Matiu 5:18 - BAṈARA KO VAIRU AMA LEVELEVEO

¹⁸ Tuvevo avole aṉata a bazuemela me, puliama kama supi vo Mosese ko Bazu kale ama quli ta kopa besiziovou, ti kobeta barolou miduku ni au ko paitopaito ni kiadama quli ko ruvuro.

Matiu 5:18 교차 참조

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Matiu 10:23

Ni seke melai kaikuapou keru me matu peuru kale, meta me joqoilou mata kala zavaṉa kale. Tuvevo avole aṉata a bazuemela me, puliako okotiko meko iruruputo kiadama Izireli matu peuru poso kale inio aṉa maba a eveni lala ta ada vaitou.

Matiu 10:42

Meta uria kai nianiimo komi quli, vo o kativo ala kama kapa saroro ju pala kala zara kala, ako vota aṉavo lulupato ko maba sole, ta vo Baṉara inio reketekete saṉa o ivou voa maba,” kiolake vo Jisu.

Matiu 11:11

Ni Jisu ta obeta olake pesio ni eri kiolake, “Aṉata a bazuemela me, vo Jone ta raura kala kiadama maba poso ke alilani peuru ma peuru kale, melai vo matu zara kala maba Baṉara ko lekasa puo kale ala ta ovai paloasa vo,” kiolake.

Matiu 13:17

Melai tuvevo avole aṉata a bazuemela me, ko quli kubo poropita madu ni se Baṉara ko maba madu kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 17:20

Nio Jisu ta eri ma kiolake se, “Meko oqu ta matu silo inio pui me rovea. Melai tuvevo ama quli aṉata a melai bazuekou, meko oqu ko matu ta pui kokai paloasou koa matu mina kama masitadi ore ko rui, melai meta meda roveovou eri kio koa sopu kasi, ‘Vatute ni papi edolokoi!’ kimevou ni kota so kota kalou. So sole pulia quli ta tapata kopa elou mekasi.”

Matiu 18:18

“Aṉata mata a bazuemela me, ko quli meme qaitiko ama quli miduku kale ta Baṉara ta o melati tiorikou ni o melati vinaekou aukale. Ni ko quli meme zarieko ama quli miduku kale ta mata Baṉara ta o melati tiorikou ni o melati vinaekou aukale.

Matiu 18:3

ni eri kiolake, “Meta kerukeruekomo komi! Meta pui me besiekou meko saevo tu meqora poso jari me elou ta pui meba amaqeovou vo Baṉara ko lekasa puo kale.

Matiu 19:23

Nio Jisu ta eri kiolake voko disaipeli madu kasi, “Aṉata a bazuemela me, matu tapata tu se batiro ama maba poso ta kekai amaqeo vo Baṉara ko lekasa puo.

Matiu 19:28

Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.

Matiu 21:21

Nio vo Jisu ta o mati tiorikake ni eri kiolake, “Aṉata a bazuemela me, meta tuvevo putomo ni pui niuniala elo nio meta me roveovou ereko aṉa a erekako iruruputo jari ama nea piqi ore kasi. Ni pui koko kiada melai meta eri kimevou koa sopu kasi, ‘Zolai ni piave ivere kale!’ ni kota so ko kalou.

Matiu 21:31

Sole lala pado nioqa tamania inio o zorikake nioqavo mama ko zario?” kiolake. Ni seta ke vati tiorikake ni eri kikelake, “Vo kaka kala meqora, vo o keveni iruruputole,” kikelake. Nio Jisu ta eri ma kiolake se, “Tuvevo. Sole tuvevo avole aṉata eri kiala mekasi, so inio se takisi ke koani ni seke sasave putani ta ke mela paloasa me seko amaqeo kale Baṉara ko lekasa puo kale.

Matiu 23:36

Tuvevo avole aṉata a bazuemela me, mea erisaṉama maba poso mela inio meda ka kovou koko tokaka, se lulavo ke vouvaemeni ko,” kiolake vo Jisu.

Matiu 24:2

Nio Jisu ta eri kiolake sekasi, “Meta mebe kea koa Jelepade kio? Melai aṉata a bazuemela me, puliama ka pado otu ko lado ta kopa loilou ko ṉaviko zaekale, melai koa kiadama ti kana madu inio ke biresukou,” kiolake.

Matiu 24:47

Aṉata a bazuemela me, voa lekasa ta raura o ivou nea nabulu tu vo inio o kati vailou kiadama voko lomaloma.

Matiu 25:12

Melai nea obe vairua rorotani maba ta o mati tiorikake ni eri kiolake, ‘Tuvevo avole aṉata eri kiala mekasi, aṉata pui a melai nianiia me, tu olamo,’ kiolake.

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Matiu 25:45

Nio aṉa voa Lekasa lala ta a mati tiorikou ni eri kiavou sekasi, ‘So keru me meda va lupaovi keru tauvevo kala olaquala maba, meta meda la lupaovi inio tauvelo aṉa,’ kiavou.

Matiu 5:26

Ni aṉata a bazueṉa ṉo, ṉota ṉo elou sai ni pui ṉoba saqorou ti kobeta barolou koa taku ṉoṉo okotikou keru tabariko ṉoko ronu,” kiolake.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:2

“So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 8:10

Ni so keru Jisu o viqa keru ko quli, vota aqasiele ota evake ni vota oma lilitake sea maba poso seke luluevani vo ni eri ma kiolake se, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu!

Maka 10:15

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto.”

Maka 10:29

Nio Jisu ta eri kiolake sekasi, “Aṉata a bazuemela me, ni kala ta o vaekou voko pade ni voko tamania poso ni vovo mama ni voko niania ni voko meqora poso ni voko miduku tu o luluelo aṉa, ni aṉako Uri ama Bazu ko lulueko kale avo,

Maka 11:23

Aṉata a bazuemela me, kala ta eri kiovou komia sopu kasi, ‘Zolai ni piave ivere kale!’ kiovou, ni vota pui niuniala opa elou voko bulo kale, melai o tuvevo puekou vo o kasekako quli ta kota ereilou, so inio Baṉara ta ova erekou voa maba.

Maka 12:43

Ni so keru inio Jisu ta o nokaemake voko disaipeli madu ni eri kiolake sekasi, “Aṉata a bazuemela me, komia ozaoza kama naboko ko vaekake ta kobe kai paloasa sea kiadamu seke pikazatani ke vaekako.

Maka 13:30

Ni aṉata mata a bazuemela me, komia kiadama quli ta ko ereilou puliako erisaṉama maba madu vou.

Maka 14:18

Nio so keru se kebeta vuata keru nio Jisu ta eri kiolake, “Aṉata a bazuemela me, kala me azo ta o saiqorilou aṉa vo obeta vuatani aṉa sase,” kiolake.

Maka 14:25

Ni aṉata eri kiala mekasi, aṉata pui mata aba nozuekou komia vaini ko ju ti kobeta barolou koa ṉaniu so keru aṉa mata a nozuekou keru ko vairu ama vaini ko ju Baṉara ko lekasa puo kale,” kiolake vo Jisu.

Maka 14:30

Ni Jisu ta eri va kiolake, “Pita, puliako kokorako zialo omuqama taku oduadu ipu kale, nio ṉota eri la kiṉovou zouke taku, ‘Aṉata pui avai nianiia vo,’ kiṉovou,” kiolake.

Maka 14:9

Ni aṉata a bazuemela me, lai ma lai komia Uri ama Bazu Baṉara ko lekasa puo ko ko pikairiovoa koi komia peuru ma peuru kale, ta kekai bazubazutou komia rekoreko ko erekako uri ama iruruputo tu maba poso ta ke kerukeruekou ko,” kiolake vo Jisu.

Maka 3:28

Aṉata a bazuemela me, vo Baṉara ta ota roveovou tamela akoeko meko boutare poso, ko meme erekako, ni ko ruqeruqe ama pesio ko meme rukuekako.

Maka 6:11

Melai so keru meme barolou keru kama pado peuru kale ni maba poso ta pui ke baroekimelou ni pui ke didiemelou me, ta meta me vaekou koa peuru, ni me bapazikou meko kiti kale ama pari tu ko mamola pueko seta pui Baṉara ko madu inio,” kiolake.

Maka 8:12

Melai Jisu ta ota voniu kozatake ni eri kiolake, “Noi sole inio mea maba poso mela komia taku kalea mela ta meqai zaria kelo ko aqasiele ama iruruputo? Tuvevo avole aṉata a bazuemela me, aṉata pui aba erekou ko aqasiele ama iruruputo tu meta me qelou,” kiolake vo Jisu.

Maka 9:1

Ni vota obeta olake bazubazuto ni eri kiolake, “Kake mela me koi mebeta evani mela ta puliako vou inio meta me lelou aṉa maba a eveni lala ta a lekasa puilou komia peuru ma peuru kale,” kiolake vo Jisu.

Maka 9:41

Ni tuvevo avole aṉata a bazuemela me, ni kala ta o katimelou me omadeu kapa ju pala ako meta aṉako disaipeli mela sole, ta vo Baṉara inio reketekete saṉa o ivou voa maba,” kiolake.

Luke 11:51

vo Ebolo ko vouvaevo keru azo ti kobeta baroi Zekaraia ko vouvaevo ko taku, vo ke vouvaeveni ko sara ni Baṉara ko Tabu Zae ko tiania Jelepade ko taqo kale. Tuvevo, aṉata a bazuemela me, komia taku kale ama maba poso mela ta o koqotaemelou vo Baṉara sea kiadamu ko vouvaemo kale avo!

Luke 12:37

Ni keta zoleilou sea nabulu poso sevo tanala o kilou keru, vo o toraemou keru se toiratoirati amu kebeta tarevani vo! Aṉata a bazuemela me, vota o ivikou voko topia sabosabo, ni o bazuemou se tu ke papu, ni o niaemou se.

Luke 13:35

Sole meko peuru ta ivulu kota elou, ni Baṉara ta o vaekou meko Jelepade? Ni meta pui mata meba lelou aṉa, ti kobeta barolou koa taku so keru me eri kimevou keru, ‘Vo Baṉara ta mauru o ivou vo, vo o kuevani voko ṉikale,’ ” kiolake.

Luke 16:17

Melai pui tapata tu ko au ni miduku ta ko ruvuro, melai puliama kama supi vo Mosese ko Bazu kale ama quli ta kopa besiziovou.

Luke 18:17

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto,” kiolake.

Luke 18:29

Ni Jisu ta eri ma kiolake se, “Aṉata a bazuemela me, vo o kerukeruekani vo Baṉara ko lekasa puo ti o vaekani voko peuru, ma reko, ma visi poso, ma mama ni niania, ma meqora poso,

Luke 23:43

Nio Jisu ta eri kiolake vokasi, “Tuvevo avole aṉata a bazueṉa ṉo ta vairutu inio ṉota ṉo zomanou aṉa sase Paradaisi kale,” kiolake.

Luke 4:24

Ni Jisu ta mata eri kiolake, “Keatini, puliala poropita inio ke rovea tava paṉao o ṉaviko ṉisa peuru kale.

Jone 1:51

Nio vota eri kiolake sea kiadamu kasi, “Tuvevo avole aṉata a bazuemela me, mea kiada mela ta me qelou ko au ko veukazio, ni vo Baṉara ko mateana madu ko koilo ni saqoro aṉa maba a eveni lala tona,” kiolake.

Jone 10:1

Ni Jisu ta eri kiolake sea vaki kasi, “Tuvevo avole aṉata a bazuemela me, voa maba vo pui o amaqeani sipi ko qara ko veutu kale kude, melai vo o koitani edoloma keve kude, vota kala kuilokuilo ala ni niumaniuma kala.

Jone 10:7

Sole Jisu ta mata eri kiolake, “Aṉata a bazuemela me tuvevo avole, aṉa inio ko sipi ko veutu lala.

Jone 12:24

Tuvevo avole aṉata a bazuemela me, vuiti ko sisu pui ko papailou miduku kale ni pui ko vouvou, ta omadeu pado sisu pala kobeta elou. Melai ko vouvou ta matu kubo sisu ko erekou.

Jone 13:16

Aṉata a bazuemela me, puliala nabulu inio raura kala vovo lekasa kasi azo, ni puliala o soroivani bazu sate ta raura kala vo o soroevani kasi azo.

Jone 13:38

Nio Jisu ta o vati tiorikake, ni eri kiolake, “Ṉota ṉo uria inainaova tu ṉota ṉola vouvou aṉa, kiṉola kio? Tuvevo avole aṉata a bazueṉa ṉo, maba komia ipu kale puliako kokorako zialo ṉota ṉoda zoliovou ni eri kiṉovou zouke taku, ‘Aṉata pui avai nianiia vo,’ kiṉovou,” kiolake.

Jone 14:12

Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole.

Jone 16:20

Tuvevo avole aṉata a bazuemela me, puliako tu keu meta me zialou ni kumasa me elou, melai komia ruqe ama peuru ma peuru kale ama maba poso ta pui kepa zialou, seta keta zoleilou. Zio, meta upotuqu me elou, melai tova ta meko upotuqu ta zoleilo ko besiekou.

Jone 16:23

Ni koa ṉaniu ko barolou keru inio meta pui meba lai kuimaekou aṉa kama quli ako meta zakaremua paqumato me elou sole. “Tuvevo avole aṉata a bazuemela me, aṉavo Mama ta o katimelou me kiadama quli meme baseko ama vokasi aṉako ṉikale.

Jone 21:18

Tuvevo avole aṉata a bazueṉa ṉo, so keru ṉo vairua laṉa keru ṉota ṉo qiake ṉo ṉavi ṉoko sabosabo ni ṉota ṉo lipilipite ni ṉo qeve sai ṉo ṉoqa zariovikoi zio, melai so keru ṉoṉo qolekou keru ṉota ṉo dotozikou ṉoko ṉase ni edolola maba ta o saboeṉou ṉo ni o odieṉou ṉo ni o ṉati ziovou sai ṉo pui ṉoqa zariovoa koi zio,” kiolake.

Jone 3:11

Aṉata tuvevo avole a bazueṉa ṉo, eṉeta ṉe qaseka ko quli eṉe lula ṉeqai nianiiako, ni ṉeqai pesia ko quli eṉe lula ṉe qeako, melai meta pui tuvevo me ika eṉeko bazubazu.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

Jone 5:19

So sole vo Jisu ta o mati tiorikake se, “Tuvevo avole aṉata a bazuemela me, aṉa vo Baṉara vo Meqora lala ta pui a rovea ereko kama quli a qiada kale kude melai aṉata a ereka ko quli aṉa a qeako aṉavo Mama o erekako quli ko kiada. Ako vo Mama o erekako quli jari ama ikio aṉa vovo Meqora lala a ereka sole.

Jone 6:26

Nio Jisu ta o mati tiorikake, “Tuvevo avole aṉata a bazuemela me, meta mebe vailivailila aṉa, ako meta me qie ko kubo bereti ni meta meda atape sole, pui meko vakakuke kale koko kalo aṉako aqasiele ama iruruputo.

Jone 6:32

Nio Jisu ta eri kiolake, “Tuvevo avole aṉata a bazuemela me, vo Mosese meko taite poso o katimema bereti ta pui aukale azo ama. Melai aṉavo Mama o katimelako bereti ta aukale azo ama.

Jone 6:47

Aṉata a bazuemela me tuvevo avole, vo o tuvevo puelani ta lula noqola kama saevo sala.

Jone 6:53

Nio Jisu ta eri kiolake sekasi, “Tuvevo avole aṉata a bazuemela me: meta pui me quovou aṉa maba a eveni lala ko marabau ni pui me nozuekou aṉako dara ta meta pui meba kovou ko tuvevo ama saevo meko saevo kale.

Jone 8:34

Nio Jisu ta eri kiolake sekasi, “Tuvevo avole aṉata a bazuemela me, vo o erekani ko sarueko poso ta sarueko vo mabaku.

Jone 8:51

Tuvevo avole aṉata a bazuemela me, vo o zoriko ala aṉako bazubazu ta pui opa vouvou,” kiolake.

Jone 8:58

Nio Jisu ta eri kiolake sekasi, “Aṉata a bazuemela me tuvevo avole. Puliako Ebarahami alilo ta ‘Aṉa inio,’” kiolake.

1 Pita 1:25

melai vo Baṉara ko Bazu ta noqola ko elou kiada keru,” kikovema. Ni ko ikio koa Uri ama Bazu ko lula ko pikairiako mekasi.

Kelokelozato 20:11

Ni aṉata mata a qeake matuma lekasa ko papupapu tapotapo ama ni vo o papuani ko topi. Miduku ni au ta kota va soqoike voko tanama kale azo, ni kota parakake.