Matiu 3:2 - BAṈARA KO VAIRU AMA LEVELEVEO

² Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 3:2 교차 참조

Matiu 10:7

Ni meta me bazubazutou ni eri kimevou, ‘Vo Baṉara ko lekasa puo ta sipole kota barolou!’

Matiu 11:20

Ni koa matu peuru kale ama maba poso sai Jisu o erekekoi voko matu kubo aqasiele ama iruruputo ta pui ke liliziake seko ruqe kale azo, so sole Jisu ta o riqaemake se koa matu peuru kale amu ni eri ma kiolake,

Matiu 12:41

Mata eri nio, so keru vo Baṉara ko titizato ko taku keru ta ke lojolou se Ninive amu ni seta kuiripato saṉa ke imelou me, ako se inio ke liliziovini seko ruqe kale azo so keru seke viqe keru vo Jona ko bazubazuto sole. Melai aṉata a bazuemela me, inevoana kala koi matu raura kala vo Jona kasi azo, melai meta pui me lilizia!

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Matiu 13:24

Vo Jisu ta o mati nianiiekikake kama pado podepodeti ni eri kiolake sekasi, “Vo Baṉara ko lekasa puo ta omadeuvo kala maba jari, vo o papakani uri ama sisu voko kiaro kale.

Matiu 13:31

Ni vo Jisu ta mata o mati nianiiekikake mata kama pado podepodeti ni eri kiolake sekasi, “Vo Baṉara ko lekasa puo ta omadeuvo matu silo ama masitadi ore ko sisu jari, vo maba o papakako voko kiaro kale,

Matiu 13:33

Ni vo Jisu ta mata omai bazubazuekake ka pado podepodeti, ni eri kiolake, “Vo Baṉara ko lekasa puo ta eri jari. Kama pado rekoreko ta ko koa kama isiti ni ko kati valuvalueka matuma baeke palava ti kobeta koiva inio koa pado ama volevole,” kiolake.

Matiu 13:47

“Vo Baṉara ko lekasa puo ta mata eri jari. Kake se abu ko maba madu ta ke risaeka seko saru ivere kale ni ke koa kubo azaazama niuniu poso.

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Matiu 18:23

ako vo Baṉara ko lekasa puo ta eri jari nio sole. Inevoana kala lekasa vo oka zariani lelepiko voko nabulu poso ko lipulipu vokasi ke erekema.

Matiu 20:1

Nio vo Jisu ta mata eri kiolake sekasi, “Vo Baṉara ko lekasa puo ta eri. Kala tanala ta o lekoa omadeu vikale tu o vailimo kake maba poso, tu ke iruruputo voko vaini kiaro kale. Ni vota o meake kake.

Matiu 22:2

“Vo Baṉara ko lekasa puo ta eri jari. Kala lekasa ta o inainaekake vovo meqora ko bau vuato.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

Matiu 25:1

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.

Matiu 25:14

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Inevoana kala lekasa vo o inainaovani tu ota zio vaṉama peuru kale, ni vota o nokaemake voko nabulu poso ni o katimake voko takula ni lomaloma tu kekai iruruputo.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Matiu 5:10

“Keta zoleiva tisoiko seke naquivani, seko ereko kale avo vo Baṉara oka zariani, ako seta o ṉavi Baṉara ko lekasa puo kale amu sole.

Matiu 5:3

“Keta zoleiva tisoiko se kekai nianiiani seko ozaoza elo seko auvana kale, ako seta o ṉavi Baṉara ko lekasa puo kale amu sole.

Matiu 6:10

ṉoko lekasa puo ko kilo, ṉoko vatolo ta ko luluilou miduku kale omadeuvo kota ko luluiva aukale jari.

Matiu 6:33

So sole meta atanaziekomo koa saevo vo Baṉara ko lekasa puo kale ama ni me erekou vo oka zariako quli, nio vota mata o katimelou kiadama quli meko saevo ko korotiko ama.

Maka 1:15

Ni eri kiolake, “Ko tutututuki ama taku ta kobeta kueva, ni vo Baṉara ko lekasa puo ta sipole! Tu meta liliziomo meko ruqe kale azo ni tuvevo ikomo ko Uri ama Bazu,” kiolake.

Maka 1:4

Nio so inio vo Jone ta o puratake lealea kama zaekale, ni bapitaiso o imake se maba poso ni o bazubazutake ni eri kiolake, “Meta liliziomo meko sarueko kale azo ni bapitaiso emo, inio vo Baṉara ta ota mela akoekou meko sarueko poso,” kiolake.

Maka 6:12

So sole seta keta olake ni ke bazubazutake tu maba madu ta ke liliziovou seko ruqe kale azo.

Luke 1:16

Vota o vaitoemou matu kubo Izireli ama maba madu vo Baṉara sevo Lekasa kasi.

Luke 11:20

Melai aṉata a rerima inio sea ziolo poso Baṉara ko pizato kale tu komi ta kasa ko iko mekasi vo Baṉara kasi azo ko kuevako saevo vo okai lekasa puako ta lula kota baroa mekasi kio.

Luke 13:3

Maba pui! Melai aṉata a bazuemela me ta meta pui me liliziovou meko sarueko poso kale azo ta mea kiada mela meda vouvou se jaria vou.

Luke 13:5

Maba pui! Aṉata a bazuemela me ta pui me liliziovou meko sarueko poso kale azo ta mea kiada mela ta se jaria vou meda elou,” kiolake.

Luke 15:10

Aṉata a bazuemela, omadeuvo so jari nio vo Baṉara ko mateana madu ta keva zoleiva voa omadeu maba sarueko sala vo o liliziani,” kiolake vo Jisu.

Luke 15:7

So inio aṉata a bazuemela me, omadeuvo so jari nio vo Baṉara ta ovai qulepoa zoleilou voa omadeu pado maba vo o liliziani voko ruqe kale azo kokai paloasako vo omai zoleivani zoleilo kale sea siakava toni siakava paṉapaṉao maba poso se puliama lilizio kekai zariani,” kiolake.

Luke 16:30

Nio voa batiro ala maba ta o tiorizatake ni eri kiolake, ‘Kota pui ko male, taite Ebarahami! Melai kala ta o saevou voukale azo ta omai ziovou se tea, seta ke vaekou nio seko ruqe ama kalo poso,’ kiolake.

Luke 21:31

Omadeuvo so jari nio, meta me qelou kiadama quli ta so ko kalou, ni meta meqai nianiiovou ta vo Baṉara ko lekasa puo ta sipole kota barou kio.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Luke 6:20

Ni Jisu ta o toiritoirimake seke luluevani maba madu ni vota eri kiolake, “Meda zoleiva tisoiko me ozaoza kamela, ako meta o ṉavi Baṉara ko lekasa puo kalea mela sole!

Luke 9:2

Ni vota o soroemake se tu kekai bazubazuto vo Baṉara ko lekasa puo ni ke urikimo se vere amu.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

2 Koriniti 7:10

Ako koa duki vo Baṉara o erekako ikio ko besiekako meko bulo ni ko odiemelako pakio kale, ni meta pui upotuqu meba kai elou koa duki vo Baṉara o melai pakiekako me! Melai vo pui o tuvevo putani maba ko duki ta pui ko besieka voko bulo ni kota ko odieva vo noqola kama tolailo kale.

Kolosi 1:13

Baṉara ta o pakiemele anime kutumana ko pizato kale azo ni o amaqimele anime vo o matu roquevani Meqora ko lekasa puo kale,

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

2 Pita 3:9

Sole pui kerukerueko ko vo Baṉara ta o ubaitani ereko voko leveleveo, kake kikelani jari. Ako pui so inio o kavani melai vota o vanonoriemela me, ako vota pui okai zaria tu kala ta o mumailou sole, melai vota okai zaria kiada mela ta me liliziovou meko ruqe kale azo sole.

Kelokelozato 2:21

Aṉata lula a qatika ko taku tu kota ko lilizio koko ruqe kale azo, melai kota pui koka zaria lilizio koko pauvezato ko iruruputo kale azo.

Kelokelozato 2:5

Kerukeruekomo meko roquelo koko okate sai me lula me biavekoi kazo! Liliziomo koa meko sarueko kale azo, ni meta kamo kuleto me qaevo jari. Ako meta pui me liliziovou meko sarueko kale azo inio aṉata a melai kilou nio me tamela kovole meko juke ko papupapu sai koko zaekale azo.