Matiu 5:22 - BAṈARA KO VAIRU AMA LEVELEVEO

²² Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Matiu 5:22 교차 참조

Matiu 10:17

So inio meta me balauvou, ako kake maba poso ta ke melati ziovou sole me titizikinio kale, ni ke pazomelou seko ilusato ko pade kale.

Matiu 10:28

Meta pui meda ma ṉalou seke vouvaeko amu meko tupu, ako seta pui kepa roveovou vouvaeko sole meko auvana. Melai meta meda va ṉalou vo Baṉara vo o bokaovani vouvaeko koa omuqa quli, tupu ni auvana heli kale.

Matiu 12:24

Ni so keru se Parese madu keta ma viqa keru se maba madu seko pesio, seta eri kikelake, “Vota o rerika ko ziolo ako vo Setani, se ziolo poso vo lekasa inio o kativa vo ko pizato sole,” kikelake.

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Matiu 18:21

Nio vo Pita ta o olake Jisu kasi ni o kuimaevake vo ni eri kiolake, “Lekasa, aṉavo lolo ta pui o epezou ruqe ereko aṉa kasi, ta latau taku inio aṉata a vati odouvikiniou vo? Sikeura taku kio?”

Matiu 18:35

“Omadeuvo so jaria koqotaemelo inio o elou aṉavo aukale ala Mama so keru me pui me mati odouvikiniou keru meko lolo poso meko pado ama bulo kale,” kiolake vo Jisu, nio o paikake voko bazubazuto.

Matiu 23:15

“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela! Me meqai lipalipaitani mela ko sidopu! Ako meta me ola kiadakoi, me dalia ivere kale ni siqo kale tu omadeu pado maba melai me lilivo, kimela, tu vo melai o luluekou meko nianiiekato, ni so keru me bokaova keru lilimo se maba poso, meta heli ko maba inio me ima se, me ṉavi jari, ni seko ruqe ta kobe kai paloasa me ṉaviko ruqe.

Matiu 23:33

Meta dole jaria ruqea mela ni dole ko meqora poso mela! Meta maba pui meba taka lapasou vo Baṉara ko koqotato ko lula o mela vaekema heli kale.

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Matiu 26:59

Nio se raura kama siama madu ni se Jiu amu ko tanatanamu ta ke madoekake tu kevai kuiriko vo Jisu lipalipa kama kuiripato, tu ke vouvaevo vo.

Matiu 3:17

Ni vota o viqake ko kora aukale azo ama ko eri kikovema, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikovema.

Matiu 5:34

Melai aṉata a bazuemela me, so keru me leveleveo me erekou keru meta pui maulu me bikou. Meta pui maulu kai piko ko au, ako ko au ta vo Baṉara ko papupapu sole.

Matiu 5:44

Melai aṉata a bazuemela me, meta me roquevou mevo kana ni me mati vararaitou seke naquemelani me.

Maka 14:55

Ni se raura kama siama madu ni se Jiu amu ko lotu tanatanamu ta ke madoekake tu kevai kuiriko kama kuiripato vo Jisu tu ke vouvaevo vo, melai seta pulia quli keta va keake.

Maka 15:1

Omadeu vikale inio se raura kama siama madu ni se lotu tanatanamu, ni vo Mosese ko Bazu kekai nianiiekatani, ni sea kiadama matuma maba poso ta ke padoivake tu ke vatoeko Jisu ke ivo avo. Nio seta keta va piriekake voko ṉase, ni ke vati olake ni kepa vaevake Romu ala Qavuna Paelati ko pade kasi.

Luke 12:5

Melai aṉata a mela kasevou ta vo Baṉara inio meda va ṉalo ala, vo o roveani vouvaemelo me ni koko tova pizato sala tu o risaemelo me heli ko uza kale. Meta tuvevo ilomo aṉa, vo inio vo vo me meda va ṉalo ala!

Luke 22:66

Ni ko raneake nio se Jiu amu ko tanatanamu ni raura kama siama madu ni se Mosese ko Bazu kekai nianiiekatani ta ke padoivake, ni ke vati olake vo Jisu koa padopadoilo kasi.

Jone 11:47

So sole se Parese madu ni se raura kama siama poso ta ke padoivake se Jiu ama lotu tanatanamu ko Kauniseli madu sase seko padoilo kale nio eri kikelake, “Loma ikio animeta me erekou? Keatini nea maba ta o ereka kiadama aqasiele ama iruruputo sole!

Jone 15:25

Komi ta kota ereiva tu ko quli Mosese o katimema Bazu kale ko rikiziovima quli ta tuvevo ko elo, ko eri kikolako, ‘Seta kelai kideipa aṉa pulia quli ko kio kale avo,’ kikolako.

Jone 7:20

Nio koa padopadoilo maba poso ta ke vati tiorikake vo, “Ṉota ziolo salaṉa inio so kiṉolani! Puliala inio ṉo o vouvaeṉo kiolani!” kikelake.

Jone 8:48

Nio se Jiu ama tanatanamu ta eri va kikelake vo Jisu, “Eṉe kiṉelani ta tuvevo ikio, ṉota utube ala Sameriala maba ṉa ni oṉai onobatani ṉa kala ziolo!” kikelake.

Iruruputo 17:18

Ni kake nianiioma pesio sama maba poso Ipikiuriani ni Sitoiki nianiiekato ko poqala kale amu melai kekai zomanake vati aivekinio vo. Nio kake ta eri kikelake, “Nonia kirikirimato inio o evani nea maba?” Ni mata kake ta ke opatake ni eri kikelake, “Vota okai bazubazuta jari avo kama edoloma baṉara poso.” Seta so kikelake ako Paula ta okai bazubazutake vo Jisu ko mata saevo voukale azo sole.

Iruruputo 22:30

Ni vo solodia madu vo kuleto ala ta oka zariake taka vailiko koko tuveano se Jiu amu kuiripato saṉa kevai ikako vo Paula, so sole koko raneo kale vota o rupasivake vo Paula ni o bazuemake se raura kama siama madu ni Jiu amu ko Kauniseli madu tu seta ke padoilo. Ni vota o vati olake vo Paula ni o lojoevake seko kuleto.

Iruruputo 23:1

Nio Paula ta o toiritoirimake se Kauniseli madu ni eri ma kiolake, “A lolo poso mela, aṉako kerukeru ta maba pui kopa titizile aṉa aṉako va nabuluputo kale vo Baṉara ti kobeta baroa komia ṉaniu kale,” kiolake.

Iruruputo 24:20

Melai pui so tea, nita ke kasekou inio aṉa a erekako ruqe ni sarueko keta la kevema so keru aṉa a loje keru se Kauniseli madu ko tanama kale—

Iruruputo 4:15

So sole se Jiu ama tanatanamu ta ke bazuekake nioqa tu qo vaeko koa Kauniseli ko lose, nio sea tanatanamu ta keta pesipesitake sai.

Iruruputo 5:21

Nio se apositolo madu ta ke zoripatake, nio omadeu lekito inio seta ke amaqeake Jelepade ko taqo kale ni ke taniekake nianiiekato. Ni vo Ṉisa Siama ni voko baerebaere poso ta ke padoemake kiadama Jiu ama lotu tanatanamu matuma padoilo Kauniseli ko kale, ni seta ke soroekake ko bazu pirito pade kasi tu ke mati zio se apositolo madu seko kuleto kikelake.

Iruruputo 5:27

Nio seta ke mati amaqeake se apositolo madu ni ke lojoemake Kauniseli madu ko kuleto, nio vo Ṉisa Siama ta o kaqarimake se ni eri kiolake,

Iruruputo 6:12

Koa kalo kale inio seta ke korakoraemake se maba poso, se lotu lekasa poso ni Mosese ko Bazu kekai nianiiekatani. So sole seta ke olake ni ke saputivake vo Sitiveni ni ke vati olake Kauniseli ko kuleto.

Iruruputo 6:15

Nio sea kiadamu seke papuani koa pesipesito kale ta ke toiritoirivake vo Sitiveni ni keta va keake voko loilo ta mateana ko loilo jaria simanamanato kota va evake.

Iruruputo 7:37

Ni Mosese inio vo eri kioveni sea Izireli ama maba poso kasi, ‘Baṉara ta o melai soroevou me kala pado Poropita, omadeuvo vota o soroela aṉa jari, ni vota kala pado me ṉaviko qoqono kale ala,’ kioveni.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

1 Koriniti 6:10

ni pui seke kuilani, ni pui se viluloqu ke evani ni pui se piza kama ju doilili kekai evani, ni pui se kemai tirazani edolomu, ni pui se kuilokuilo amu ta kepa roveovou amaqeo vo Baṉara ko lekasa puo kale.

1 Koriniti 6:6

So inio lotu maba ta o boriva vovo lotu tamania kale ala titizikinio kale tu se pui ke tuvevo putani inio ke ereko ko titizato!

1 Tesalonaika 4:6

Puliala maba ta otao o ivo vovo lotu kale ala lolo voko reko tava kamako kale. Eṉeta lula ṉe melai bazueka me komi, ni ṉe matu balauvimele me, ako vo Baṉara ta o koqotaemou nio sole seke ereko amu soama quli.

Taitasi 3:2

Bazuema tu seta pui ruqe kasemo ke elo maba poso, melai bule ke elou ni ke baerebaereovou, kiada keru seta ke puratikou ko akoekato sama kalo kiadama maba poso kasi.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Jemisi 2:20

Ṉoa sarubea laṉa! Ṉota ṉoqai zaria tu aṉata kasa a iko koa oqu iruruputo pide ama ta vouma, kio? Ta eri nio.

Jemisi 3:6

Lenio ta omadeuvo kama pado uza jari. Kota kama pado quli kubo quli ko saruekako, kota ko ereka ko ruqe animeko tupu poso kale ni ko zaroeka ko ruqe animeko pado ama saevo kale. Omadeuvo ko uza ta ko bainaeka mata kama pado uza, so jari nio vo Setani, heli ko lekasa, ko iruruputo kale inio vo maba ta o kaseka ko ruqe voko lenio kale.

1 Pita 2:23

Ni se maba poso ta ke ruqe kasevake vo melai vota pui oma besiekake tu mata o ruqe kasemou se; ni so keru maba poso ke tolaeve keru vota pui opa ma korakorai, melai vota ovai kerui vo Baṉara, vo inio vo sidopu ala titizato ko maba.

1 Pita 3:9

Ni kala ta o saruekou mekasi, ta meta pui me besiekou ko sarueko vokasi, ni kala ta o ruqe kasemelou me, melai meta pui mevai besiekou tu me ruqe kasevou vo. Melai meta uri ama pesio kale me mati pesiovou soama maba poso, ako me inio me nokaivani mela sole tu koa kalo kale me qovou vo Baṉara ko mauruto.

1 Jone 2:9

Ni kala maba ta eri kiovou, “Aṉata zakaremu kale a evani lala” kiovou, melai ovai kaikuapou vovo lolo, ta obeta eva inio kutumana kale.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.

1 Jone 5:16

Esa kala ta o velou vovo lolo Karisito kale ala o saruekou, melai koa sarueko ta pui kopa odievo ama ikio noqola kama voukale, ta voa maba ta o vati vararaitou vovo lolo vo o saruekani, ta Baṉara ta o kativou ko saevo voa maba. Aṉata amai pesipesita se maba poso seko sarueko pui kopa odiemo amu noqola kama voukale. Ikoana ko sarueko koko odiemako noqola kama voukale ni vo o erekani ko ta pui me vati vararaitou.

Jiudi 1:9

Vo mateana madu vo kuleto ala Maekolo o ṉi sala ta pui opa ereke soama quli. Ako so keru vo ni Setani qokai zolizoliekinie keru vo Mosese ko tupu, vo Maekolo ta pui o madoekake tu ruqe kasevo ni kuiripato saṉa ivo vo Setani, melai eri nio kiolake, “Vo Baṉara ta o dokoliṉou ṉo!” kiolake.

Kelokelozato 20:14

Ni Vou ni Heli ta ke risaekake koa nai sama uza ko urusana ko tiania. (Komia uza ta omuqama vou ko uza ikio.)