Matiu 4:10 - BAṈARA KO VAIRU AMA LEVELEVEO

¹⁰ Melai vo Jisu ta o vati tiorikake ni eri va kiolake, “Ose, Setani! Ako ko Tabu ama Riki kikolani ta eri nio sole, ‘Ilusiva vo Baṉara vo ṉovo Lekasa ni va nabulupute vo o kiada!’” kiolake.

Matiu 4:10 교차 참조

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Maka 1:13

Nio vota o evake sai ariku toni ṉaniu, ni Setani ta o zolizolievake vo. Ni sai ta piru ama ariku kiti ama biaṉa sakoi, melai se mateana poso ta ke kuevake ni kepa tauvevake vo Jisu.

Luke 10:18

Nio Jisu ta o mati tiorikake se ni eri kiolake, “Aṉata ada va keve vo Setani ko pialo kapi jari aukale azo.

Luke 11:18

So sole vo Setani ko lekasa puo kale ta kama poqala poso sala koko pazokiniako ko navio kude tea, zakaremu kio voko lekasa puo ta kota paito nio. Meta eri kimela, aṉata a rerika ko ziolo poso ako Setani ta o katila aṉa ko pizato ni aṉata a rovea, kimela.

Luke 13:16

Komia rekoreko ta kama pado reko vo Ebarahami ko vikuvikula kale ama ikio, vo Setani o piriekema jari toni siotolu sabere; ta noni, kota pui kopa rupasiovou Sabati ṉaniu kale, kio?” kiolake.

Luke 22:3

Nio vo Setani ta ovai amaqeake vo Jiudasi, kama pado voko ṉi ta Isikarioti va kikeveni, vota kala pado sea toni omuqa disaipeli madu kale ala.

Luke 22:31

Nio Jisu ta mata eri kiolake, “Saimone, Saimone! Didiane! Setani ta lula o koala ko zariekato tu tapata kama madolo o katimelou mea kiada mela, tu vota ota mela kelo kama ruqe, omadeuvo vo papato ko maba o pitasika ko vuiti ko amu koko epa kale azo jari.

Luke 4:8

Ni Jisu ta o vati tiorikake vo ni eri kiolake, “Ko Tabu ama Riki ta eri nio kikolani, ‘Ilusiva vo Baṉara vo ṉovo Lekasa ni va nabulupute vo o kiada!’ ” kiolake.

Jone 13:27

Ni eria kovo obe evake vo Jiudasi koa bereti, inio vo Setani ta ovai amaqeake vo. Sai nio Jisu ta eri kiolake vo Jiudasi kasi, “Taukavole ereka ko ṉo ṉoqa zariako ereko!” kiolake.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Iruruputo 5:3

Nio Pita ta eri kiolake vokasi, “Ananaiasi, noi sole inio ṉota ṉo lekasa pueva vo Setani ṉoko bulo kale ni ṉota ṉo lipalipaeva vo Tabu ala Auvana ṉo taka ṉeamuko kale kama kobu seleni ṉo ṉoqai tatabaraolama lomaloma kale azo ko puratalama kale azo?

1 Koriniti 5:5

meta me luavivou nea maba Setani kasi tu voko tupu kale ama zario ta ko epezou voko tolailo kale, inio vota o pakiovou vo animevo Lekasa Jisu okai vaito ama Ṉaniu kale.

1 Koriniti 7:5

Lasivea laṉa ta pui taka lupao ṉoko reko, ni so jari ṉoa reko ṉa ṉovo lasive kasi. Melai pitopito ama taku kale uri ama vatolo kale qe vaekou vararaito kaqe saita, inio mata tova padoekinio qe elou. Komia keve kale kude inio qeta qe pakiziovou vo Setani ko zolizolito kale azo. Ako lekulekua qela qeko kaitizio kale sole.

2 Koriniti 11:14

Zio, pui aqasiele ama quli! Ako o ṉavi vo Setani ta o roveani edolovo elo tu kala zakaremu ko mateana jaria velo o elo!

2 Koriniti 12:7

Melai vo Baṉara ta o zarie ko aṉa ko tolaelako quli koko kuevako Setani kasi azo. Vota o zarieka tu ko tolaelo tu aṉata pui aqai rauraraurailo ko aṉata lula a qea koa kubo aqasiele ama quli.

2 Koriniti 2:11

So inio vo Setani ta pui o zaraemelou anime, ako animeta meqai nianiia voko vatolo oka zariako ereko sole.

Jemisi 4:7

So sole meta katiziomo vo Baṉara kasi. Ni meta vati kanaekiniomo vo Setani, nio vota o soqoilou mekasi azo.

1 Pita 5:9

Meta vinaimo meko oqu kale ni vati pazokiniomo vo Setani, ako meta meqai nianiia ta meko lotu tamania komia peuru ma peuru kale amu ta ke koa koa omadeuma tolailo meme qoako jari ama sole.