Matiu 4:23 - BAṈARA KO VAIRU AMA LEVELEVEO

²³ Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Matiu 4:23 교차 참조

Matiu 11:5

se leqa kamu ta keta keazata, ni se raiqo amu ta keta talia, ni se pokupoku amu ta keta urika, ni se qiqili amu ta keta viqaviqazata, ni se voumu ta mata ke tova saeva, ni ko Uri ama Bazu ta ko kaseiva se olaquamu kasi. Ako aṉa inio a erekani lala ko quli.

Matiu 12:9

Ni vo Jisu ta o vaekake koa zae, ni ota olake saizama ilusato ko pade kale.

Matiu 13:19

Koa sisu koko piako keve tona ta ko mamola puema sea maba poso seke viqani ko bazu vo Baṉara ko lekasa puo ko, melai pui ke paqumukani. Nio vo Setani ta o kueva ni ota ma ṉamuka koa bazu koko piako seko bulo kale.

Matiu 13:54

ni vota ota vaitake o ṉaviko ṉisa peuru kale Nazareti. Sai nio vota o nianiiekata seko ilusato ko pade kale, ni seke didievani vo ta aqasiele keva evake ni eri kikelake, “Lai nio o koa komia upo kale ama nianiio ni voko ereko komia aqasiele ama iruruputo?

Matiu 14:14

So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu.

Matiu 24:14

Ni komia Uri ama Bazu vo Baṉara ko lekasa puo ko ta kekai bazubazutou komia peuru ma peuru kale tu kiadamu ta ke roveovou viqo. Sai kazo inio peuru ma peuru ta ko ruvurou,” kiolake vo Jisu.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 9:35

Ni vo Jisu ta okai taliake kiadama matumatuma peuru poso ni silosilo ama zavaṉa poso. Ni vota o nianiiekatake seko ilusato ko pade poso kale, ni okai bazubazutake ko Uri ama Bazu vo Baṉara ko lekasa puo ko. Ni vota o urikimake maba poso seko azaazama vere poso kale azo.

Maka 1:14

Ni Jone Bapitaiso ke pirieva ko tova, nio Jisu ta ota olake Qalili ranama peuru poso kale ni okai bazubazutake vo Baṉara ko Uri ama Bazu.

Maka 1:21

Ni Jisu ni voko disaipeli madu ta ke baroake Keponeami matu peuru kale. Nio Sabati ṉaniu kale Jisu ta o amaqeake ilusato ko pade kale ni vota o nianiiekimake se maba poso.

Maka 1:39

So sole vo ni voko disaipeli madu ta kekai taliake kiadama zae poso Qalili, ni vota o bazubazutake seko ilusato ko pade poso kale ni o rerikake ko ziolo poso.

Maka 3:10

Ako Jisu ta o urikimake matu kubo maba poso ni seke verepani ta ke ibaibaekiniake tu ke noqoevo vo sole,

Maka 6:2

Ni Sabati ṉaniu kale vota o taniekake nianiiekato ilusato ko pade kale. Ni matu kubo maba madu ta ke padoivake sai, ni so keru seke tava viqa keru voko nianiiekato seta keta vuzeike, ni eri kikelake, “Lai nio nea maba o koakoi voko bokao? Ni noi nio soa matu nianiiola? Ni noi nio vota pizato sala ni o ereka aqasiele ama iruruputo?

Maka 6:6

Nio vo Jisu ta ota matu vuzeike, ako seta maba puliama tuvevo puto samu vokasi sole. Ni Jisu ta ota olake saizama zavaṉa poso kale, ni o nianiiekimake se maba poso.

Luke 10:9

ni meta me urikimou se vere amu koa peuru kale amu, ni meta eri kimevou saizamu kasi, ‘Vo Baṉara ko lekasa puo ta meko sipole’ kio.

Luke 13:10

Ni kama pado Sabati ṉaniu kale inio Jisu ta o nianiiekatake kama pado ilusato ko pade kale.

Luke 16:16

“Mosese o katimelema Bazu ni se poropita madu ko riki poso ta ko pizate ti kobeta baroi Jone Bapitaiso ko taku keru, so keru azo inio aṉata a danite kai bazubazuto ko Uri ama Bazu Baṉara ko lekasa puo ko bazu sama ni maba poso ta ko riaboema amaqimo voko lekasa puo kale.

Luke 20:1

Omadeu ṉaniu kale so keru Jisu Jelepade kale obe nianiiekima keru se maba poso ni obe mai bazubazueka keru ko Uri ama Bazu, nio se raura kama siama madu ni se Bazu kekai nianiiekatani, ni se tanatanamu ta ke kuevake,

Luke 4:14

Nio Jisu ta ota vaitake Qalili rana, ni vo Tabu ala Auvana ko pizato ta ko evake vo tona. Nio voko bazu ta kota va aerake koa pado ama Qalili.

Luke 5:17

Ni omadeu ṉaniu kale Jisu ta o nianiiekatake, nio kake se Parese madu ni se Mosese ko Bazu kekai nianiiekatani ta kebeta papuake sai seke kuevini kiadama peuru poso kale azo Qalili ni Jiudia, ni Jerusalema azo. Ni vo Baṉara ko pizato Jisu tona ko evako kale vota o urikimake se vere amu.

Luke 6:17

Ni sea toni omuqa sate inio Jisu ta o saqorake sopu kale azo, ni vota o baroake kama pado sare ama zaekale sai mota kamu vo ke luluevani maba madu ke toraevekoi. Ni mata kubo maba madu ta ke padoivake sai seke kuevini Jiudia ranʼazo ni Jerusalema azo ni koa omuqa matu peuru Taea ni Saidoni ko keta kalea vasia ranama peuru poso kale azo,

Luke 6:6

Ni mata kama pado Sabati ṉaniu kale inio Jisu ta o amaqeake seko ilusato pade kale ni o bazubazutake. Ni kala maba ta sai ni vota lepu ṉase ala.

Luke 7:22

So sole Jisu ta o kati tiorikake Jone ko disaipeli kidi ni eri kiolake, “Qeta vaitoko ni bazuevoko vo Jone ko quli qeqe keako ni qe viqako quli, se leqa kamu ta keta keazata, ni se raiqo amu ta keta talia, ni se pokupoku amu ta keta urika, ni se qiqili amu ta keta viqazata, ni se voumu ta mata ke tova saeva, ni ko Uri ama Bazu ta ko kaseiva se olaquamu kasi. Ako aṉa inio a erekani lala ko quli.

Luke 8:1

Ni kama taku poso ko tova inio Jisu ta o lipilipitake matuma ni silo ama peuru poso kale, ni okai bazubazutake ko Uri ama Bazu vo Baṉara ko lekasa puo ko. Ni sea toni omuqa disaipeli ta ke olake vo sate,

Luke 9:11

Melai matuma vaki ta ko viqake koa bazu, ni seta ke luluevake vo. Nio vota o baroekimake se, ni omai bazuekake se vo Baṉara ko lekasa puo ko kalo, ni se keka zariovini uriko ta o urikimake.

Luke 9:60

Ni Jisu ta o tiorizatake ni eri kiolake, “Vaema se pui kekai baroani ko auvana kale ama saevo tu ke mutamo seko vouma maba poso. Melai ṉota pa kai bazubazute vo Baṉara ko lekasa puo,” kiolake.

Jone 18:20

Nio Jisu ta o vati tiorikake vo, ni eri kiolake, “Aṉata lula aqai bazubazute ko kasavole kiada keru kiadama maba madu kasi, kiadama aṉako nianiiekato sai ilusato ko pade poso ko poro kale ni Jelepade kale, sai kubo Jiu amu ke padoivakoi mati. Puliama kama taku aṉata aba daipaeke kaseko kama quli sai.

Jone 6:59

Jisu ta o kasekake koa nianiiekato so keru o bazubazute keru ilusato ko pade kale Keponeami peuru kale.

Jone 7:1

Ni koko tova inio Jisu ta o taliake Qalili rana, ni vota pui oka zariake talio Jiudia rana, ako se Jiu ama tanatanamu ta kebe tarevake vo sai tu ke vouvaevo sole.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 18:4

Ni vota o bazubazutake Jiu amu ko ilusato ko pade kiadama Sabati ṉaniu poso kale tu o madoeko lilimo se Jiu amu ni se sai ke lotumatani Quriki amu.

Iruruputo 20:25

“Aṉata lula a lipilipite mea kiada mela kasi kai bazubazutole vo Baṉara ko lekasa puo. Ni aṉata aqai nianiia ta puliala me azo ta mata opa tova lelou aṉa.

Iruruputo 28:31

Ni vota okai bazubazutake vo Baṉara ko lekasa puo ni vota omai nianiiekivake vo Lekasa Jisu Karisito Vota parani putole ovai bazutake vo, ni puliala ta o tauroevake vo.

Romu 10:15

Ni noni ko kalou inio ko bazu ta ko kaseilou puliala bazubazuto ko maba o soroilou ta? Omadeuvo ko Tabu ama Riki kikovevo jari, “Matu zolezole ama quli anime kasi seko kati kilo ko Uri ama Bazu!” kikolako.