Matiu 5:20 - BAṈARA KO VAIRU AMA LEVELEVEO

²⁰ Sole aṉata a bazuemela me, meta erekomo ko quli vo Baṉara oka zariako quli tu kai paloasomo se vo Mosese ko Bazu ko nianiiekato ko maba poso ni se Parese madu ke erekako kalo. Ako pui so tea, meta pui meba malezikou tu kai amaqeo vo Baṉara ko lekasa puo,” ma kiolake.

Matiu 5:20 교차 참조

Matiu 16:12

Sai nio se disaipeli madu ta kekai nianiiake ta pui o mati balauvika ko isiti bereti kekai erekako melai vota o balauvima se Parese madu ni Sadiusi madu ko nianiiekato kasi azo, ako seko ruqe ama nianiiekato ta komai zaroa se maba madu omadeuvo ko isiti ta kokai zaroa jari pado ama palava.

Matiu 18:5

Ni vo o baroekivani kala nea silo ala meqora jari ala voko luluelo aṉa ko kio kale ta o baroekila inio aṉa,” kiolake vo Jisu.

Matiu 3:10

Vo Baṉara ta omadeuvo kala maba jari, vo lula o inainaovani tu o rakirakiekou ko ore poso. Kiadama ore poso ko pui uri ama epa sama vota o roekou ni o risaekou uza kale. Omadeuvo so jari nio o imou vo Baṉara se maba poso pui sidopu ke erekani.

Matiu 7:21

“Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Maka 10:15

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto.”

Maka 10:25

Koko tapata tu vo batiro ala maba ta o amaqeo Baṉara ko lekasa puo kale ta kokai paloasa koko tapata tu kala kameli ta o amaqeo nila ko purapura kale.”

Luke 11:44

Matu ruqe ama quli kio ko melai barolou me! Meta omadeuvo ko moimamoimari ama niami jaria mela, ko maba madu pui kai nianiio kale kekai lojoako seke talia keru. Ako maba poso ta pui kekai nianiia ko sapeoma quli niami kale ama, ni so jari pui kekai nianiia ko ruqe ama quli meko bulo kale ama sole!”

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Luke 18:17

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto,” kiolake.

2 Koriniti 3:9

Koa lulama leveleveo ta ko kati kuevi ko kuiripato melai kota ṉaṉaidara sama, so sole ko vairu ama leveleveo Baṉara ko sidopu puto sama ko ṉaṉaidara ta kota ikiria!

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Pilipai 3:9

tu aṉata vovo lala. Nio erisaṉa vo Baṉara ta sidopu o ila aṉa, pui aṉako lulueko kale Mosese ko Bazu, melai aṉako vai oqu kale vo Karisito.

Hiburu 12:14

Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.

Kelokelozato 21:27

Melai puliama kuna kama quli ta kopa amaqeovou koa matu peuru kale, ni puliala vo o erekani ko qurato sama quli ni vo o lipalipatani. Se lula kota ma rikiziovini seko ṉi poso vo Sipi Meqora ko noqola kama saevo samu ko ṉi ko buka topi ko kiada inio ke amaqeovou koa matu peuru kale.