru kalea qela sole pui qe male tu tabariko voko Jelepade ko takisi. Melai uri tu aniqeta qe tabarikou, pui uri tu qe korakoraemo sole se. Tu ṉota ola koa toupa kale ni ṉo risaekou ṉoko tali ni vo kuleto ṉo vovo ala niuniu ta ṉoda va akarikou voko suto ni ṉo qovou ko takula ko maleziko ama aniqeko tabariko ko Jelepade ko takisi,” kiolake vo Jisu.

Matiu 19:12

Ako matu kubo kalo kale inio vo maba ta pui o rorotani, kake ta soa alilo keta eve, kake ta maba ikio soa eremo ke eva, melai kake ta pui ke rorota vo Baṉara ko lekasa puo ka nabulupute kale avo sole. So sole me roveovoa mela lulueko komia nianiiekato ta luluekomo!” kiolake vo Jisu.

Matiu 23:15

“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela! Me meqai lipalipaitani mela ko sidopu! Ako meta me ola kiadakoi, me dalia ivere kale ni siqo kale tu omadeu pado maba melai me lilivo, kimela, tu vo melai o luluekou meko nianiiekato, ni so keru me bokaova keru lilimo se maba poso, meta heli ko maba inio me ima se, me ṉavi jari, ni seko ruqe ta kobe kai paloasa me ṉaviko ruqe.

Matiu 23:33

Meta dole jaria ruqea mela ni dole ko meqora poso mela! Meta maba pui meba taka lapasou vo Baṉara ko koqotato ko lula o mela vaekema heli kale.

Matiu 5:22

Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Maka 8:36

Noi nio? Kala maba o ṉeamukani komia peuru ma peuru kale ama batiro melai okai suatani ko noqola kama saevo ta obe tauveziovo ala inio komia peuru ma peuru ama quli kale, kio? Maba pui!

Luke 12:5

Melai aṉata a mela kasevou ta vo Baṉara inio meda va ṉalo ala, vo o roveani vouvaemelo me ni koko tova pizato sala tu o risaemelo me heli ko uza kale. Meta tuvevo ilomo aṉa, vo inio vo vo me meda va ṉalo ala!

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

1 Koriniti 9:27

Pui soa lala, melai aṉata a qaitizia a ṉavi tu pui a ereko koa ruqe aṉa aqa zariako ereko. Ako pui uri tu a ṉavi ta pui a qovo koa tabara Baṉara kasi azo ama aṉako bazubazuemo se edolomu ko tova sole.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.