Matiu 28:6 - BAṈARA KO VAIRU AMA LEVELEVEO

⁶ Melai vota puliala koi, ako vota lula ota saevala sole, omadeuvo o ṉavi lula melati kiovevo jari. Tu kueko ni pa keko voko tupu ko tekulakoi.

Matiu 28:6 교차 참조

Matiu 12:40

Vo Jona ta o eve zouke ṉaniu zouke ipu matuma niuniu ko siapa kale, ni so jari inio aṉa maba a eveni lala ta zouke ṉaniu zouke ipu a elou se voumu ko zaekale.

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 17:23

tu seta ke vouvaelou, melai zouke ama ṉaniu kale aṉata mata a jaevou,” kiolake. Nio se disaipeli madu ta matu duki keta evake voko so kio kale.

Matiu 17:9

Nio seke saqora keru sopu kale azo, nio Jisu ta o bazuemake sea zouke disaipeli madu ni eri kiolake sekasi, “Mata puliala mevai bazuekou koa kelokelozato meme qeako ti kobeta barolou aṉa maba a eveni lala ko mata saevo voukale azo.”

Matiu 20:19

Nio seta mata ke lati ziovou aṉa se pui Jiu amu kasi tu seta kelai balebaleitou ni ke sisiparuelou ni ke patoelou korosi topi. Melai zouke ala ṉaniu kale inio mata ada tova saevou,” kiolake vo Jisu.

Matiu 27:63

ni eri kikelake, “Lekasa, eṉeta ṉebe kerukerueko nea lipalipa kala maba kiovevo vo saevola keru, ako eri nio kiovevo sole, ‘Aṉata mata a jaevou zouke ala ṉaniu kale,’ kiovevo sole,” kikelake.

Maka 16:6

Melai voa vairu ala maba ta eri ma kiolake, “Meta pui vuzeilo ako aṉata aqai nianiia ta meta me vailiva vo Nazareti ala Jisu, vo ke patoevalani korosi topi. Melai vota puliala koi, ako vota lula ota saevala sole. Ni kemo, koi nio ke tekuevalakoi.

Maka 8:31

Ni vo Jisu ta o taniekake nianiiekimo voko disaipeli madu, ni eri kiolake, “Aṉa maba a eveni lala ta ke tolaelou ni kelai keduvou se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio mata a jaevou,” kiolake.

Luke 24:12

Melai Pita ta o zolaike ni o rereake keaka kasi, ni vota o poqupoquike tu o kelo koa keaka ko poro, ni o keake koa tapo suma sudesude ni kota pulia quli sama. Ni vota ota vaitake pade kasi ako vota aqasiele okai evake koko ereivako quli sole.

Luke 24:23

melai seta pui kepa tava keala voko tupu sai. Ni seke vaitala keru seta kekai bazutala seko kelo omuqa mateana komai bazuekalama ta vota lula mata ota saevala kio.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 10:17

“Aṉavo Mama ta o roquela aṉa ako aṉata zarizaria lala tu a vaekou aṉako saevo, tu aṉata mata a dova kovou koa saevo.

Jone 2:19

Ni Jisu ta o mati tiorikake, “Meta me biresukou komia Baṉara ko Jelepade, nio zouke ṉaniu kale aṉata mata a lojoekou ko,” kiolake.

Iruruputo 2:24

Melai Baṉara ta o saevivake vo voukale azo, ni vota o rupasivake vo koko sisikara kale azo, ako ko vou ta pui kopa roveovi noqola pirieve vo sole.