Ni olako taukavole ni pa bazuemoko voko disaipeli madu, ni eri kiqevou, ‘Vota ota saevala voukale azo, ni vota ota ziovou Qalili meko kuleto, ni sai nio meba velou,’ kiqevou, ni ko ikio aṉako bazu qekasi.”
Ni ota podoloa koi nio Jisu ta o toraekake nioqa keve tona ni eri kiolake, “Bule ta qe tona.” Ni nioqata qova vatutake ni qota va noqoekake voko kiti, ni qo ilusivake.
So sole seta ke saqorake koa kea ko poro kale azo, ni keta soqoike, ako seta keta ṉake ni keta dederake sole. Ni puliala kevai bazuekake seke viqema quli, ako keta ṉake sole.
Tuvevo avole aṉata a bazuemela me, puliako tu keu meta me zialou ni kumasa me elou, melai komia ruqe ama peuru ma peuru kale ama maba poso ta pui kepa zialou, seta keta zoleilou. Zio, meta upotuqu me elou, melai tova ta meko upotuqu ta zoleilo ko besiekou.
So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me.
