Matiu 4:24 - BAṈARA KO VAIRU AMA LEVELEVEO

²⁴ So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Matiu 4:24 교차 참조

Matiu 12:22

Ni kake maba poso ta ke vati olake kala pado maba Jisu kasi ziolo kovai onobatani ni vota leqa ni poka kala. Nio Jisu ta o urikivake voa maba ni vota ota keazatake ni ota pesiake.

Matiu 14:1

Koa taku kale inio vo Herodi Anitipasi Qalili ranala lekasa ta o viqake vo Jisu ko bazu.

Matiu 15:22

Nio kama pado rekoreko pui Jiu ama koa peuru kale ama ta ko kuevake Jisu kasi ni eri kikelake, “Tanala, ṉo Devita ko vikuvikula kalea laṉa, ṉota tauvela aṉa! Ako aṉako meqora ta ziolo kokai onobata ni kota kota matu verepa!”

Matiu 17:15

“Lekasa, ṉota la roqueva aṉavo meqora! Vota pireṉe vere sala ni koa vere ta paqoaqa mati ko iva vo. Ni kubo taku kota ko piva uza kale ni jukale.

Matiu 17:18

Nio Jisu ta o rerikake koa ziolo vo pireṉe vere ko ivako voa rusu topi azo, ni maba koa omadeuma taku kale inio voa rusu ta ota urikake.

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Matiu 8:28

Ni vo Jisu ta o varerikake toupa ka pake Qadara peuru ko sipole, ni sai nio vota o kati toraekiniake omuqa maba qo saqorani nioqa kekai mutazatako kea kale azo. Ni nioqata ziolo kokai onobatani nioqa. Ni nioqata kadea nioqa pui uriavo qo imani nioqa maba poso, so sole maba poso ta pui ke lulueka koa keve.

Matiu 8:33

Nio so keru koa bolo rovana ke kati vailani ke kea keru ko quli koko ereivako, seta ke rereake koa peuru kale ni kemai bazubazuekake kiadama quli koko ereivako sai nioqa omuqa maba ziolo kokai onobateni nioqa kale avo.

Matiu 8:6

“Lekasa, aṉavo nabulu ta ota verepa ni obeta tekua kobo topi, ni vota pui o rovea vezokato ni ota matu tolaiva,” kiolake.

Matiu 9:26

Ni vo Jisu ko aqasiele ama iruruputo ko bazu ta kokai aerake koa kiadama zae poso Qalili rana.

Matiu 9:35

Ni vo Jisu ta okai taliake kiadama matumatuma peuru poso ni silosilo ama zavaṉa poso. Ni vota o nianiiekatake seko ilusato ko pade poso kale, ni okai bazubazutake ko Uri ama Bazu vo Baṉara ko lekasa puo ko. Ni vota o urikimake maba poso seko azaazama vere poso kale azo.

Maka 1:28

Ni vo Jisu ko bazu ta kokai aerake kiadakoi koa Qalili rana.

Maka 1:32

Nio raisiraisi ṉaniu obe jeita keru nio maba poso ta ke mati olake matu kubo maba madu seke verepani ni ziolo komai onobatani Jisu kasi.

Maka 2:3

nio ariku madu ke borivani kala pui o roveani vezokato ta ke baroake.

Maka 2:4

Melai matu kubo maba ke padoivani sai, sole seta pui ke roveake vati zio nea maba Jisu kasi. Sole seta ke vati koitake vo kabu topi Jisu ko ijatinia ni ke puraekake ko kabu ni ke soloevake vo o kobo sase Jisu ko tanama kale.

Maka 2:9

Maba pui tapata tu eri kio, vo pui o vezokatani maba kasi, ‘Ṉoko sarueko poso ta kota ṉa akoiva,’ ako meta pui me qea voko sarueko ta kota va akoiva kio ma pui. Melai matu tapata ikio tu eri kio, ‘Loje ni borika ṉo qobo tu tali,’ kio, ako mea kiada mela ta me qelou ta vota o lojoa kio ma pui sole.

Luke 2:2

Komi ta kuleto ama ataito, koko ereima Kuiriniasi Qavuna o eve keru Siria.

Luke 4:14

Nio Jisu ta ota vaitake Qalili rana, ni vo Tabu ala Auvana ko pizato ta ko evake vo tona. Nio voko bazu ta kota va aerake koa pado ama Qalili.

Luke 4:38

Nio Jisu ta o vaekake se Jiu amu ko ilusato ko pade ni ota olake Saimone ko pade kasi. Ni Saimone ko ravaza, voko reko ko niania, ta kota matu verepake, ni seta kevai bazuekake vo Jisu koko verepo.

Luke 5:15

Melai vo Jisu ko bazu ta kota va aerake kiadakoi, ni matuma vaki ta ko kuevake mati tu ke didievo vo ni o urikimo seko vere poso kale azo.

Luke 5:24

Sole aṉata kasa a mela elou me, aṉa maba a eveni lala ta pizato salala komia peuru ma peuru kale tu a akoekou maba ko sarueko poso,” kiolake. Ni vota eri kiolake voa maba vo pui o roveani vezokato kasi, “Ṉota loje ni lokieka ṉoko kobo ni ola ṉo bade kasi!” kiolake.

Luke 7:17

Nio koa Jisu ko bazu ta kokai zaroake pado ama Jiudia rana ni kiadama koko levoano kale ko evako peuru poso.

Jone 10:21

Melai kama volei maba madu ta eri kikelake, “Vo ziolo kovai onobatani maba ta pui opa roveovou soa pesio elo! Ni mata ziolo ko pizato ta pui kopa leqosikou se maba poso ko vilu!” kikelake.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 28:9

Nio so keru koko ereiva keru, kiadamu koa udu kale ama vere amu ta ke kuevake vokasi ni vota o urikimake se.

Iruruputo 8:7

Ako kubo madu ta kota ma akoivake ko ziolo poso se tonama matuma zialo sate sole, ni kubo lepu amu se pui ke vezokatani ni se loke amu ta keta urikake.