Matiu 5:17 - BAṈARA KO VAIRU AMA LEVELEVEO

¹⁷ Ni vo Jisu ta obeta olake bazubazuto, ni eri ma kiolake se, “Pui kerukerueko ta aṉata a queva tu sebiekole vo Mosese ko Bazu ni se poropita madu ko nianiiekato. Aṉata pui a queva tu epezikole ko melai aṉata a queva tu se kikevevo ta tuvevo ko elou.

Matiu 5:17 교차 참조

Matiu 3:15

Melai vo Jisu ta o vati tiorikake vo ni eri kiolake vokasi, “Komia taku kale ta vaeka tu so ko kalo tu aniqeta qe korotiko vo Baṉara oka zariani tu qe ereko,” kiolake. So sole vo Jone ta o opatikake vo Jisu ko zario.

Matiu 7:12

“Meta uri erekomo se edolomu kasi, omadeuvo me meqa zariani jari tu seta ke erekou ko uri mekasi, ako ko ikio vo Mosese ko Bazu ni se poropita madu ko nianiiekato ko omele ama kio ni kalo ko kasekako sole.

Luke 16:17

Melai pui tapata tu ko au ni miduku ta ko ruvuro, melai puliama kama supi vo Mosese ko Bazu kale ama quli ta kopa besiziovou.

Jone 8:5

Ni eṉeko Bazu kale vo Mosese o ṉelai bazuekema kale ta soama reko ta ṉe daiko ko lado kale tu ko vou. Melai ṉota noi nio kiṉola?” kikelake.

Iruruputo 18:13

Ni seta eri kikelake, “Nea maba ta omai titia se maba poso tu seta ke ilusivo vo Baṉara bazu ko bikoirikako kalo kale!” kikelake.

Iruruputo 21:28

Ni eri kikelake matuma kora kale, “Me Izireli amu mela! Tauveṉelomo! Nea maba inio vo o erekani ko nianiiekato kiadamu kasi kiadama zae poso kale tu o kapakapaemou se Izireli ama maba poso, ni vo Mosese ko Bazu, ni komia Jelepade. Ni erisaṉa ta vota mata o mati kue se pui Jiu amu Jelepade ko poro kale ni seko kapakapato ta lula sarosaroro ko ikala komia tabu ama pade!”

Iruruputo 6:13

Nio seta ke mati kuevake kake maba poso ni seta keva lipalipatake vo ni eri kikelake, “Nea maba ta kiada keru ta ruqe kaseko o eva ko animeko tabu ama Jelepade ni vo Mosese ko Bazu.

Romu 10:4

Ako vo Karisito inio vo Mosese ko Bazu ko paitopaito o eveni, nio sea kiadamu seke tuvevo puevo amu vo ta sidopu keta elou vo Baṉara ko kelokelozato kale.

Romu 3:31

Koa oqu kale inio aṉata a ṉamuka vo Mosese ko Bazu kio? Pui, maba pui, melai koa keve kale aṉata a qati lulueka ko ṉavi Bazu ko kio ni kalo ko kavani.

Romu 8:4

Baṉara ta so o ikake tu vo Mosese ko Bazu koka zariako sidopu ta meqai baro anime me jaevani mela Baṉara ko Auvana kale, ni pui komia tupu ko saevo ko zario kale.